ਹਾਜੀਪੁਰ : ਭਾਰਤੀ ਮੌਸਮ ਵਿਭਾਗ ਵੱਲੋਂ ਜਾਰੀ ਭਵਿੱਖਬਾਣੀ ਨੂੰ ਧਿਆਨ ਵਿੱਚ ਰੱਖਦੇ ਹੋਏ, ਅੱਜ ਹੋਈ ਤਕਨੀਕੀ ਕਮੇਟੀ ਦੀ ਮੀਟਿੰਗ ਵਿੱਚ ਲਏ ਗਏ ਫ਼ੈਸਲੇ ਅਨੁਸਾਰ, ਪੌਂਗ ਡੈਮ ਪਾਵਰ ਹਾਊਸ ਦੀਆਂ ਟਰਬਾਈਨਾਂ ਤੋਂ ਵੱਧ ਤੋਂ ਵੱਧ ਸੰਭਾਵਿਤ ਡਿਸਚਾਰਜ ਅਤੇ ਸਪਿਲਵੇਅ ਗੇਟਾਂ ਤੋਂ ਲਗਭਗ 32,000 ਕਿਊਸਿਕ ਪਾਣੀ, ਟਰਬਾਈਨਾਂ ਸਮੇਤ ਕੁੱਲ 50,000 ਕਿਊਸਿਕ ਪਾਣੀ ਅੱਜ , 4 ਅਕਤੂਬਰ ਨੂੰ ਦੁਪਹਿਰ 12 ਵਜੇ ਤੋਂ ਛੱਡਿਆ ਜਾਵੇਗਾ।
ਇਸ ਸਬੰਧ ਵਿੱਚ, ਡਿਪਟੀ ਕਮਿਸ਼ਨਰ, ਕਾਂਗੜਾ (ਧਰਮਸ਼ਾਲਾ), ਸਬ-ਡਿਵੀਜ਼ਨਲ ਅਫਸਰ ਫਤਿਹਪੁਰ, ਸਬ-ਡਿਵੀਜ਼ਨਲ ਅਫਸਰ (ਸਿਵਲ), ਇੰਦੌਰਾ, ਸਬ-ਡਿਵੀਜ਼ਨਲ ਅਫ਼ਸਰ (ਸਿਵਲ), ਡੇਹਰਾ, ਮੈਂਬਰ, ਸਿੰਚਾਈ, ਬੀ.ਬੀ.ਐਮ.ਬੀ., ਚੰਡੀਗੜ੍ਹ, ਸਕੱਤਰ, ਬੀ.ਬੀ.ਐਮ.ਬੀ., ਚੰਡੀਗੜ੍ਹ, ਮੁੱਖ ਇੰਜੀਨੀਅਰ, ਬਿਆਸ ਡੈਮ, ਬੀ.ਬੀ.ਐਮ.ਬੀ., ਤਲਵਾੜਾ ਅਤੇ ਡਾਇਰੈਕਟਰ, ਜਲ ਨਿਯਮਨ, ਬੀ.ਬੀ.ਐਮ.ਬੀ. ਨੰਗਲ ਨੂੰ ਸੂਚਿਤ ਕੀਤਾ ਗਿਆ ਹੈ। ਇਸ ਦੇ ਮੱਦੇਨਜ਼ਰ, ਹਿਮਾਚਲ ਪ੍ਰਦੇਸ਼ ਦੇ ਸਬੰਧਤ ਸਿਵਲ, ਸਿੰਚਾਈ, ਡਰੇਨੇਜ ਅਤੇ ਹੜ੍ਹ ਕੰਟਰੋਲ ਅਧਿਕਾਰੀਆਂ ਨੂੰ ਬੇਨਤੀ ਕੀਤੀ ਗਈ ਹੈ ਕਿ ਉਹ ਇਸ ਦੀ ਜਾਣਕਾਰੀ ਲੈਣ ਅਤੇ ਉਸ ਅਨੁਸਾਰ ਸਾਰੇ ਜ਼ਰੂਰੀ ਸਾਵਧਾਨੀ ਅਤੇ ਤਿਆਰੀ ਦੇ ਉਪਾਅ ਕਰਨ ।
