ਨਵੀਂ ਦਿੱਲੀ: ਰਾਜਧਾਨੀ ਦਿੱਲੀ ਵਿੱਚ ਅੱਜ 10 ਅਕਤੂਬਰ ਨੂੰ ਪ੍ਰਸਤਾਵਿਤ ਵਿਰੋਧ ਪ੍ਰਦਰਸ਼ਨ ਦੇ ਮੱਦੇਨਜ਼ਰ ਟ੍ਰੈਫਿਕ ਪ੍ਰਬੰਧਾਂ ਵਿੱਚ ਬਦਲਾਅ ਕੀਤਾ ਗਿਆ ਹੈ। ਦਿੱਲੀ ਟ੍ਰੈਫਿਕ ਪੁਲਿਸ ਵੱਲੋਂ 30 ਤੋਂ ਵੱਧ ਥਾਵਾਂ ’ਤੇ ਆਵਾਜਾਈ ਨੂੰ ਡਾਇਵਰਟ ਕਰਨ ਸਬੰਧੀ ਐਡਵਾਈਜ਼ਰੀ ਜਾਰੀ ਕੀਤੀ ਗਈ ਹੈ। ਸਵੇਰੇ 6 ਵਜੇ ਤੋਂ ਲਾਗੂ ਕੀਤੇ ਗਏ ਇਹ ਪ੍ਰਬੰਧ ਹਾਲਾਤ ਆਮ ਹੋਣ ਤੱਕ ਜਾਰੀ ਰਹਿਣਗੇ। ਇਸ ਦੇ ਨਾਲ ਹੀ ਦਿੱਲੀ ਦੀਆਂ ਸਰਹੱਦਾਂ ’ਤੇ ਵਾਹਨਾਂ ਦੀ ਜਾਂਚ ਵੀ ਕੀਤੀ ਜਾ ਰਹੀ ਹੈ।
ਪੁਲਿਸ ਨੇ ਲੋਕਾਂ ਨੂੰ ਆਪਣੀ ਯਾਤਰਾ ਪਹਿਲਾਂ ਤੋਂ ਤੈਅ ਕਰਨ, ਸਫ਼ਰ ਲਈ ਵਾਧੂ ਸਮਾਂ ਰੱਖਣ ਅਤੇ ਬੇਲੋੜੀ ਯਾਤਰਾ ਤੋਂ ਬਚਣ ਦੀ ਸਲਾਹ ਦਿੱਤੀ ਹੈ। ਖ਼ਾਸ ਕਰਕੇ ਨਵੀਂ ਦਿੱਲੀ ਅਤੇ ਕੇਂਦਰੀ ਦਿੱਲੀ ਰਾਹੀਂ ਰੇਲਵੇ ਸਟੇਸ਼ਨਾਂ, ਅੰਤਰਰਾਜੀ ਬੱਸ ਅੱਡਿਆਂ ਅਤੇ ਹਵਾਈ ਅੱਡੇ ਵੱਲ ਜਾਣ ਵਾਲੇ ਯਾਤਰੀਆਂ ਨੂੰ ਸਾਵਧਾਨੀ ਵਰਤਣ ਲਈ ਕਿਹਾ ਗਿਆ ਹੈ।
ਇਨ੍ਹਾਂ ਇਲਾਕਿਆਂ ਵਿੱਚ ਆਵਾਜਾਈ ਹੋ ਸਕਦੀ ਹੈ ਪ੍ਰਭਾਵਿਤ
ਟ੍ਰੈਫਿਕ ਪਾਬੰਦੀਆਂ ਕਾਰਨ ਸ਼ੰਕਰ ਰੋਡ, ਧੌਲਾ ਕੂਆਂ ਫਲਾਈਓਵਰ, ਝੰਡੇਵਾਲਾਨ, ਪੰਚਕੁਈਆਂ ਰੋਡ, ਮੰਡੀ ਹਾਊਸ, ਮਿੰਟੋ ਰੋਡ, ਗੁਰੂ ਨਾਨਕ ਚੌਕ, ਕਨਾਟ ਪਲੇਸ ਅਤੇ ਜੰਤਰ-ਮੰਤਰ ਰੋਡ ਸਮੇਤ ਕਈ ਪ੍ਰਮੁੱਖ ਇਲਾਕਿਆਂ ਵਿੱਚ ਆਵਾਜਾਈ ਪ੍ਰਭਾਵਿਤ ਹੋਣ ਦੀ ਸੰਭਾਵਨਾ ਹੈ।
