ਨਵੀਂ ਦਿੱਲੀ : ਜਨਤਾ ਨੂੰ ਦੇਸ਼ ਭਰ ਦੇ ਮਹਿੰਗੇ ਟੋਲ ਪਲਾਜ਼ਿਆਂ ਤੋਂ ਰਾਹਤ ਦੇਣ ਲਈ, ਕੇਂਦਰ ਸਰਕਾਰ ਇਸ ਸਾਲ 15 ਅਗਸਤ ਨੂੰ 3000 ਰੁਪਏ ਸਾਲਾਨਾ ਫਾਸਟੈਗ ਦੀ ਸਹੂਲਤ ਜਾਰੀ ਕਰਨ ਜਾ ਰਹੀ ਹੈ, ਜਿਸ ਦਾ ਨੋਟੀਫਿਕੇਸ਼ਨ ਨੈਸ਼ਨਲ ਹਾਈਵੇ ਅਥਾਰਟੀ ਆਫ਼ ਇੰਡੀਆ ਦੁਆਰਾ ਜਾਰੀ ਕੀਤਾ ਗਿਆ ਹੈ।
ਹੁਣ ਡਰਾਈਵਰ ਇਸ ਫਾਸਟੈਗ ਨੂੰ 3000 ਰੁਪਏ ਵਿੱਚ ਖਰੀਦ ਸਕਦੇ ਹਨ, ਇਸਨੂੰ ਆਪਣੇ ਵਾਹਨ ਨਾਲ ਰਜਿਸਟਰ ਕਰ ਸਕਦੇ ਹਨ ਅਤੇ ਸਾਲ ਭਰ ਵਿੱਚ ਜਾਂ ਦੇਸ਼ ਭਰ ਵਿੱਚ ਬਿਨਾਂ ਕਿਸੇ ਰੁਕਾਵਟ ਦੇ 200 ਯਾਤਰਾਵਾਂ ਕਰ ਸਕਦੇ ਹਨ। ਕੇਂਦਰ ਸਰਕਾਰ ਦੌਆਰਾ 15 ਅਗਸਤ ਨੂੰ ਪਹਿਲੀ ਵਾਰ ਇੱਕ ਨਵਾਂ ਫਾਸਟੈਗ ਜਾਰੀ ਕਰ ਰਿਹਾ ਹੈ ਜੋ ਪੂਰੇ ਦੇਸ਼ ਭਰ ਦੇ ਟੋਲ ਪਲਾਜ਼ਿਆਂ ‘ਤੇ ਚੱਲੇਗਾ, ਇਸਦੀ ਸਾਲਾਨਾ ਫੀਸ 3000 ਰੁਪਏ ਦਾ ਭੁਗਤਾਨ ਕਰਕੇ, ਤੁਸੀਂ ਇੱਕ ਸਾਲ ਲਈ ਬਿਨਾਂ ਕਿਸੇ ਰੁਕਾਵਟ ਦੇ ਕਿਸੇ ਵੀ ਟੋਲ ਪਲਾਜ਼ਾ ਤੋਂ ਜਾਂ ਬਿਨਾਂ ਕਿਸੇ ਰੁਕਾਵਟ ਦੇ 200 ਵਾਰ ਲੰਘ ਸਕਦੇ ਹੋ।
ਇਸ ਤਰ੍ਹਾਂ ਕੀਤੀ ਜਾਵੇਗੀ ਵਰਤੋਂ
- ਇਸ ਫਾਸਟੈਗ ਨਾਲ, ਉਪਭੋਗਤਾ ਨੂੰ ਇੱਕ ਸਾਲ ਜਾਂ 200 ਲੈਣ-ਦੇਣ ਲਈ ਬਿਨਾਂ ਕਿਸੇ ਫੀਸ ਦੇ ਇਜਾਜ਼ਤ ਮਿਲੇਗੀ। ਖਪਤਕਾਰ ਨੂੰ ਆਪਣੇ ਵਾਹਨ ‘ਤੇ 3000 ਰੁਪਏ ਦਾ ਇਹ ਫਾਸਟੈਗ ਸਿਰਫ਼ ਇੱਕ ਵਾਰ ਰਜਿਸਟਰ ਕਰਨਾ ਹੋਵੇਗਾ।
- ਇਹ ਸਾਲਾਨਾ ਪਾਸ ਸਹੂਲਤ ਸਿਰਫ਼ ਹਾਈਵੇ ਯਾਤਰਾ ਮੋਬਾਈਲ ਐਪਲੀਕੇਸ਼ਨ ਅਤੇ NHAI ਵੈੱਬਸਾਈਟ ‘ਤੇ ਹੀ ਕਿਰਿਆਸ਼ੀਲ ਕੀਤੀ ਜਾ ਸਕਦੀ ਹੈ।
