ਕਟੜਾ : ਮਸ਼ਹੂਰ ਅਦਾਕਾਰਾ ਮਾਹਿਰਾ ਸ਼ਰਮਾ ਬੀਤੇ ਦਿਨ ਕਟੜਾ ‘ਚ ਮਾਤਾ ਵੈਸ਼ਨੋ ਦੇਵੀ ਜੀ ਦੇ ਦਰਬਾਰ ‘ਚ ਪਹੁੰਚੇ। ਇਸ ਦੌਰਾਨ ਉਨ੍ਹਾਂ ਨੇ ਹੱਥਾਂ ‘ਚ ਲਾਲ ਚੁੰਨੀ ਫੜੀ ਹੋਈ ਸੀ।
ਜਾਣਕਾਰੀ ਮੁਤਾਬਕ ਬੀਤੇ ਦਿਨ ਮਾਹਿਰਾ ਸ਼ਰਮਾ ਮਾਤਾ ਵੈਸ਼ਨੋ ਦੇਵੀ ਦੇ ਦਰਬਾਰ ‘ਚ ਆਸ਼ੀਰਵਾਦ ਲੈਣ ਪਹੁੰਚੇ ਸਨ। ਇਸ ਦੌਰਾਨ ਉਨ੍ਹਾਂ ਮਾਤਾ ਰਾਣੀ ਤੋਂ ਅਸ਼ੀਰਵਾਦ ਲਿਆ ਅਤੇ ਸੁੱਖ ਦੀ ਕਾਮਨਾ ਕੀਤੀ। ਮਾਹਿਰਾ ਨੇ ਕਟੜਾ ਭਵਨ ‘ਚ ਹੱਥਾਂ ‘ਚ ਲਾਲ ਚੂਨਾਰੀ ਫੜੀ ਹੋਈ ਸੀ। ਇਸ ਦੌਰਾਨ ਉਹ ਮੱਥੇ ‘ਤੇ ਤਿਲਕ ਲਗਾ ਕੇ ਸ਼ਰਧਾ ‘ਚ ਨਜ਼ਰ ਆਏ।
ਕੌਣ ਹਨ ਮਾਹਿਰਾ ਸ਼ਰਮਾ?
ਮਾਹਿਰਾ ਸ਼ਰਮਾ ਇੱਕ ਅਦਾਕਾਰਾ ਹਨ। ਉਨ੍ਹਾਂ ਨੇ ਪੰਜਾਬੀ ਫਿਲਮਾਂ, ਟੀ.ਵੀ ਸੀਰੀਅਲਾਂ ਦੇ ਨਾਲ-ਨਾਲ ਬਾਲੀਵੁੱਡ ਵਿੱਚ ਵੀ ਕੰਮ ਕੀਤਾ ਹੈ। ਉਹ ਮੂਲ ਰੂਪ ਤੋਂ ਜੰਮੂ-ਕਸ਼ਮੀਰ ਦੇ ਰਹਿਣ ਵਾਲੇ ਹਨ। ਉਨ੍ਹਾਂ ਦਾ ਜਨਮ 25 ਨਵੰਬਰ 1997 ਨੂੰ ਜੰਮੂ-ਕਸ਼ਮੀਰ ‘ਚ ਹੋਇਆ ਸੀ।
ਟੀ.ਵੀ ਸ਼ੋਅ ਨਾਲ ਕੀਤੀ ਸ਼ੁਰੂਆਤ
ਮਾਹਿਰਾ ਸ਼ਰਮਾ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਸੀਰੀਅਲ ‘ਯਾਰੋ ਕਾ ਟਸ਼ਨ’ ਨਾਲ ਕੀਤੀ ਸੀ। ਇਸ ਤੋਂ ਇਲਾਵਾ ਉਹ ‘ਨਾਗਿਨ’, ‘ਕੁੰਡਲੀ ਭਾਗਿਆ’ ਵਰਗੇ ਮਸ਼ਹੂਰ ਸ਼ੋਅਜ਼ ‘ਚ ਵੀ ਕੰਮ ਕਰ ਚੁੱਕੇ ਹਨ। ਟੀ.ਵੀ ਸ਼ੋਅਜ਼ ਤੋਂ ਇਲਾਵਾ ਉਹ ਪੰਜਾਬੀ ਫ਼ਿਲਮ ‘ਲਹਿੰਬਰ ਗਿੰਨੀ’ ਵਿੱਚ ਵੀ ਮੁੱਖ ਭੂਮਿਕਾ ਵਿੱਚ ਕੰਮ ਕਰ ਚੁੱਕੇ ਹਨ।
ਬਿੱਗ ਬੌਸ ‘ਚ ਵੀ ਆ ਚੁੱਕੇ ਹਨ ਨਜ਼ਰ
2019 ਵਿੱਚ, ਉਨ੍ਹਾਂ ਨੇ ਕਲਰਜ਼ ਟੀ.ਵੀ ਦੇ ਸਭ ਤੋਂ ਵੱਡੇ ਰਿਐਲਿਟੀ ਸ਼ੋਅ ‘ਬਿੱਗ ਬੌਸ’ ਦੇ ਸੀਜ਼ਨ 13 ਵਿੱਚ ਹਿੱਸਾ ਲਿਆ ਅਤੇ ਫਾਈਨਲ ਵਿੱਚ ਪਹੁੰਚੇ। ਇਸ ਤੋਂ ਇਲਾਵਾ ਉਹ ਕਈ ਪੰਜਾਬੀ ਗੀਤਾਂ ‘ਚ ਵੀ ਕੰਮ ਕਰ ਚੁੱਕੇ ਹਨ ਅਤੇ ਹਾਲ ਹੀ ‘ਚ ਉਨ੍ਹਾਂ ਦਾ ਨਵਾਂ ਬਾਲੀਵੁੱਡ ਗੀਤ ‘ਰਾਣਾ ਜੀ 2.0’ ਵੀ ਰਿਲੀਜ਼ ਹੋਇਆ ਹੈ। ਇਹ ਗੀਤ 27 ਜੁਲਾਈ 2026 ਨੂੰ ਹੀ ਰਿਲੀਜ਼ ਹੋਇਆ ਹੈ।ਇਸ ਗੀਤ ਵਿੱਚ ਉਹ ਡਾਂਸ ਮਾਸਟਰ ਰੇਮੋ ਡਿਸੂਜ਼ਾ ਨਾਲ ਨਜ਼ਰ ਆ ਰਹੇ ਹਨ। ਉਨ੍ਹਾਂ ਦੇ ਨਵੇਂ ਗੀਤ ਨੂੰ ਵੀ ਲੋਕ ਕਾਫੀ ਪਸੰਦ ਕਰ ਰਹੇ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਉਨ੍ਹਾਂ ਦਾ ਇਹ ਨਵਾਂ ਗੀਤ ਪੁਰਾਣੀ ਮਸ਼ਹੂਰ ਫਿਲਮ ‘ਕਰਨ ਅਰਜੁਨ’ ਦੇ ਸੁਪਰਹਿੱਟ ਗੀਤ ‘ਮੁਝਕੋ ਰਾਣਾ ਜੀ ਮਾਫ ਕਰਨਾ’ ਦਾ ਰੀਮੇਕ ਹੈ।
