ਪੰਜਾਬ: ਪੰਜਾਬੀ ਸੰਗੀਤ ਇੰਡਸਟਰੀ ਵਿੱਚ ਇੱਕ ਖੁਸ਼ਖ਼ਬਰੀ ਆਈ ਹੈ। ਮਸ਼ਹੂਰ ਪੰਜਾਬੀ ਗਾਇਕ ਦੇ ਘਰ ਇੱਕ ਵਾਰ ਫਿਰ ਕਿਲਕਾਰੀਆਂ ਗੂੰਜੀਆਂ ਹਨ। ਰਿਪੋਰਟਾਂ ਅਨੁਸਾਰ, ਮਸ਼ਹੂਰ ਗਾਇਕ ਹਾਰਡੀ ਸੰਧੂ ਦੇ ਘਰ ਬੀਤੇ ਦਿਨ ਦੂਜੇ ਬੱਚੇ ਦਾ ਜਨਮ ਹੋਇਆ ਹੈ । ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ, ਇੰਸਟਾਗ੍ਰਾਮ ‘ਤੇ ਖੁਸ਼ਖ਼ਬਰੀ ਸਾਂਝੀ ਕਰਦੇ ਹੋਏ, ਹਾਰਡੀ ਨੇ ਲਿਖਿਆ, “ਸਾਡੇ ਘਰ ਵਿੱਚ ਆਇਆ ਇੱਕ ਨਵਾਂ ਆਸ਼ੀਰਵਾਦ । ਸਾਰਿਆਂ ਨੂੰ ਦੀਵਾਲੀ ਦੀਆਂ ਮੁਬਾਰਕਾਂ।”
ਪੋਸਟ ਵਿੱਚ ਸਾਂਝੀ ਕੀਤੀ ਗਈ ਫੋਟੋ ਵਿੱਚ ਹਾਰਡੀ, ਉਨ੍ਹਾਂ ਦੀ ਪਤਨੀ ਅਤੇ ਉਨ੍ਹਾਂ ਦੇ ਵੱਡੇ ਪੁੱਤਰ ਦੇ ਹੱਥ ਦੇ ਨਾਲ ਨਵਜੰਮੇ ਬੱਚੇ ਦਾ ਛੋਟਾ ਹੱਥ ਵੀ ਦਿਖਾਈ ਦੇ ਰਿਹਾ ਹੈ । ਪ੍ਰਸ਼ੰਸਕਾਂ ਅਤੇ ਨਜ਼ਦੀਕੀ ਦੋਸਤਾਂ ਨੇ ਇਸ ਪੋਸਟ ‘ਤੇ ਹਾਰਡੀ ਨੂੰ ਵਧਾਈਆਂ ਨਾਲ ਭਰ ਦਿੱਤਾ। ਇਸ ਤੋਂ ਪਹਿਲਾਂ, ਹਾਰਡੀ ਨੇ ਸੋਸ਼ਲ ਮੀਡੀਆ ‘ਤੇ ਆਪਣੀ ਪਤਨੀ ਦੇ ਬੇਬੀ ਸ਼ਾਵਰ ਦੀਆਂ ਫੋਟੋਆਂ ਸਾਂਝੀਆਂ ਕੀਤੀਆਂ ਸਨ, ਜੋ ਵਾਇਰਲ ਹੋਈਆਂ ਸਨ।
ਹਾਰਡੀ ਸੰਧੂ ਨੇ “ਸੋਚ,” “ਜੋਕਰ,” “ਬੈਕਬੋਨ,” “ਨਾ ਗੋਰੀਏ,” ਅਤੇ “ਬਿਜਲੀ ਬਿਜਲੀ” ਸਮੇਤ ਕਈ ਹਿੱਟ ਗੀਤ ਗਾਏ ਹਨ। ਉਹ ਇੱਕ ਸਾਬਕਾ ਕ੍ਰਿਕਟਰ ਵੀ ਹਨ, ਭਾਰਤ ਦੀ ਅੰਡਰ-19 ਟੀਮ ਅਤੇ ਪੰਜਾਬ ਦੀ ਰਣਜੀ ਟਰਾਫੀ ਟੀਮ ਲਈ ਖੇਡ ਚੁੱਕ ਕੇ ਹਨ। ਕ੍ਰਿਕਟ ਤੋਂ ਸੰਨਿਆਸ ਲੈਣ ਤੋਂ ਬਾਅਦ, ਉਨ੍ਹਾਂ ਨੇ ਅਦਾਕਾਰੀ ਵਿੱਚ ਕਦਮ ਰੱਖਿਆ, ਫਿਲਮ ’83 ਵਿੱਚ ਸਾਬਕਾ ਭਾਰਤੀ ਤੇਜ਼ ਗੇਂਦਬਾਜ਼ ਮਦਨ ਲਾਲ ਦੀ ਭੂਮਿਕਾ ਨਿਭਾਈ। ਪ੍ਰਸ਼ੰਸਕ ਹਾਰਡੀ ਦੀ ਨਵੀਂ ਖੁਸ਼ੀ ਨੂੰ ਸੋਸ਼ਲ ਮੀਡੀਆ ‘ਤੇ ਸਾਂਝਾ ਕਰ ਰਹੇ ਹਨ ਅਤੇ ਉਨ੍ਹਾਂ ਦੇ ਜਸ਼ਨਾਂ ਵਿੱਚ ਸ਼ਾਮਲ ਹੋ ਰਹੇ ਹਨ।
