ਕਾਸਗੰਜ : ਸਿੱਧਪੁਰਾ ਥਾਣਾ ਖੇਤਰ ਦੇ ਸ਼ੇਖੂਪੁਰ ਪਿੰਡ ਵਿੱਚ ਅੱਜ ਸਵੇਰੇ ਲਗਭਗ 5 ਵਜੇ ਤੇਜ਼ ਤੂਫਾਨ ਅਤੇ ਮੀਂਹ ਦੌਰਾਨ ਇੱਕ ਪੁਰਾਣੇ ਘਰ ਦੀ ਛੱਤ ਡਿੱਗ ਗਈ। ਹਾਦਸੇ ਵਿੱਚ ਇੱਕੋ ਪਰਿਵਾਰ ਦੇ ਤਿੰਨ ਮੈਂਬਰਾਂ ਦੀ ਮੌਤ ਹੋ ਗਈ, ਜਦੋਂ ਕਿ ਤਿੰਨ ਬੱਚੇ ਗੰਭੀਰ ਜ਼ਖਮੀ ਹੋ ਗਏ।
ਤਿੰਨਾਂ ਦੀ ਮੌਕੇ ‘ਤੇ ਹੀ ਮੌਤ
ਮ੍ਰਿਤਕਾਂ ਵਿੱਚ 30 ਸਾਲਾ ਵੀਰਭਾਨ, ਉਨ੍ਹਾਂ ਦੀ 27 ਸਾਲਾ ਪਤਨੀ ਨੀਲਮ ਅਤੇ ਤਿੰਨ ਸਾਲਾ ਧੀ ਕਾਵਿਆ ਸ਼ਾਮਲ ਹਨ। ਤਿੰਨਾਂ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਇਸ ਦੌਰਾਨ 10 ਸਾਲਾ ਕਾਜਲ, ਸੱਤ ਸਾਲਾ ਸੂਰਜ ਅਤੇ ਪੰਜ ਸਾਲਾ ਕਿਰਨ ਗੰਭੀਰ ਜ਼ਖਮੀ ਹੋ ਗਏ ਅਤੇ ਉਨ੍ਹਾਂ ਨੂੰ ਇਲਾਜ ਲਈ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ।
ਡੀਐਮ ਪ੍ਰਣਯ ਸਿੰਘ ਅਤੇ ਐਸਪੀ ਓਪੀ ਸਿੰਘ ਨੇ ਘਟਨਾ ਸਥਾਨ ਲਿਆ ਜਾਇਜ਼ਾ
ਸੂਚਨਾ ਮਿਲਦੇ ਹੀ ਡੀ.ਐਮ. ਪ੍ਰਣਯ ਸਿੰਘ ਅਤੇ ਐਸ.ਪੀ. ਓਪੀ ਸਿੰਘ ਘਟਨਾ ਸਥਾਨ ਅਤੇ ਹਸਪਤਾਲ ਪਹੁੰਚ ਕੇ ਸਥਿਤੀ ਦਾ ਜਾਇਜ਼ਾ ਲਿਆ ਅਤੇ ਪੀੜਤ ਪਰਿਵਾਰ ਨੂੰ ਹਰ ਸੰਭਵ ਮਦਦ ਦਾ ਭਰੋਸਾ ਦਿੱਤਾ।
