ਬਹਾਦਰਗੜ੍ਹ : ਹਰਿਆਣਾ ਦੇ ਝੱਜਰ ਜ਼ਿਲ੍ਹੇ ਵਿੱਚ ਸਥਿਤ ਬਹਾਦਰਗੜ੍ਹ ਦੇ ਮਾਡਰਨ ਇੰਡਸਟਰੀਅਲ ਏਰੀਆ (ਐਮ.ਆਈ.ਏ.) ਪਾਰਟ-2 ਵਿੱਚ ਬੀਤੀ ਦੇਰ ਰਾਤ ਇੱਕ ਵੱਡਾ ਹਾਦਸਾ ਵਾਪਰਿਆ। ਜਿੱਥੇ ਇੱਕੋ ਸਮੇਂ ਚਾਰ ਫੈਕਟਰੀਆਂ ਵਿੱਚ ਭਿਆਨਕ ਅੱਗ ਲੱਗ ਗਈ, ਜਿਸ ਨਾਲ ਪੂਰੇ ਇਲਾਕੇ ਵਿੱਚ ਦਹਿਸ਼ਤ ਫੈਲ ਗਈ।
ਅੱਗ ਇੰਨੀ ਭਿਆਨਕ ਸੀ ਕਿ ਲੱਖਾਂ ਰੁਪਏ ਦਾ ਕੱਚਾ ਮਾਲ, ਤਿਆਰ ਸਾਮਾਨ ਅਤੇ ਮਹਿੰਗੀ ਮਸ਼ੀਨਰੀ ਸੜ ਕੇ ਸੁਆਹ ਹੋ ਗਈ। ਖੁਸ਼ਕਿਸਮਤੀ ਨਾਲ, ਮਜ਼ਦੂਰਾਂ ਨੂੰ ਸਮੇਂ ਸਿਰ ਬਾਹਰ ਕੱਢ ਲਿਆ ਗਿਆ, ਜਿਸ ਨਾਲ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ।
ਜੁੱਤੀਆਂ ਅਤੇ ਰਸਾਇਣਾਂ ਨੇ ਭੜਕਾਈ ਅੱਗ
ਜਾਣਕਾਰੀ ਦੇ ਅਨੁਸਾਰ ਅੱਗ ਪਹਿਲਾਂ ਪਲਾਟ ਨੰਬਰ 2249 ਵਿੱਚ ਲੱਗੀ। ਇਨ੍ਹਾਂ ਫੈਕਟਰੀਆਂ ਵਿੱਚ ਜੁੱਤੀਆਂ, ਪਲਾਸਟਿਕ ਦੇ ਦਾਣੇ ਅਤੇ ਥਰਮੋਕੋਲ ਦਾ ਕੰਮ ਹੁੰਦਾ ਸੀ। ਉੱਥੇ ਵੱਡੀ ਮਾਤਰਾ ਵਿੱਚ ਪਲਾਸਟਿਕ, ਰਬੜ ਅਤੇ ਜਲਣਸ਼ੀਲ ਰਸਾਇਣਾਂ ਦੇ ਕਾਰਨ, ਅੱਗ ਕੁਝ ਮਿੰਟਾਂ ਵਿੱਚ ਹੀ ਨੇੜਲੀਆਂ ਤਿੰਨ ਹੋਰ ਫੈਕਟਰੀਆਂ (ਪਲਾਟ ਨੰਬਰ 2248, 2250, ਅਤੇ ਇੱਕ ਹੋਰ) ਨੂੰ ਆਪਣੀ ਚਪੇਟ ਚ ਲੈ ਲਿਆ।
ਫਾਇਰ ਬ੍ਰਿਗੇਡ ’ਤੇ ਦੇਰੀ ਦੇ ਦੋਸ਼
ਇਸ ਘਟਨਾ ਤੋਂ ਉਦਯੋਗਪਤੀ ਵੀ ਗੁੱਸਾ ਦੇਖਣ ਨੂੰ ਮਿਲਿਆ। ਉਨ੍ਹਾਂ ਦੋਸ਼ ਲਗਾਇਆ ਕਿ ਸੂਚਨਾ ਦੇਣ ਦੇ ਬਾਵਜੂਦ, ਫਾਇਰ ਬ੍ਰਿਗੇਡ ਦੀਆਂ ਗੱਡੀਆਂ ਮੌਕੇ ‘ਤੇ ਦੇਰ ਨਾਲ ਪਹੁੰਚੀਆਂ। ਵਪਾਰੀਆਂ ਦਾ ਕਹਿਣਾ ਹੈ ਕਿ ਜੇਕਰ ਟੀਮ ਸਮੇਂ ਸਿਰ ਪਹੁੰਚਦੀ ਤਾਂ ਅੱਗ ਨੂੰ ਫੈਲਣ ਤੋਂ ਰੋਕਿਆ ਜਾ ਸਕਦਾ ਸੀ ਅਤੇ ਨੁਕਸਾਨ ਘੱਟ ਹੁੰਦਾ। ਅੱਗ ਦੀਆਂ ਲਪਟਾਂ ਇੰਨੀਆਂ ਤੇਜ਼ ਸਨ ਕਿ ਬਹਾਦਰਗੜ੍ਹ, ਝੱਜਰ, ਰੋਹਤਕ, ਸਾਂਪਲਾ ਅਤੇ ਦਿੱਲੀ ਤੋਂ ਇੱਕ ਦਰਜਨ ਤੋਂ ਵੱਧ ਫਾਇਰ ਟੈਂਡਰ ਮੰਗਵਾਉਣੇ ਪਏ।
ਸਵੇਰ ਤੱਕ ਭੜਕਦੀ ਰਹੀ ਅੱਗ
ਰਾਤ ਭਰ ਫਾਇਰਫਾਈਟਰਾਂ ਵੱਲੋਂ ਕੀਤੇ ਗਏ ਸਖ਼ਤ ਯਤਨਾਂ ਤੋਂ ਬਾਅਦ, ਸਵੇਰ ਤੱਕ ਅੱਗ ‘ਤੇ ਕਾਫ਼ੀ ਹੱਦ ਤੱਕ ਕਾਬੂ ਪਾ ਲਿਆ ਗਿਆ, ਪਰ ਮਲਬੇ ਵਿੱਚ ਅੱਗ ਅਜੇ ਵੀ ਬਲ ਰਹੀ ਹੈ। ਨੇੜਲੇ ਕਾਰਖਾਨਿਆਂ ਦੇ ਕਰਮਚਾਰੀ ਵੀ ਨੁਕਸਾਨ ਤੋਂ ਬਚਣ ਲਈ ਆਪਣੇ ਅਦਾਰਿਆਂ ਤੋਂ ਸਾਮਾਨ ਹਟਾਉਂਦੇ ਦੇਖੇ ਗਏ। ਫਿਲਹਾਲ ਪੁਲਸ ਅਤੇ ਪ੍ਰਸ਼ਾਸਨ ਦੀਆਂ ਟੀਮਾਂ ਮੌਕੇ ‘ਤੇ ਮੌਜੂਦ ਹਨ ਅਤੇ ਅੱਗ ਲੱਗਣ ਦੇ ਕਾਰਨਾਂ ਦੀ ਜਾਂਚ ਕਰਨ ਦੇ ਨਾਲ-ਨਾਲ ਨੁਕਸਾਨ ਦਾ ਜਾਇਜ਼ਾ ਲੈ ਰਹੀਆਂ ਹਨ।
 Part-2 of Bahadurgarh located in Jhajjar district of Haryana.){kind=link}