UPSSSC ਨੇ ਸਟੈਨੋਗ੍ਰਾਫਰ, ਡਰਾਫਟਸਮੈਨ ਤੇ ਕਾਰਟੋਗ੍ਰਾਫਰ ਮੁੱਖ ਪ੍ਰੀਖਿਆ 2025 ਲਈ ਐਡਮਿਟ ਕਾਰਡ ਕੀਤਾ ਜਾਰੀ

ਉੱਤਰ ਪ੍ਰਦੇਸ਼ : ਉੱਤਰ ਪ੍ਰਦੇਸ਼ ਅਧੀਨ ਸੇਵਾਵਾਂ ਚੋਣ ਕਮਿਸ਼ਨ (UPSSSC) ਨੇ ਸਟੈਨੋਗ੍ਰਾਫਰ, ਡਰਾਫਟਸਮੈਨ ਅਤੇ ਕਾਰਟੋਗ੍ਰਾਫਰ ਮੁੱਖ ਪ੍ਰੀਖਿਆ 2025 ਲਈ ਦਾਖਲਾ ਕਾਰਡ ਜਾਰੀ ਕਰ ਦਿੱਤੇ ਹਨ। ਇਸ ਭਰਤੀ ਪ੍ਰੀਖਿਆ ਵਿੱਚ ਸ਼ਾਮਲ ਹੋਣ ਵਾਲੇ ਉਮੀਦਵਾਰ ਹੁਣ ਕਮਿਸ਼ਨ ਦੀ ਅਧਿਕਾਰਤ ਵੈੱਬਸਾਈਟ, upsssc.gov.in ‘ਤੇ ਜਾ ਕੇ ਆਪਣੇ ਦਾਖਲਾ ਕਾਰਡ ਡਾਊਨਲੋਡ ਕਰ ਸਕਦੇ ਹਨ।

16 ਨਵੰਬਰ ਨੂੰ ਹੋਣਗੀਆਂ ਪ੍ਰੀਖਿਆਵਾਂ

ਕਮਿਸ਼ਨ ਦੇ ਸਿੰਚਾਈ ਅਤੇ ਜਲ ਸਰੋਤ ਵਿਭਾਗ ਵਿੱਚ ਨਕਸ਼ਾਨਵੀਸ (ਡਰਾਫਟਸਮੈਨ) ਦੇ 172 ਆਮ ਚੋਣ ਅਤੇ 78 ਵਿਸ਼ੇਸ਼ ਚੋਣ ਅਹੁਦਿਆਂ ਦੇ ਨਾਲ-ਨਾਲ ਖੇਤੀਬਾੜੀ ਵਿਭਾਗ ਵਿੱਚ ਮਾਨਚਿੱਤਰਕ (ਕਾਰਟੋਗ੍ਰਾਫਰ) ਦੇ 33 ਆਮ ਚੋਣ ਅਹੁਦਿਆਂ ‘ਤੇ ਭਰਤੀ ਲਈ ਮੁੱਖ ਪ੍ਰੀਖਿਆ ਆਯੋਜਿਤ ਕੀਤੀ ਜਾਵੇਗੀ। ਇਹ ਪ੍ਰੀਖਿਆ 16 ਨਵੰਬਰ 2025 (ਐਤਵਾਰ) ਨੂੰ ਸਵੇਰੇ 10:00 ਵਜੇ ਤੋਂ 12:00 ਵਜੇ ਤੱਕ ਲਖਨਊ ਜ਼ਿਲ੍ਹੇ ਦੇ ਵੱਖ-ਵੱਖ ਪ੍ਰੀਖਿਆ ਕੇਂਦਰਾਂ ਵਿੱਚ ਹੋਵੇਗੀ।

ਇਸ ਪ੍ਰੀਖਿਆ ਰਾਹੀਂ, ਕਮਿਸ਼ਨ ਦਾ ਮਕਸਦ ਯੋਗ ਅਤੇ ਤਕਨੀਕੀ ਤੌਰ ‘ਤੇ ਮਾਹਿਰ ਉਮੀਦਵਾਰਾਂ ਦੀ ਚੋਣ ਕਰਨਾ ਹੈ, ਜੋ ਵਿਭਾਗਾਂ ਵਿੱਚ ਮੈਪਿੰਗ, ਸਰਵੇਖਣ ਅਤੇ ਡਰਾਫਟਿੰਗ ਨਾਲ ਜੁੜੀਆਂ ਤਕਨੀਕੀ ਜ਼ਿੰਮੇਵਾਰੀਆਂ ਨਿਭਾ ਸਕਣ।