ਦਿੱਲੀ ਦੀਆਂ ਇਨ੍ਹਾਂ 30 ਥਾਵਾਂ ’ਤੇ ਰਹੇਗੀ ਟ੍ਰੈਫਿਕ ਪਾਬੰਦੀ ਜਾਂ ਡਾਇਵਰਸ਼ਨ
- ਸ਼ੰਕਰ ਰੋਡ ਰਾਊਂਡਅਬਾਊਟ ਤੋਂ ਵੰਦੇ ਮਾਤਰਮ ਟੀ-ਪੁਆਇੰਟ।
- ਧੌਲਾ ਕੂਆਂ ਫਲਾਈਓਵਰ।
- ਝੰਡੇਵਾਲਾਨ ਰੋਡ ਅਤੇ ਆਸ-ਪਾਸ ਦੇ ਇਲਾਕੇ।
- ਪੰਚਕੁਈਆਂ ਰੋਡ ਅਤੇ ਨੇੜਲੇ ਇਲਾਕੇ।
- ਮੰਡੀ ਹਾਊਸ ਰੋਡ ਅਤੇ ਆਸ-ਪਾਸ।
- ਡਾ. ਦਿਨੇਸ਼ ਨੰਦਿਨੀ ਡਾਲਮੀਆ ਚੌਕ (ਡਬਲਯੂ-ਪੁਆਇੰਟ)।
- ਰਾਮ ਚਰਨ ਅਗਰਵਾਲ ਚੌਕ (ਏ-ਪੁਆਇੰਟ)।
- ਮਿੰਟੋ ਰੋਡ ਅਤੇ ਦੀਨ ਦਿਆਲ ਉਪਾਧਿਆਏ ਮਾਰਗ।
- ਗੁਰੂ ਨਾਨਕ ਚੌਕ।
- ਕਨਾਟ ਪਲੇਸ ਆਊਟਰ ਸਰਕਲ ਅਤੇ ਚੇਮਸਫੋਰਡ ਰੋਡ ਟੀ-ਪੁਆਇੰਟ।
- ਐੱਮ.ਜੀ. ਮਾਰਗ ਅਤੇ ਭੈਰੋਂ ਰੋਡ ਟੀ-ਪੁਆਇੰਟ।
- ਲੋਧੀ ਰੋਡ ਫਲਾਈਓਵਰ।
- ਨੀਲਾ ਗੁੰਬਦ ਰੋਡ ਅਤੇ ਨੇੜਲੇ ਇਲਾਕੇ।
- ਮਦਰਸਾ ਟੀ-ਪੁਆਇੰਟ।
- ਸਮਰਾਟ ਹੋਟਲ ਰਾਊਂਡਅਬਾਊਟ।
- ਸਰਦਾਰ ਪਟੇਲ ਮਾਰਗ ਅਤੇ ਪੰਚਸ਼ੀਲ ਮਾਰਗ ਚੌਕ।
- ਭੀਕਾਜੀ ਕਾਮਾ ਪਲੇਸ ਫਲਾਈਓਵਰ ਦੇ ਹੇਠਾਂ।
- ਮੋਤੀ ਬਾਗ ਫਲਾਈਓਵਰ ਦੇ ਹੇਠਾਂ।
- ਰਿੰਗ ਰੋਡ ਅਤੇ ਸੈਨ ਮਾਰਟਿਨ ਮਾਰਗ ਟੀ-ਪੁਆਇੰਟ।
- ਅਸ਼ੋਕ ਰੋਡ ਅਤੇ ਜੰਤਰ-ਮੰਤਰ ਰੋਡ ਦੇ ਆਸ-ਪਾਸ।
- ਵਿੰਡਸਰ ਪੈਲੇਸ ਰੋਡ ਅਤੇ ਨੇੜਲੇ ਇਲਾਕੇ।
- ਟਾਲਸਟਾਏ ਰੋਡ ਅਤੇ ਜਨਪਥ ਚੌਕ।
- ਰੇਲ ਭਵਨ ਰੋਡ ਅਤੇ ਆਸ-ਪਾਸ।
- ਜੈ ਸਿੰਘ ਰੋਡ ਅਤੇ ਪਾਰਲੀਮੈਂਟ ਸਟ੍ਰੀਟ ਚੌਕ।
