ਅਦਾਕਾਰ ਹਿਮਾਂਸ਼ ਕੋਹਲੀ ਦੀ ਫਿਲਮ “ਆਰੀਆਭੱਟਾ ਕਾ ਜ਼ੀਰੋ” ਦਾ ਟੀਜ਼ਰ ਹੋਇਆ ਰਿਲੀਜ਼

ਮੁੰਬਈ : “ਯਾਰੀਆਂ” ਫੇਮ ਅਦਾਕਾਰ ਹਿਮਾਂਸ਼ ਕੋਹਲੀ ਦੀ ਫਿਲਮ “ਆਰੀਆਭੱਟਾ ਕਾ ਜ਼ੀਰੋ” ਦਾ ਟੀਜ਼ਰ ਰਿਲੀਜ਼ ਹੋ ਗਿਆ ਹੈ। ਸ਼ਿਰਫ 1 ਮਿੰਟ 10 ਸਕਿੰਟ ਦਾ ਇਹ ਟੀਜ਼ਰ ਇੱਕ ਨੌਜਵਾਨ ਦੀ ਕਹਾਣੀ ਦੀ ਝਲਕ ਦਿੰਦਾ ਹੈ, ਜੋ ਪਿਆਰ, ਅਸਫਲਤਾਵਾਂ, ਪਰਿਵਾਰਕ ਦਬਾਅ ਅਤੇ ਸਮਾਜ ਵੱਲੋਂ ਅਣਗਹਿਲੀ ਦੇ ਵਿਚਕਾਰ ਆਪਣੀ ਪਛਾਣ ਅਤੇ ਸਤਿਕਾਰ ਹਾਸਲ ਕਰਨ ਦੇ ਲਈ ਲੜਾਈ ਲੜਦਾ ਹੈ।

ਟੀਜ਼ਰ ਦੀ ਸ਼ੁਰੂਆਤ ਟੀਵੀ ਨਿਊਜ਼ ਬੁਲੇਟਿਨ ਨਾਲ ਸ਼ੁਰੂ ਹੁੰਦਾ ਹੈ, ਜਿਸ ਵਿੱਚ ਐਂਕਰ ਕਹਿੰਦਾ ਹੈ, ” ਪਿਆਰ ‘ਚ ਧੋਖਾ ਖਾਧੇ ਪ੍ਰੇਮੀ ਅਕਸਰ ਸ਼ਰਾਬੀ, ਪਾਗਲ ਅਤੇ ਕਾਤਲ ਬਣ ਜਾਂਦੇ ਹਨ, ਪਰ ਇੱਥੇ ਧੋਖੇ ਨਾਲ ਪ੍ਰੇਮੀ ਆਈਏਐਸ ਅਫਸਰ ਬਣ ਗਿਆ।” ਇਸ ਤੋਂ ਬਾਅਦ ਹਿਮਾਂਸ਼ ਕੋਹਲੀ ਦਾ ਕਿਰਦਾਰ ਆਪਣੇ ਮਾਤਾ-ਪਿਤਾ ਨਾਲ ਆਈਏਐਸ ਅਤੇ ਡੀਐਮ ਬਣਨ ਦਾ ਸੁਪਨਾ ਸਾਂਝਾ ਕਰਦਾ ਹੈ, ਪਰ ਜਵਾਬ ‘ਚ ਉਸਨੂੰ ਪਿਤਾ ਦਾ ਇੱਕ ਜ਼ੋਰਦਾਰ ਥੱਪੜ ਮਿਲਦਾ ਹੈ। ਇੱਥੋਂ ਹੀ ਉਨ੍ਹਾਂ ਦੇ ਸੰਘਰਸ਼ਾਂ ਦੀ ਸ਼ੁਰੂਆਤ ਦਰਸ਼ਕਾਂ ਨੂੰ ਭਾਵਨਾਤਮਕ ਤੌਰ ‘ਤੇ ਜੁੜਨਾ ਸ਼ੁਰੂ ਕਰਦੇ ਹਨ।

ਇਸ ਦੇ ਬਾਅਦ ਅਦਾਕਾਰ ਰਵੀ ਕਿਸ਼ਨ ਆਪਣੇ ਵਿਸ਼ੇਸ਼ ਅੰਦਾਜ਼ ਵਿੱਚ ਜ਼ਿੰਦਗੀ ਦੇ ਸਬਕ ਦਿੰਦੇ ਨਜ਼ਰ ਆਉਂਦੇ ਹਨ। ਇੱਕ ਸੀਨ ਵਿੱਚ ਉਹ ਕਹਿੰਦੇ ਹਨ, “ਪ੍ਰੇਮਿਕਾ ਦੀ ਸ਼ਾਦੀ ਵਿੱਚ ਖਾਣਾ ਖਾਣ ਨਾਲ ਆਦਮੀ ਕਦੇ ਭੁੱਖਾ ਨਹੀਂ ਮਰਦਾ, ਕਿਉਂਕਿ ਉਹ ਬੇਸ਼ਰਮ ਹੋ ਜਾਂਦਾ ਹੈ।” ਉੱਥੇ ਹੀ ਦੂਜੇ ਸੀਨ ਵਿੱਚ ਉਨ੍ਹਾਂ ਦਾ ਡਾਇਲਾਗ, “ਜੋ ਹੁੰਦਾ ਹੈ, ਚੰਗੇ ਲਈ ਹੁੰਦਾ ਹੈ,” ਸੁਣਨ ਤੋਂ ਬਾਅਦ ਹਿਮਾਂਸ਼ ਦਾ ਕਿਰਦਾਰ ਬੇਹੱਦ ਮਾਸੂਮੀਅਤ ਨਾਲ ਜਵਾਬ ਦਿੰਦਾ ਹੈ, “ਮੇਰਾ ਕਦੇ ਵੀ ਚੰਗਾ ਨਹੀਂ ਹੁੰਦਾ।” ਇਹ ਲਾਈਨ ਫਿਲਮ ਦੇ ਇੱਕ ਭਾਵਨਾਤਮਕ ਪਲ ਨੂੰ ਦਰਸਾਉਂਦੀ ਹੈ।

“ਆਰੀਆਭੱਟਾ ਕਾ ਜ਼ੀਰੋ” ਵਿੱਚ ਹਿਮਾਂਸ਼ ਕੋਹਲੀ ਦੇ ਨਾਲ ਸੋਨਾਲੀ ਸਹਿਗਲ, ਦਰਸ਼ਨਾ ਬਾਨਿਕ, ਨਰੇਸ਼ ਵੋਹਰਾ, ਅਲਕਾ ਅਮੀਨ ਅਤੇ ਨੀਰਜ ਸੂਦ ਮੁੱਖ ਭੂਮਿਕਾਵਾਂ ਵਿੱਚ ਹਨ। ਅਦਾਕਾਰਾ ਸ਼ਿਲਪਾ ਸ਼ਿੰਦੇ ਵੀ ਫਿਲਮ ਵਿੱਚ ਇੱਕ ਵਿਸ਼ੇਸ਼ ਭੂਮਿਕਾ ਵਿੱਚ ਨਜ਼ਰ ਆਵੇਗੀ। ਇਹ ਫਿਲਮ 7 ਅਗਸਤ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ।