ਅਮਰੀਕਾ: ਦੁਨੀਆ ਦੇ ਸਭ ਤੋਂ ਅਮੀਰ ਵਿਅਕਤੀਆਂ ਵਿੱਚ ਸ਼ੁਮਾਰ ਐਲੋਨ ਮਸਕ ਇੱਕ ਨਵਾਂ ਇਤਿਹਾਸ ਰਚਣ ਵੱਲ ਵਧ ਰਹੇ ਹਨ। ਵਿਸ਼ਵ ਪੱਧਰੀ ਆਰਥਿਕ ਵਿਸ਼ਲੇਸ਼ਕਾਂ ਅਤੇ ਨਿਵੇਸ਼ ਮਾਹਿਰਾਂ ਦਾ ਮੰਨਣਾ ਹੈ ਕਿ ਆਉਣ ਵਾਲੇ ਕੁਝ ਸਾਲਾਂ ਵਿੱਚ ਐਲੋਨ ਮਸਕ ਦੁਨੀਆ ਦੇ ਪਹਿਲੇ “ਖਰਬਪਤੀ” ਬਣ ਸਕਦੇ ਹਨ। ‘ਖਰਬਪਤੀ’ ਦਾ ਅਰਥ ਉਹ ਵਿਅਕਤੀ ਹੈ ਜਿਸਦੀ ਕੁੱਲ ਦੌਲਤ ਇੱਕ ਟ੍ਰਿਲੀਅਨ ਡਾਲਰ, ਯਾਨੀ ਲਗਭਗ 83 ਲੱਖ ਕਰੋੜ ਰੁਪਏ ਤੋਂ ਵੱਧ ਹੋਵੇ।
ਮੌਜੂਦਾ ਸਮੇਂ ਵਿੱਚ ਐਲੋਨ ਮਸਕ ਦੀ ਸੰਪਤੀ ਦਾ ਵੱਡਾ ਹਿੱਸਾ ਉਨ੍ਹਾਂ ਦੀਆਂ ਕੰਪਨੀਆਂ ਟੇਸਲਾ, ਸਪੇਸਐਕਸ, xAI ਅਤੇ X ਨਾਲ ਜੁੜਿਆ ਹੋਇਆ ਹੈ। ਖਾਸ ਕਰਕੇ ਇਲੈਕਟ੍ਰਿਕ ਵਾਹਨਾਂ, ਅੰਤਰਿਕਸ਼ ਤਕਨਾਲੋਜੀ ਅਤੇ ਆਰਟੀਫ਼ਿਸ਼ਲ ਇੰਟੈਲੀਜੈਂਸ ਦੇ ਖੇਤਰ ਵਿੱਚ ਤੇਜ਼ੀ ਨਾਲ ਹੋ ਰਹੇ ਵਿਕਾਸ ਨੇ ਮਸਕ ਦੀ ਦੌਲਤ ਵਿੱਚ ਬੇਹੱਦ ਵਾਧਾ ਕੀਤਾ ਹੈ।
ਆਰਥਿਕ ਮਾਹਿਰਾਂ ਦੇ ਅਨੁਸਾਰ, ਜੇਕਰ ਟੈਸਲਾ ਦੇ ਸ਼ੇਅਰਾਂ ਵਿੱਚ ਵਾਧਾ ਜਾਰੀ ਰਹਿੰਦਾ ਹੈ ਅਤੇ ਸਪੇਸਐਕਸ ਆਪਣੀਆਂ ਵਪਾਰਕ ਅਤੇ ਸੈਟੇਲਾਈਟ ਸੇਵਾਵਾਂ ਦਾ ਹੋਰ ਵਿਸਥਾਰ ਕਰਦੀ ਹੈ, ਤਾਂ ਮਸਕ ਦੀ ਸੰਪਤੀ ਅਗਲੇ ਦਹਾਕੇ ਵਿੱਚ ਖਰਬ ਡਾਲਰ ਦੇ ਅੰਕੜੇ ਨੂੰ ਛੂਹ ਸਕਦੀ ਹੈ। ਸਪੇਸਐਕਸ ਦੀ ਸਟਾਰਲਿੰਕ ਸੈਟੇਲਾਈਟ ਇੰਟਰਨੈੱਟ ਸੇਵਾ ਵੀ ਇਸ ਵਿੱਚ ਵੱਡਾ ਯੋਗਦਾਨ ਪਾ ਸਕਦੀ ਹੈ, ਜਿਸਦੀ ਮੰਗ ਦੁਨੀਆ ਭਰ ਵਿੱਚ ਵਧ ਰਹੀ ਹੈ।
ਐਲੋਨ ਮਸਕ ਸਿਰਫ਼ ਇੱਕ ਉਦਯੋਗਪਤੀ ਹੀ ਨਹੀਂ, ਸਗੋਂ ਭਵਿੱਖ ਦੀ ਟੈਕਨੋਲੋਜੀ ਨੂੰ ਨਵੀਂ ਦਿਸ਼ਾ ਦੇਣ ਵਾਲੇ ਚਿਹਰੇ ਵਜੋਂ ਵੀ ਵੇਖੇ ਜਾਂਦੇ ਹਨ। ਉਨ੍ਹਾਂ ਦੀਆਂ ਕੰਪਨੀਆਂ ਇਲੈਕਟ੍ਰਿਕ ਕਾਰਾਂ ਤੋਂ ਲੈ ਕੇ ਮੰਗਲ ਗ੍ਰਹਿ ਤੱਕ ਮਨੁੱਖੀ ਮਿਸ਼ਨਾਂ ਦੀ ਯੋਜਨਾ ‘ਤੇ ਕੰਮ ਕਰ ਰਹੀਆਂ ਹਨ। ਇਸ ਕਾਰਨ ਨਿਵੇਸ਼ਕਾਂ ਦਾ ਭਰੋਸਾ ਲਗਾਤਾਰ ਮਜ਼ਬੂਤ ਹੋ ਰਿਹਾ ਹੈ।
ਹਾਲਾਂਕਿ, ਮਾਹਿਰ ਇਹ ਵੀ ਕਹਿੰਦੇ ਹਨ ਕਿ ਸ਼ੇਅਰ ਬਾਜ਼ਾਰ ਦੀ ਅਸਥਿਰਤਾ, ਆਰਥਿਕ ਮੰਦਗੀ ਜਾਂ ਵਪਾਰਕ ਚੁਣੌਤੀਆਂ ਇਸ ਰਫ਼ਤਾਰ ਨੂੰ ਪ੍ਰਭਾਵਿਤ ਕਰ ਸਕਦੀਆਂ ਹਨ। ਫਿਰ ਵੀ, ਮੌਜੂਦਾ ਹਾਲਾਤਾਂ ਨੂੰ ਵੇਖਦਿਆਂ ਐਲੋਨ ਮਸਕ ਸਭ ਤੋਂ ਵੱਡੇ ਦਾਵੇਦਾਰ ਮੰਨੇ ਜਾ ਰਹੇ ਹਨ ਜੋ ਭਵਿੱਖ ਵਿੱਚ ਦੁਨੀਆ ਦੇ ਪਹਿਲੇ ਖਰਬਪਤੀ ਬਣ ਸਕਦੇ ਹਨ।
ਦੁਨੀਆ ਭਰ ਵਿੱਚ ਟੈਕਨੋਲੋਜੀ ਅਤੇ ਏ.ਆਈ. ਦੇ ਵਧਦੇ ਪ੍ਰਭਾਵ ਦੇ ਨਾਲ ਐਲੋਨ ਮਸਕ ਦਾ ਨਾਮ ਇੱਕ ਅਜਿਹੇ ਉਦਯੋਗਪਤੀ ਵਜੋਂ ਉਭਰ ਰਿਹਾ ਹੈ ਜੋ ਭਵਿੱਖ ਦੀ ਅਰਥਵਿਵਸਥਾ ਅਤੇ ਤਕਨਾਲੋਜੀ ਦੋਵਾਂ ਨੂੰ ਪ੍ਰਭਾਵਿਤ ਕਰਨ ਦੀ ਸਮਰੱਥਾ ਰੱਖਦਾ ਹੈ।
