ਮੁੰਬਈ: ਸਲਮਾਨ ਖਾਨ ਦੀ ਕਰੀਬੀ ਦੋਸਤ ਅਤੇ ਬਿਜ਼ਨੈੱਸ ਵੂਮੈਨ ਕੁਮੁਦ ਰਾਣੇ ਦੇ ਦੇਹਾਂਤ ਕਾਰਨ ਪੂਰਾ ਖਾਨ ਪਰਿਵਾਰ ਸੋਗ ‘ਚ ਹੈ। ਬੀਤੇ ਦਿਨ , 9 ਜੂਨ 2026 ਨੂੰ ਹੋਏ ਅੰਤਿਮ ਸਸਕਾਰ ਮੌਕੇ ਸਲਮਾਨ ਖਾਨ ਸਮੇਤ ਕਈ ਪਰਿਵਾਰਕ ਮੈਂਬਰ ਭਾਵੁਕ ਹੋਏ ਦਿਖਾਈ ਦਿੱਤੇ। ਉਨ੍ਹਾਂ ਦੇ ਦੇਹਾਂਤ ਦੀ ਖ਼ਬਰ ਨਾਲ ਫਿਲਮ ਇੰਡਸਟਰੀ ਵਿੱਚ ਵੀ ਸੋਗ ਦੀ ਲਹਿਰ ਦੌੜ ਗਈ।
ਕੁਮੁਦ ਰਾਣੇ, ਜੋ ਦੁਬਈ ਸਥਿਤ ਰੀਨ ਬਿਊਟੀ ਬਾਰ ਦੇ ਸੰਸਥਾਪਕ ਸਨ, ਨੂੰ ਲੰਬੇ ਸਮੇਂ ਤੋਂ ਖਾਨ ਪਰਿਵਾਰ ਦਾ ਨਜ਼ਦੀਕੀ ਅਤੇ ਭਰੋਸੇਮੰਦ ਦੋਸਤ ਮੰਨੇ ਜਾਂਦੇ ਸਨ। ਅੰਤਿਮ ਸਸਕਾਰ ਦੌਰਾਨ ਸਲਮਾਨ ਖਾਨ ਕਾਫੀ ਭਾਵੁਕ ਨਜ਼ਰ ਆਏ। ਉਨ੍ਹਾਂ ਦੇ ਨਾਲ ਅਰਬਾਜ਼ ਖਾਨ ਅਤੇ ਸੋਹੇਲ ਖਾਨ ਵੀ ਉਦਾਸ ਨਜ਼ਰ ਆਏ। ਪਰਿਵਾਰ ਦੇ ਸੀਨੀਅਰ ਮੈਂਬਰ ਹੈਲਨ ਅਤੇ ਸਲਮਾ ਖਾਨ ਵੀ ਉਨ੍ਹਾਂ ਨੂੰ ਅੰਤਿਮ ਵਿਦਾਈ ਦੇਣ ਲਈ ਭਾਰੀ ਦਿਲ ਨਾਲ ਪਹੁੰਚੇ।
ਖਾਨ ਪਰਿਵਾਰ ਨਾਲ ਕੁਮੁਦ ਰਾਣੇ ਦਾ ਰਿਸ਼ਤਾ ਸਿਰਫ ਦੋਸਤੀ ਤੱਕ ਹੀ ਸੀਮਤ ਨਹੀਂ ਸੀ, ਸਗੋਂ ਉਹ ਹਰ ਸੁੱਖ-ਦੁੱਖ ‘ਚ ਉਨ੍ਹਾਂ ਨਾਲ ਜੁੜੀ ਰਹੇ। ਉਨ੍ਹਾਂ ਦੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਬਾਲੀਵੁੱਡ ਸਿਤਾਰਿਆਂ ਨਾਲ ਕਈ ਤਸਵੀਰਾਂ ਹਨ, ਜੋ ਉਸ ਦੇ ਡੂੰਘੇ ਰਿਸ਼ਤੇ ਨੂੰ ਦਰਸਾਉਂਦੀਆਂ ਹਨ। ਉਨ੍ਹਾਂ ਦੇ ਦੇਹਾਂਤ ਤੋਂ ਬਾਅਦ ਸੋਸ਼ਲ ਮੀਡੀਆ ‘ਤੇ ਸਲਮਾਨ ਖਾਨ ਦਾ ਇਕ ਇਮੋਸ਼ਨਲ ਵੀਡੀਓ ਵੀ ਸਾਹਮਣੇ ਆਇਆ ਹੈ, ਜਿਸ ‘ਚ ਉਹ ਕਾਫੀ ਟੁੱਟੇ ਹੋਏ ਨਜ਼ਰ ਆ ਰਹੇ ਹਨ। ਪ੍ਰਸ਼ੰਸਕਾਂ ਅਤੇ ਮਸ਼ਹੂਰ ਹਸਤੀਆਂ ਨੇ ਕੁਮੁਦ ਰਾਣੇ ਨੂੰ ਸ਼ਰਧਾਂਜਲੀ ਦਿੱਤੀ ਹੈ।
