ਪੰਜਾਬ ਦੇ ਮੌਸਮ ਨੂੰ ਲੈ ਕੇ ਇੱਕ ਨਵਾਂ ਅਪਡੇਟ ਜਾਰੀ

ਜਲੰਧਰ: ਪੰਜਾਬ ਦੇ ਮੌਸਮ ਨੂੰ ਲੈ ਕੇ ਇੱਕ ਨਵਾਂ ਅਪਡੇਟ ਸਾਹਮਣੇ ਆਇਆ ਹੈ। ਮੌਸਮ ਵਿਭਾਗ ਨੇ ਪੰਜਾਬ ਦੇ ਮੌਸਮ ਦੇ ਲਈ ਅੱਜ ਤੋਂ 23 ਨਵੰਬਰ ਤੱਕ ਦੀ ਭਵਿੱਖਬਾਣੀ ਜਾਰੀ ਕੀਤੀ ਹੈ। ਤਾਜ਼ਾ ਜਾਣਕਾਰੀ ਅਨੁਸਾਰ ਇਸ ਹਫ਼ਤੇ ਮੀਂਹ ਪੈਣ ਦੀ ਕੋਈ ਸੰਭਾਵਨਾ ਨਹੀਂ ਹੈ। ਵਿਭਾਗ ਨੇ ਸਪੱਸ਼ਟ ਤੌਰ ‘ਤੇ ਕਿਹਾ ਹੈ ਕਿ ਫਿਲਹਾਲ ਸੂਬੇ ਵਿੱਚ ਕਿਤੇ ਵੀ ਮੀਂਹ ਨਹੀਂ ਪਵੇਗਾ।

ਪਿਛਲੇ 24 ਘੰਟਿਆਂ ਦੌਰਾਨ ਪੰਜਾਬ ਵਿੱਚ ਤਾਪਮਾਨ ਵਧਿਆ ਹੈ। ਪਿਛਲੇ ਕੁਝ ਦਿਨਾਂ ਤੋਂ ਤਾਪਮਾਨ ਡਿੱਗ ਰਿਹਾ ਸੀ, ਪਰ ਹੁਣ ਹੌਲੀ-ਹੌਲੀ ਵਧਣ ਲੱਗਾ ਹੈ। ਮੌਸਮ ਵਿਭਾਗ ਦਾ ਕਹਿਣਾ ਹੈ ਕਿ ਅਗਲੇ ਕੁਝ ਦਿਨਾਂ ਤੱਕ ਤਾਪਮਾਨ ਵਿੱਚ ਇਹ ਵਾਧਾ ਜਾਰੀ ਰਹੇਗਾ। ਹਾਲਾਂਕਿ, ਤਿੰਨ ਦਿਨਾਂ ਬਾਅਦ ਤਾਪਮਾਨ ਵਿੱਚ ਕੋਈ ਵੱਡਾ ਬਦਲਾਅ ਨਹੀਂ ਆਵੇਗਾ।

ਜਾਣੋ ਪ੍ਰਮੁੱਖ ਸ਼ਹਿਰਾਂ ਦਾ ਤਾਪਮਾਨ
ਅੰਮ੍ਰਿਤਸਰ: ਵੱਧ ਤੋਂ ਵੱਧ 24.7°C ਅਤੇ ਘੱਟੋ-ਘੱਟ 9.4°C
ਲੁਧਿਆਣਾ: ਵੱਧ ਤੋਂ ਵੱਧ 26.2°C ਅਤੇ ਘੱਟੋ-ਘੱਟ 8.6°C
ਪਟਿਆਲਾ: ਵੱਧ ਤੋਂ ਵੱਧ 28.4°C ਅਤੇ ਘੱਟੋ-ਘੱਟ 9.6°C
ਪਠਾਨਕੋਟ: ਵੱਧ ਤੋਂ ਵੱਧ 26.3°C ਅਤੇ ਘੱਟੋ-ਘੱਟ 10.6°C
ਫਰੀਦਕੋਟ: ਵੱਧ ਤੋਂ ਵੱਧ 29.2°C ਅਤੇ ਘੱਟੋ-ਘੱਟ 6.2°C (ਸਭ ਤੋਂ ਗਰਮ)
ਬਠਿੰਡਾ: ਵੱਧ ਤੋਂ ਵੱਧ 28.8°C ਅਤੇ ਘੱਟੋ-ਘੱਟ 9.2°C
ਐਸ.ਬੀ.ਐਸ. ਨਗਰ (ਨਵਾਂਸ਼ਹਿਰ): ਵੱਧ ਤੋਂ ਵੱਧ 26.9°C ਅਤੇ ਘੱਟੋ-ਘੱਟ 10.3°C

ਇਸ ਤੋਂ ਇਲਾਵਾ, ਹੁਣ ਠੰਡੀਆਂ ਹਵਾਵਾਂ ਮਹਿਸੂਸ ਕੀਤੀਆਂ ਜਾ ਰਹੀਆਂ ਹਨ ਅਤੇ ਆਉਣ ਵਾਲੇ ਦਿਨਾਂ ਵਿੱਚ ਠੰਡ ਤੇਜ਼ ਹੋ ਜਾਵੇਗੀ। ਸੰਘਣੀ ਧੁੰਦ ਵੀ ਸ਼ੁਰੂ ਹੋ ਸਕਦੀ ਹੈ।