ਸਟੈਨੋਗ੍ਰਾਫਰ ਦੀਆਂ 333 ਅਸਾਮੀਆਂ

ਕਮਿਸ਼ਨ ਦੇ ਵੱਖ-ਵੱਖ ਵਿਭਾਗਾਂ ਵਿੱਚ ਕੁੱਲ 333 ਸਟੈਨੋਗ੍ਰਾਫਰ ਦੀਆਂ ਅਸਾਮੀਆਂ ਭਰਨ ਲਈ ਮੁੱਖ ਪ੍ਰੀਖਿਆ ਕਰਵਾਈ ਜਾ ਰਹੀ ਹੈ, ਜਿਸ ਵਿੱਚ 275 ਅਸਾਮੀਆਂ ਆਮ ਚੋਣ ਅਤੇ 58 ਅਸਾਮੀਆਂ ਵਿਸ਼ੇਸ਼ ਚੋਣ ਅਧੀਨ ਹਨ। ਇਹ ਪ੍ਰੀਖਿਆ 16 ਨਵੰਬਰ 2025 ਦਿਨ ਐਤਵਾਰ ਨੂੰ ਦੁਪਹਿਰ 03:00 ਵਜੇ ਤੋਂ 05:00 ਵਜੇ ਤੱਕ ਕਰਵਾਈ ਜਾਵੇਗੀ। ਪ੍ਰੀਖਿਆ ਲਖਨਊ ਜ਼ਿਲ੍ਹੇ ਦੇ ਵੱਖ-ਵੱਖ ਪ੍ਰੀਖਿਆ ਕੇਂਦਰਾਂ ‘ਤੇ ਹੋਵੇਗੀ।

ਇਸ ਪਰੀਖਿਆ ਦਾ ਉਦੇਸ਼ ਯੋਗ ਉਮੀਦਵਾਰਾਂ ਦਾ ਚੋਣ ਕਰਨਾ ਹੈ, ਜੋ ਵੱਖ-ਵੱਖ ਵਿਭਾਗਾਂ ਵਿੱਚ ਟਾਈਪਿੰਗ, ਸ਼ਾਰਟਹੈਂਡ ਅਤੇ ਦਫਤਰੀ ਕੰਮਾਂ ਨਾਲ ਸਬੰਧਤ ਜ਼ਿੰਮੇਵਾਰੀਆਂ ਨੂੰ ਸੰਭਾਲਣਗੇ।

ਕਮਿਸ਼ਨ ਨੇ ਉਮੀਦਵਾਰਾਂ ਨੂੰ ਸਲਾਹ ਦਿੱਤੀ ਹੈ ਕਿ ਉਹ ਪ੍ਰੀਖਿਆ ਵਾਲੇ ਦਿਨ ਤੋਂ ਪਹਿਲਾਂ ਆਪਣਾ ਐਡਮਿਟ ਕਾਰਡ ਡਾਊਨਲੋਡ ਕਰ ਲੈਣ, ਅਤੇ ਪ੍ਰੀਖਿਆ ਕੇਂਦਰ ‘ਤੇ ਸਮੇਂ ਸਿਰ ਪਹੁੰਚਣ, ਨਾਲ ਹੀ ਇੱਕ ਵੈਧ ਫੋਟੋ ਪਛਾਣ ਪੱਤਰ ਆਪਣੇ ਨਾਲ ਜ਼ਰੂਰ ਰੱਖਣ।

ਇਸ ਤਰ੍ਹਾਂ ਡਾਊਨਲੋਡ ਕਰੋ ਐਡਮਿਟ ਕਾਰਡ

• ਸਭ ਤੋਂ ਪਹਿਲਾਂ UPSSSC ਦੀ ਅਧਿਕਾਰਤ ਵੈੱਬਸਾਈਟ upsssc.gov.in ‘ਤੇ ਜਾਓ।
• ਹੋਮਪੇਜ ‘ਤੇ ਦਿੱਤੇ ਗਏ “ਦਾਖਲਾ ਪੱਤਰ ਡਾਊਨਲੋਡ ਕਰੋ (Download Admit Card)” ਲਿੰਕ ‘ਤੇ ਕਲਿੱਕ ਕਰੋ।
• ਹੁਣ ਆਪਣੀ ਪ੍ਰੀਖਿਆ ਨਾਲ ਸਬੰਧਿਤ ਵਿਗਿਆਪਨ ਨੰਬਰ (Advt. No.) ਚੁਣੋ।
• ਉਸ ਤੋਂ ਬਾਅਦ ਆਪਣਾ ਰਜਿਸਟਰੇਸ਼ਨ ਨੰਬਰ (Registration Number), ਜਨਮ ਤਾਰੀਖ਼ (Date of Birth) ਅਤੇ ਲਿੰਗ (Gender) ਭਰੋ।
• ਮੰਗਣ ‘ਤੇ ਵੈਰੀਫਿਕੇਸ਼ਨ ਕੋਡ (Captcha Code) ਪਾਓ।
• ਹੁਣ “ਡਾਊਨਲੋਡ ਐਡਮਿਟ ਕਾਰਡ” ਬਟਨ ‘ਤੇ ਕਲਿੱਕ ਕਰੋ।
• ਤੁਹਾਡਾ ਦਾਖਲਾ ਪੱਤਰ ਸਕਰੀਨ ‘ਤੇ ਦਿਖਾਈ ਦੇਵੇਗਾ, ਇਸਨੂੰ ਡਾਊਨਲੋਡ ਕਰਕੇ ਪ੍ਰਿੰਟ ਆਊਟ ਕੱਢ ਲਓ।