- ਕਨਾਟ ਪਲੇਸ ਆਊਟਰ ਸਰਕਲ ਅਤੇ ਬਾਰਾਖੰਬਾ ਰੋਡ ਟੀ-ਪੁਆਇੰਟ।
- ਗੋਲ ਡਾਕਖਾਨਾ ਰੋਡ ਅਤੇ ਨੇੜਲੇ ਇਲਾਕੇ।
- ਪਟੇਲ ਚੌਕ ਰੋਡ ਅਤੇ ਆਸ-ਪਾਸ।
- ਜੈ ਸਿੰਘ ਰੋਡ ਅਤੇ ਅਸ਼ੋਕ ਰੋਡ ਟੀ-ਪੁਆਇੰਟ।
- ਆਰ.ਐੱਮ.ਐੱਲ. ਹਸਪਤਾਲ ਰੋਡ ਅਤੇ ਨੇੜਲੇ ਇਲਾਕੇ।
- ਕਨਾਟ ਪਲੇਸ ਆਊਟਰ ਸਰਕਲ ਅਤੇ ਪਾਰਲੀਮੈਂਟ ਸਟ੍ਰੀਟ ਟੀ-ਪੁਆਇੰਟ।
ਦਿੱਲੀ ਦੀਆਂ ਸਰਹੱਦਾਂ ’ਤੇ ਵੀ ਸਖ਼ਤੀ, ਵਾਹਨਾਂ ਦੀ ਜਾਂਚ ਜਾਰੀ
ਪ੍ਰਸਤਾਵਿਤ ਵਿਰੋਧ ਪ੍ਰਦਰਸ਼ਨ ਤੋਂ ਪਹਿਲਾਂ ਦਿੱਲੀ-ਨੋਇਡਾ ਸਰਹੱਦ ’ਤੇ ਚਿੱਲਾ ਚੈੱਕਪੋਸਟ ਵਿਖੇ ਸੁਰੱਖਿਆ ਪ੍ਰਬੰਧ ਸਖ਼ਤ ਕਰ ਦਿੱਤੇ ਗਏ ਹਨ। ਇੱਥੇ ਵੱਡੀ ਗਿਣਤੀ ਵਿੱਚ ਸੁਰੱਖਿਆ ਮੁਲਾਜ਼ਮ ਤਾਇਨਾਤ ਕੀਤੇ ਗਏ ਹਨ ਅਤੇ ਵਾਹਨਾਂ ਦੀ ਚੈਕਿੰਗ ਕੀਤੀ ਜਾ ਰਹੀ ਹੈ।
ਇਸ ਤੋਂ ਇਲਾਵਾ ਗਾਜ਼ੀਆਬਾਦ ਨਾਲ ਲੱਗਦੀ ਦਿੱਲੀ ਦੀ ਸਰਹੱਦ ਅਤੇ ਗੁਰੂਗ੍ਰਾਮ ਤੇ ਫਰੀਦਾਬਾਦ ਵੱਲ ਦੇ ਬਾਰਡਰਾਂ ’ਤੇ ਵੀ ਪੁਲਿਸ ਦੀ ਤਾਇਨਾਤੀ ਵਧਾਈ ਗਈ ਹੈ।
ਯਾਤਰੀਆਂ ਲਈ ਪੁਲਿਸ ਦੀ ਸਲਾਹ
ਦਿੱਲੀ ਟ੍ਰੈਫਿਕ ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਸਫ਼ਰ ਦੌਰਾਨ ਜਾਰੀ ਕੀਤੇ ਗਏ ਟ੍ਰੈਫਿਕ ਨਿਰਦੇਸ਼ਾਂ ਦੀ ਪਾਲਣਾ ਕਰਨ। ਯਾਤਰਾ ਸ਼ੁਰੂ ਕਰਨ ਤੋਂ ਪਹਿਲਾਂ ਅਧਿਕਾਰਤ ਟ੍ਰੈਫਿਕ ਅਪਡੇਟ ਅਤੇ ਬਦਲਵੇਂ ਰਸਤਿਆਂ ਦੀ ਜਾਣਕਾਰੀ ਜ਼ਰੂਰ ਹਾਸਲ ਕੀਤੀ ਜਾਵੇ, ਤਾਂ ਜੋ ਜਾਮ ਅਤੇ ਦੇਰੀ ਤੋਂ ਬਚਿਆ ਜਾ ਸਕੇ।
