ਰਾਜੌਰੀ: ਜੰਮੂ-ਕਸ਼ਮੀਰ ਦੇ ਰਾਜੌਰੀ ਜ਼ਿਲ੍ਹੇ ਵਿੱਚ ਕੰਟਰੋਲ ਲਾਈਨ (LoC) ਨੇੜੇ ਭਾਰਤੀ ਫੌਜ ਨੇ ਇੱਕ ਨਾਬਾਲਗ ਪਾਕਿਸਤਾਨੀ ਕੁੜੀ ਨੂੰ ਹਿਰਾਸਤ ਵਿੱਚ ਲਿਆ ਹੈ। ਇਹ ਕਾਰਵਾਈ ਨੌਸ਼ਹਿਰਾ ਇਲਾਕੇ ਦੇ ਲਾਮ ਸੈਕਟਰ ਵਿੱਚ ਕੀਤੀ ਗਈ।
ਗਸ਼ਤ ਦੌਰਾਨ ਫੌਜ ਨੇ ਦੇਖੀ ਹਲਚਲ
ਜਾਣਕਾਰੀ ਮੁਤਾਬਕ ਭਾਰਤੀ ਫੌਜ ਦੀ ਪੈਟਰੋਲਿੰਗ ਟੀਮ ਨੂੰ LoC ਦੇ ਨੇੜੇ ਇੱਕ ਕੁੜੀ ਦੀ ਹਲਚਲ ਨਜ਼ਰ ਆਈ। ਜਵਾਨਾਂ ਨੇ ਤੁਰੰਤ ਉਸ ਨੂੰ ਰੋਕ ਕੇ ਹਿਰਾਸਤ ਵਿੱਚ ਲੈ ਲਿਆ।
ਮੁੱਢਲੀ ਜਾਣਕਾਰੀ ਅਨੁਸਾਰ ਹਿਰਾਸਤ ਵਿੱਚ ਲਈ ਗਈ ਕੁੜੀ ਦੀ ਪਛਾਣ ਸਾਮੀਆ ਅਜ਼ੀਮ, ਉਮਰ 17 ਸਾਲ, ਵਜੋਂ ਹੋਈ ਹੈ। ਉਹ ਖੁਇਰੇਟਾ, ਪਾਕਿਸਤਾਨ ਦੇ ਕਬਜ਼ੇ ਵਾਲੇ ਜੰਮੂ-ਕਸ਼ਮੀਰ (PoJK) ਦੀ ਰਹਿਣ ਵਾਲੀ ਦੱਸੀ ਜਾ ਰਹੀ ਹੈ।
ਪੁੱਛਗਿੱਛ ਤੋਂ ਬਾਅਦ ਪੁਲਿਸ ਦੇ ਹਵਾਲੇ
ਫੌਜ ਵੱਲੋਂ ਮੁੱਢਲੀ ਪੁੱਛਗਿੱਛ ਕਰਨ ਤੋਂ ਬਾਅਦ ਕੁੜੀ ਨੂੰ ਸਥਾਨਕ ਪੁਲਿਸ ਅਧਿਕਾਰੀਆਂ ਦੇ ਹਵਾਲੇ ਕਰ ਦਿੱਤਾ ਗਿਆ। ਨੌਸ਼ਹਿਰਾ ਪੁਲਿਸ ਵੱਲੋਂ ਹੁਣ ਉਸ ਤੋਂ ਪੁੱਛਗਿੱਛ ਕੀਤੀ ਜਾ ਰਹੀ ਹੈ ਅਤੇ ਪੂਰੇ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਪੁਲਿਸ ਮੁਤਾਬਕ ਕੁੜੀ ਨੇ ਦਾਅਵਾ ਕੀਤਾ ਹੈ ਕਿ ਉਹ ਗਲਤੀ ਨਾਲ LoC ਪਾਰ ਕਰਕੇ ਭਾਰਤੀ ਖੇਤਰ ਵਿੱਚ ਦਾਖ਼ਲ ਹੋ ਗਈ। ਹਾਲਾਂਕਿ ਉਸ ਦੇ ਭਾਰਤੀ ਖੇਤਰ ਵਿੱਚ ਪਹੁੰਚਣ ਦੇ ਕਾਰਨਾਂ ਅਤੇ ਹਾਲਾਤਾਂ ਬਾਰੇ ਜਾਂਚ ਜਾਰੀ ਹੈ।
