ਗੁੜਗਾਓਂ : ਬੀਤੀ ਦੇਰ ਰਾਤ ਨੂੰ ਦਵਾਰਕਾ ਐਕਸਪ੍ਰੈਸਵੇਅ ‘ਤੇ ਇੱਕ ਭਿਆਨਕ ਸੜਕ ਹਾਦਸਾ ਵਾਪਰਿਆ। ਤੇਜ਼ ਰਫ਼ਤਾਰ ਦੇ ਕਹਿਰ ਨੇ ਪੂਰੇ ਪਰਿਵਾਰ ਨੂੰ ਹਸਪਤਾਲ ਪਹੁੰਚਾ ਦਿੱਤਾ। ਦਿੱਲੀ ਵੱਲ ਜਾ ਰਹੀ ਇੱਕ ਸਕੋਡਾ ਕਾਰ, ਧਨਵਾਪੁਰ ਚੌਕ ‘ਤੇ ਪਲਟ ਗਈ। ਰਫ਼ਤਾਰ ਦਾ ਅੰਦਾਜ਼ਾ ਇਸ ਗੱਲ ਤੋਂ ਲਗਾਇਆ ਜਾ ਸਕਦਾ ਹੈ ਕਿ ਕਾਰ ਪਲਟ ਗਈ ਅਤੇ ਗਰਿੱਲ ਤੋੜਦੇ ਹੋਏ ਗੋਲ ਚੱਕਰ ਦੇ ਅੰਦਰ ਚਲੀ ਗਈ। ਇਹ ਦ੍ਰਿਸ਼ ਦੇਖ ਕੇ ਆਲੇ-ਦੁਆਲੇ ਤੋਂ ਲੰਘ ਰਹੇ ਵਾਹਨ ਰੁਕ ਗਏ ਅਤੇ ਮਦਦ ਦੇ ਲਈ ਅੱਗੇ ਆਏ। ਲੋਕਾਂ ਨੇ ਜ਼ਖਮੀਆਂ ਨੂੰ ਪਲਟੀ ਹੋਈ ਕਾਰ ਵਿੱਚੋਂ ਬਾਹਰ ਕੱਢਿਆ ਅਤੇ ਹਸਪਤਾਲ ਭੇਜਿਆ। ਸੂਚਨਾ ਮਿਲਣ ‘ਤੇ ਪੁਲਿਸ ਅਤੇ ਫਾਇਰ ਬ੍ਰਿਗੇਡ ਦੀਆਂ ਟੀਮਾਂ ਮੌਕੇ ‘ਤੇ ਪਹੁੰਚੀਆਂ ਅਤੇ ਪਲਟੀ ਹੋਈ ਕਾਰ ਨੂੰ ਸਿੱਧਾ ਕੀਤਾ। ਇਸ ਦੌਰਾਨ, ਪੁਲਿਸ ਜ਼ਖਮੀਆਂ ਦੇ ਬਿਆਨ ਲੈਣ ਲਈ ਹਸਪਤਾਲ ਪਹੁੰਚੀ।
ਜਾਣਕਾਰੀ ਦੇ ਅਨੁਸਾਰ, ਇੱਕ ਸਕੋਡਾ ਕਾਰ ਵਿੱਚ ਸਵਾਰ ਹੋ ਕੇ ਪਰਿਵਾਰ ਗੁੜਗਾਓਂ ਆਇਆ ਸੀ। ਰਾਤ ਲਗਭਗ 10:15 ਵਜੇ ਇਹ ਪਰਿਵਾਰ ਆਪਣੀ ਕਾਰ ਤੋਂ ਵਾਪਸ ਦਿੱਲੀ ਜਾ ਰਹੀ ਸੀ। ਦੱਸਿਆ ਜਾ ਰਹੀ ਹੈ ਕਿ ਗੱਡੀ ਕਾਫੀ ਜ਼ਿਆਦਾ ਰਫਤਾਰ ਵਿੱਚ ਸੀ ਅਤੇ ਜਦੋਂ ਇਹ ਗੱਡੀ ਦਵਾਰਕਾ ਐਕਸਪ੍ਰੈਸਵੇਅ ‘ਤੇ ਧਨਵਾਪੁਰ ਗੋਲ ਚੌਕ ‘ਤੇ ਪਹੁੰਚ ਤਾਂ ਚਾਲਕ ਆਪਣੀ ਕਾਰ ਤੋਂ ਕੰਟਰੋਲ ਗਿਆ ਬੈਠੀ ਅਤੇ ਗੱਡੀ ਪਲਟਿਆਂ ਮਾਰਦੀ ਹੋਈ ਗ੍ਰਿਲ ਤੋੜਕੇ ਗੋਲ ਚੱਕਰ ਵਿੱਚ ਜਾ ਡਿੱਗੀ।
ਇਸ ਘਟਨਾ ਵਿੱਚ ਚਾਲਕ ਗੰਭੀਰ ਰੂਪ ਵਿੱਚ ਜ਼ਖ਼ਮੀ ਹੋ ਗਈ। ਇਸ ਦੌਰਾਨ, ਪਰਿਵਾਰ ਦੇ ਹੋਰ ਮੈਬਰਾਂ ਨੂੰ ਵੀ ਸੱਟਾ ਲੱਗਿਆ ਹੈ। ਲੋਕਾਂ ਨੇ ਮਦਦ ਕਰ ਕੇ ਜ਼ਖ਼ਮੀਆਂ ਨੂੰ ਗੱਡੀ ਵਿੱਚੋਂ ਬਾਹਰ ਕੱਢਿਆ ਅਤੇ ਨਜ਼ਦੀਕੀ ਹਸਪਤਾਲ ਭੇਜ ਦਿੱਤਾ। ਇਸ ਦੌਰਾਨ, ਸੂਚਨਾ ਮਿਲਦੇ ਹੀ ਸਥਾਨਕ ਥਾਣਾ ਪੁਲਿਸ ਮੌਕੇ ’ਤੇ ਪਹੁੰਚੀ ਅਤੇ ਜਾਂਚ ਸ਼ੁਰੂ ਕਰ ਦਿੱਤੀ। ਮੌਕੇ ’ਤੇ ਫਾਇਰ ਬ੍ਰਿਗੇਡ ਵਿਭਾਗ ਦੀ ਟੀਮ ਨੂੰ ਵੀ ਬੁਲਾਇਆ ਗਿਆ, ਜਿਸਨੇ ਕਾਰ ਨੂੰ ਸਿੱਧਾ ਕੀਤਾ। ਪੁਲਿਸ ਦਾ ਕਹਿਣਾ ਹੈ ਕਿ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਇਹ ਪਤਾ ਲਗਾਇਆ ਜਾ ਰਿਹਾ ਹੈ ਕਿ ਆਖਿਰ ਗੱਡੀ ਕਿਵੇ ਪਲਟੀ। ਕੀ ਤੇਜ਼ ਰਫ਼ਤਾਰ ਕਾਰਨ ਡਰਾਈਵਰ ਨੇ ਗੱਡੀ ਤੋਂ ਕੰਟਰੋਲ ਗੁਆ ਦਿੱਤਾ ਜਾਂ ਹਾਦਸੇ ਦਾ ਕੋਈ ਹੋਰ ਕਾਰਨ ਸੀ? ਫਿਲਹਾਲ ਜ਼ਖਮੀਆਂ ਦੇ ਬਿਆਨ ਦਰਜ ਕੀਤੇ ਜਾ ਰਹੇ ਹਨ। ਜਾਂਚ ਦੌਰਾਨ ਹੀ ਤੱਥ ਸਾਹਮਣੇ ਆਉਣਗੇ ਜਿਸ ਦੇ ਆਧਾਰ ‘ਤੇ ਅੱਗੇ ਦੀ ਕਾਰਵਾਈ ਕੀਤੀ ਜਾਵੇਗੀ।
