ਆਈਸਲੈਂਡ ‘ਚ ਭੂਚਾਲ ਦੇ ਤੇਜ਼ ਝਟਕੇ ਕੀਤੇ ਗਏ ਮਹਿਸੂਸ , ਰਿਕਟਰ ਪੈਮਾਨੇ ‘ਤੇ ਇੰਨੀ ਰਹੀ ਤੀਬਰਤਾ

ਆਈਸਲੈਂਡ: ਯੂਰਪੀਅਨ-ਮੈਡੀਟੇਰੀਅਨ ਸੀਸਮੌਲੋਜੀਕਲ ਸੈਂਟਰ (ਓੰਸ਼ਛ) ਦੇ ਅਨੁਸਾਰ, ਬੀਤੇ ਦਿਨ ਆਈਸਲੈਂਡ ਵਿੱਚ 5.4 ਤੀਬਰਤਾ ਦਾ ਭੂਚਾਲ ਆਇਆ। ਭੂਚਾਲ ਦਾ ਕੇਂਦਰ ਰਾਜਧਾਨੀ ਰੇਕਜਾਵਿਕ ਤੋਂ ਲਗਭਗ 238 ਕਿਲੋਮੀਟਰ ਪੂਰਬ-ਉੱਤਰ-ਪੂਰਬ ਵਿੱਚ ਸੀ। ਭੂਚਾਲ 16:46 ਯੂ.ਟੀ.ਸੀ. (ਭਾਰਤੀ ਸਮੇਂ ਅਨੁਸਾਰ ਰਾਤ 10:16 ਵਜੇ) ‘ਤੇ ਮਹਿਸੂਸ ਕੀਤਾ ਗਿਆ ਅਤੇ ਇਸਦੀ ਡੂੰਘਾਈ 10 ਕਿਲੋਮੀਟਰ ਸੀ। ਹੁਣ ਤੱਕ ਕੋਈ ਨੁਕਸਾਨ ਜਾਂ ਜਾਨੀ ਨੁਕਸਾਨ ਦੀ ਰਿਪੋਰਟ ਨਹੀਂ ਹੈ।

ਆਈਸਲੈਂਡ ਵਿੱਚ ਭੂਚਾਲ ਅਕਸਰ ਕਿਉਂ ਆਉਂਦੇ ਹਨ?
ਆਈਸਲੈਂਡ ਦੁਨੀਆ ਦੇ ਸਭ ਤੋਂ ਵੱਧ ਭੂ-ਵਿ ਗਿਆਨਕ ਤੌਰ ‘ਤੇ ਸਰਗਰਮ ਖੇਤਰਾਂ ਵਿੱਚੋਂ ਇੱਕ ਹੈ। ਇਹ ਦੇਸ਼ ਮਿਡ-ਐਟਲਾਂਟਿਕ ਰਿਜ ‘ਤੇ ਸਥਿਤ ਹੈ, ਜਿੱਥੇ ਯੂਰਪੀਅਨ ਅਤੇ ਉੱਤਰੀ ਅਮਰੀਕੀ ਟੈਕਟੋਨਿਕ ਪਲੇਟਾਂ ਵੱਖ-ਵੱਖ ਹੋ ਰਹੀਆਂ ਹਨ। ਇਨ੍ਹਾਂ ਪਲੇਟਾਂ ਦੀ ਗਤੀ ਅਕਸਰ ਭੂਚਾਲ ਅਤੇ ਜਵਾਲਾਮੁਖੀ ਫਟਣ ਦਾ ਕਾਰਨ ਬਣਦੀ ਹੈ। ਮਾਹਿਰਾਂ ਦੇ ਅਨੁਸਾਰ, ਭੂਚਾਲ ਕੁਦਰਤੀ ਭੂ-ਵਿਿਗਆਨਕ ਗਤੀਵਿਧੀ ਦਾ ਹਿੱਸਾ ਹੈ ਅਤੇ ਵਰਤਮਾਨ ਵਿੱਚ ਕਿਸੇ ਵੀ ਜਵਾਲਾਮੁਖੀ ਖ਼ਤਰੇ ਦਾ ਸੰਕੇਤ ਨਹੀਂ ਦਿੰਦਾ ਹੈ।