- ਇਸ ਸਾਲਾਨਾ ਫਾਸਟੈਗ ਦੀ ਪੁਸ਼ਟੀ ਹੋਣ ਤੋਂ ਬਾਅਦ ਯੂਜ਼ਰ ਨੂੰ ਸਾਲ 2025-26 ਲਈ 3000 ਰੁਪਏ ਦਾ ਭੁਗਤਾਨ ਰਾਜਮਾਰਗ ਯਾਤਰਾ ਮੋਬਾਈਲ ਐਪਲੀਕੇਸ਼ਨ ਜਾਂ ਐਨ.ਐਚ.ਏ.ਆਈ. ਦੀ ਵੈੱਬਸਾਈਟ ਰਾਹੀਂ ਕਰਨਾ ਹੋਵੇਗਾ। ਭੁਗਤਾਨ ਦੀ ਪੁਸ਼ਟੀ ਹੋਣ ‘ਤੇ ਇਹ ਪਾਸ 2 ਘੰਟਿਆਂ ਦੇ ਅੰਦਰ ਦਰਜ ਟੈਗ ‘ਤੇ ਚਾਲੂ ਕਰ ਦਿੱਤਾ ਜਾਵੇਗਾ।
- ਜੇਕਰ ਤੁਹਾਡੇ ਵਾਹਨ ਵਿੱਚ ਪਹਿਲਾਂ ਹੀ ਫਾਸਟੈਗ ਲੱਗਿਆ ਹੈ, ਤਾਂ ਦੁਬਾਰਾ ਨਵਾਂ ਸਾਲਾਨਾ ਫਾਸਟੈਗ ਨਾ ਖਰੀਦੋ, ਫੀਸ ਦਾ ਭੁਗਤਾਨ ਕਰਨ ‘ਤੇ ਤੁਹਾਡਾ ਪੁਰਾਣਾ ਫਾਸਟੈਗ ਰਜਿਸਟਰ ਹੋ ਜਾਵੇਗਾ।
- ਇਹ ਫਾਸਟੈਗ ਸਿਰਫ਼ ਉਸ ਵਾਹਨ ਲਈ ਵੈਧ ਹੋਵੇਗਾ ਜਿਸ ਦੇ ਨੰਬਰ ਨਾਲ ਖਪਤਕਾਰ ਨੇ ਇਸਨੂੰ ਰਜਿਸਟਰ ਕੀਤਾ ਹੈ।
- ਇਸ ਫਾਸਟੈਗ ਦੀ ਵਰਤੋਂ ਉਸੇ ਤਰ੍ਹਾਂ ਕੀਤੀ ਜਾਵੇਗੀ ਜਿਵੇਂ ਡਰਾਈਵਰ ਪਹਿਲਾਂ ਹੀ ਆਪਣੇ ਵਾਹਨ ਦੀ ਵਿੰਡਸ਼ੀਲਡ ‘ਤੇ ਲਗਾਉਂਦੇ ਹਨ।
- ਜੇਕਰ ਖਪਤਕਾਰ ਦਾ ਫਾਸਟੈਗ ਵਾਹਨ ਦੇ ਚੈਸੀ ਨੰਬਰ ਨਾਲ ਰਜਿਸਟਰਡ ਹੈ, ਤਾਂ ਉਸਨੂੰ ਸਾਲਾਨਾ ਪਾਸ ਦਾ ਲਾਭ ਨਹੀਂ ਮਿਲੇਗਾ। ਸਾਲਾਨਾ ਪਾਸ ਨੂੰ ਐਕਟੀਵੇਟ ਕਰਨ ਲਈ ਉਸਨੂੰ ਆਪਣੇ ਵਾਹਨ ਦਾ ਰਜਿਸਟਰਡ ਨੰਬਰ ਅਪਡੇਟ ਕਰਨਾ ਪਵੇਗਾ।
- ਜਿਵੇਂ ਹੀ ਤੁਸੀਂ ਆਪਣੇ ਵਾਹਨ ਨਾਲ ਟੋਲ ਪਲਾਜ਼ਾ ਤੋਂ ਲੰਘੋਂਗੇ, ਤਾਂ ਇਸਨੂੰ ਇੱਕ ਸਿੰਗਲ ਟ੍ਰਿਪ ਮੰਨਿਆ ਜਾਵੇਗਾ। ਆਉਣ-ਜਾਣ ਨੂੰ 2 ਟ੍ਰਿਪ ਮੰਨਿਆ ਜਾਵੇਗਾ।
- ਇਸ ਫਾਸਟੈਗ ਦਾ ਇਸਤੇਮਾਲ ਸ਼ੁਰੂ ਕਰਨ ‘ਤੇ ਯੂਜ਼ਰ ਨੂੰ ਇਸਦੀ ਪੂਰੀ ਜਾਣਕਾਰੀ ਉਸਦੇ ਰਜਿਸਟਰਡ ਮੋਬਾਈਲ ਫੋਨ ਨੰਬਰ ‘ਤੇ ਐੱਸ.ਐੱਮ.ਐੱਸ. ਰਾਹੀਂ ਮਿਲਦੀ ਰਹੇਗੀ।
- ਇਸ ਫਾਸਟੈਗ ਦੇ ਸ਼ੁਰੂ ਹੋਣ ਨਾਲ, ਟੋਲ ਪਲਾਜ਼ਾ ‘ਤੇ ਵਾਹਨਾਂ ਦੀਆਂ ਲੰਬੀਆਂ ਕਤਾਰਾਂ ਘੱਟ ਜਾਣਗੀਆਂ।
