ਮੁੰਬਈ : ਮਲਿਆਲਮ ਫਿਲਮ ਇੰਡਸਟਰੀ ਤੋਂ ਇੱਕ ਦੁਖਦਾਈ ਖ਼ਬਰ ਸਾਹਮਣੇ ਆਈ ਹੈ। ਅਦਾਕਾਰ ਹਰੀ ਮੁਰਲੀ ਦਾ 27 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ ਹੈ। ਇਸ ਅਦਾਕਾਰ ਨੇ 2004 ਦੀ ਫਿਲਮ “ਰਸਿਕਣ” ਫਿਲਮ ਨਾਲ ਇੰਡਸਟਰੀ ਵਿੱਚ ਆਪਣੀ ਪਛਾਣ ਬਣਾਈ ਸੀ। ਇਸ ਸਟਾਰ ਨੇ ਬਚਪਨ ਵਿੱਚ ਇੰਡਸਟਰੀ ਵਿੱਚ ਪ੍ਰਵੇਸ਼ ਕੀਤਾ ਅਤੇ ਬਾਲ ਕਲਾਕਾਰ ਵਜੋਂ ਆਪਣੀ ਅਦਾਕਾਰੀ ਨਾਲ ਦਰਸ਼ਕਾਂ ਦੇ ਦਿਲ ਜਿੱਤ ਲਏ। ਇਸ ਅਦਾਕਾਰ ਦੇ ਦੇਹਾਂਤ ਨਾਲ ਹੁਣ ਇੰਡਸਟਰੀ ਵਿੱਚ ਸੋਗ ਦੀ ਲਹਿਰ ਦੌੜ ਗਈ ਹੈ। ਕੋਈ ਵੀ ਵਿਸ਼ਵਾਸ ਨਹੀਂ ਹੋ ਪਾ ਰਿਹਾ ਹੈ ਕਿ ਇਨ੍ਹਾਂ ਘੱਟ ਉਮਰ ਵਿੱਚ ਹਰੀ ਮੁਰਲੀ ਹੁਣ ਸਾਡੇ ਵਿਚਕਾਰ ਇਸ ਦੁਨਿਆ ਵਿੱਚ ਨਹੀਂ ਹਨ।
ਘਰ ਵਿੱਚ ਮਿਲੀ ਲਾਸ਼
ਜਾਣਕਾਰੀ ਦੇ ਅਨੁਸਾਰ, ਅਦਾਕਾਰ ਕੇਰਲ ਦੇ ਪਯਾਨੂਰ ਜ਼ਿਲ੍ਹੇ ਦੇ ਅੰਨੂਰ ਸਥਿਤ ਆਪਣੇ ਘਰ ਵਿੱਚ ਮ੍ਰਿਤਕ ਪਾਏ ਗਏ। ਇਸ ਤੋਂ ਬਾਅਦ ਅਦਾਕਾਰ ਦੀ ਲਾਸ਼ ਨੂੰ ਇੱਕ ਨਿੱਜੀ ਹਸਪਤਾਲ ਲਿਜਾਇਆ ਗਿਆ। ਹਰੀ ਮੁਰਲੀ ਦੀ ਮੌਤ ਦਾ ਕਾਰਨ ਅਜੇ ਵੀ ਅਣਜਾਣ ਹੈ। ਅਦਾਕਾਰ ਦੀ ਮੌਤ ਦੀ ਖ਼ਬਰ ਤੋਂ ਹਰ ਕੋਈ ਹੈਰਾਨ ਹੈ। ਹਰੀ ਮੁਰਲੀ ਦੇ ਪ੍ਰਸ਼ੰਸਕ ਸੋਸ਼ਲ ਮੀਡੀਆ ‘ਤੇ ਉਨ੍ਹਾਂ ਦੀਆਂ ਪੋਸਟਾਂ ਸਾਂਝੀਆਂ ਕਰਕੇ ਉਨ੍ਹਾਂ ਨੂੰ ਸ਼ਰਧਾਂਜਲੀ ਦੇ ਰਹੇ ਹਨ।
ਕੌਣ ਸਨ ਹਰੀ ਮੁਰਲੀ?
ਹਰੀ ਮੁਰਲੀ ਦਾ ਇੰਡਸਟਰੀ ਵਿੱਚ ਸਫ਼ਰ ਕਾਫ਼ੀ ਦਿਲਚਸਪ ਰਿਹਾ ਹੈ। ਜਦੋਂ ਅਦਾਕਾਰ ਸਾਢੇ 4 ਸਾਲ ਦੇ ਸਨ, ਉਦੋਂ ਉਨ੍ਹਾਂ ਨੇ ਪਹਿਲੀ ਵਾਰ ਇੰਡਸਟਰੀ ਵਿੱਚ ਕਦਮ ਰੱਖਿਆ ਸੀ। ਨਿਰਦੇਸ਼ਕ ਏ. ਐਮ. ਨਾਜ਼ਿਰ ਨੇ ਹਰੀ ਮੁਰਲੀ ਨੂੰ ਬਤੌਰ ਚਾਈਲਡ ਆਰਟਿਸਟ ਇੱਕ ਟੀਵੀ ਸ਼ੋਅ ਵਿੱਚ ਛੋਟਾ ਜਿਹਾ ਰੋਲ ਆਫਰ ਕੀਤਾ ਸੀ। ਬੱਸ ਇੱਥੋਂ ਹੀ ਅਦਾਕਾਰ ਦੇ ਕਰੀਅਰ ਦੀ ਸ਼ੁਰੂਆਤ ਹੋ ਗਈ ਸੀ। ਛੋਟੀ ਭੂਮਿਕਾ ਨਿਭਾਉਣ ਤੋਂ ਬਾਅਦ ਸਾਲ 2004 ਵਿੱਚ ਅਦਾਕਾਰ ਨੂੰ ‘ਰਸਿਕਨ’ ਫਿਲਮ ਵਿੱਚ ਵੱਡਾ ਬਰੇਕ ਮਿਲਿਆ। ਇਸ ਫਿਲਮ ਵਿੱਚ ਅਦਾਕਾਰ ਨੇ ਇੱਕ ਬੱਚੇ ਦੀ ਹੀ ਭੂਮਿਕਾ ਨਿਭਾਈ ਸੀ ਅਤੇ ਜਿਸਦੇ ਬਾਅਦ ਉਨ੍ਹਾਂ ਨੇ ਦਰਸ਼ਕਾਂ ਦੇ ਦਿਲਾਂ ‘ਤੇ ਛਾ ਗਏ।
ਫਿਲਮ ਜਗਤ ਨਾਲ ਜੁੜਿਆ
ਹਰੀ ਮੁਰਲੀ ਦੇ ਪਰਿਵਾਰ ਦਾ ਵੀ ਫਿਲਮ ਜਗਤ ਨਾਲ ਸਬੰਧ ਹੈ। ਅਦਾਕਾਰ ਦੇ ਪਿਤਾ ਡਰਾਮਾ ਅਤੇ ਥੀਏਟਰ ਕਲਾਕਾਰ ਕੇ.ਯੂ. ਮੁਰਲੀ ਹਨ। ਉਨ੍ਹਾਂ ਦੇ ਭਰਾ, ਸ਼੍ਰੀ ਮੁਰਲੀ, ਵੀ ਇੰਡਸਟਰੀ ਦੇ ਇੱਕ ਜਾਣੇ-ਪਛਾਣੇ ਅਦਾਕਾਰ ਹਨ। ਬਚਪਨ ਤੋਂ ਹੀ ਆਪਣੀ ਅਦਾਕਾਰੀ ਨਾਲ ਦਰਸ਼ਕਾਂ ਦਾ ਮਨੋਰੰਜਨ ਕਰਨ ਵਾਲੇ ਹਰੀ ਮੁਰਲੀ ਹੁਣ ਇਸ ਦੁਨੀਆ ਨੂੰ ਅਲਵਿਦਾ ਕਹਿ ਗਏ ਹਨ, ਅਤੇ ਉਨ੍ਹਾਂ ਦੇ ਪਰਿਵਾਰ ’ਤੇ ਦੁੱਖਾ ਦਾ ਪਹਾੜ ਟੁਟ ਗਿਆ ਹੈ।
