Sports News : ਅਗਲੇ ਮਹੀਨੇ ਹੋਣ ਵਾਲੀ ਟੈਸਟ ਸੀਰੀਜ਼ ਤੋਂ ਪਹਿਲਾਂ ਭਾਰਤੀ ਕ੍ਰਿਕਟ ਟੀਮ ਨੂੰ ਵੱਡਾ ਝਟਕਾ ਲੱਗਾ ਹੈ। ਸਟਾਰ ਵਿਕਟਕੀਪਰ-ਬੱਲੇਬਾਜ਼ ਰਿਸ਼ਭ ਪੰਤ ਨਿਊਜ਼ੀਲੈਂਡ ਦੌਰੇ ਦੇ ਪਹਿਲੇ ਦੋ ਮੈਚਾਂ ਤੋਂ ਬਾਹਰ ਹੋ ਗਏ ਹਨ।
ਪੰਤ ਨੂੰ ਇਹ ਸੱਟ ਸਤੰਬਰ ਵਿੱਚ ਈਰਾਨੀ ਕੱਪ ਦੇ ਦੌਰਾਨ ਰੈਸਟ ਆਫ ਇੰਡੀਆ ਦੀ ਕਪਤਾਨੀ ਕਰਦੇ ਸਮੇਂ ਲੱਗੀ ਸੀ। ਇਸ ਮੈਚ ਦੌਰਾਨ ਰਿਸ਼ਭ ਪੰਤ ਦੇ ਖੱਬੇ ਪਾਸੇ ਖਿਚਾਅ ਹੋ ਗਿਆ ਸੀ।
ਬੀ.ਸੀ.ਸੀ.ਆਈ. ਨੇ ਬੀਤੇ ਦਿਨ ਪੁਸ਼ਟੀ ਕੀਤੀ ਕਿ ਪੰਤ ਦੀ ਜਗ੍ਹਾ ਹੁਣ ਵਿਕਟਕੀਪਰ-ਬੱਲੇਬਾਜ਼ ਕੁਮਾਰ ਕੁਸ਼ਾਗਰਾ ਨੂੰ ਪਹਿਲੇ ਦੋ ਮੈਚਾਂ ਲਈ ਇੰਡੀਆ ਏ ਟੀਮ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਫਿਲਹਾਲ ਪੰਤ ਬੀ.ਸੀ.ਸੀ.ਆਈ. ਮੈਡੀਕਲ ਟੀਮ ਦੀ ਨਿਗਰਾਨੀ ਹੇਠ ਹੈ ਅਤੇ ਤੇਜ਼ੀ ਨਾਲ ਠੀਕ ਹੋ ਰਹੇ ਹਨ। ਤੀਜੇ ਮੈਚ ਵਿੱਚ ਉਨ੍ਹਾਂ ਦੇ ਖੇਡਣ ਬਾਰੇ ਫੈਸਲਾ ਬਾਅਦ ਵਿੱਚ ਲਿਆ ਜਾਵੇਗਾ।
ਇਸ ਸੱਟ ਨੇ ਸੀਨੀਅਰ ਟੀਮ ਲਈ ਵੀ ਚਿੰਤਾਵਾਂ ਵਧਾ ਦਿੱਤੀਆਂ ਹਨ, ਕਿਉਂਕਿ ਭਾਰਤ 19 ਨਵੰਬਰ ਤੋਂ ਨਿਊਜ਼ੀਲੈਂਡ ਵਿਰੁੱਧ ਦੋ ਮੈਚਾਂ ਦੀ ਟੈਸਟ ਲੜੀ ਖੇਡਣ ਵਾਲਾ ਹੈ। ਹਾਲਾਂਕਿ, ਸੀਨੀਅਰ ਟੈਸਟ ਟੀਮ ਦਾ ਅਜੇ ਐਲਾਨ ਨਹੀਂ ਕੀਤਾ ਗਿਆ ਹੈ, ਅਤੇ ਇਸ ਗੱਲ ਦੀ ਕੋਈ ਅਧਿਕਾਰਤ ਪੁਸ਼ਟੀ ਨਹੀਂ ਹੈ ਕਿ ਪੰਤ ਪੂਰੀ ਲੜੀ ਤੋਂ ਬਾਹਰ ਹੋਣਗੇ ਜਾਂ ਨਹੀਂ।
ਦੱਸ ਦਈਏ ਕਿ ਭਾਰਤ ਏ 24 ਅਕਤੂਬਰ ਤੋਂ 10 ਨਵੰਬਰ ਦੇ ਵਿਚਕਾਰ ਨਿਊਜ਼ੀਲੈਂਡ ਏ ਵਿਰੁੱਧ ਤਿੰਨ ਮਲਟੀ-ਡੇ ਮੈਚ ਖੇਡੇਗਾ। ਪਹਿਲਾ ਮੈਚ ਲਿੰਕਨ ਵਿੱਚ, ਦੂਜਾ ਕ੍ਰਾਈਸਟਚਰਚ ਵਿੱਚ ਅਤੇ ਤੀਜਾ ਲਿੰਕਨ ਵਿੱਚ ਖੇਡਿਆ ਜਾਵੇਗਾ। ਇਨ੍ਹਾਂ ਮੈਚਾਂ ਨੂੰ ਨਿਊਜ਼ੀਲੈਂਡ ਦੇ ਹਾਲਾਤਾਂ ਦੇ ਅਨੁਕੂਲ ਹੋਣ ਲਈ ਮਹੱਤਵਪੂਰਨ ਮੰਨਿਆ ਜਾ ਰਿਹਾ ਸੀ।
ਕੌਣ ਹੈ ਕੁਮਾਰ ਕੁਸ਼ਾਗਰਾ?
ਝਾਰਖੰਡ ਦਾ 21 ਸਾਲਾ ਵਿਕਟਕੀਪਰ-ਬੱਲੇਬਾਜ਼, ਕੁਮਾਰ ਕੁਸ਼ਾਗਰਾ, ਘਰੇਲੂ ਕ੍ਰਿਕਟ ਵਿੱਚ ਲਗਾਤਾਰ ਵਧੀਆ ਪ੍ਰਦਰਸ਼ਨ ਕਰ ਰਿਹਾ ਹੈ। ਗੁਜਰਾਤ ਟਾਈਟਨਜ਼ ਦੇ ਮੈਂਬਰ ਕੁਸ਼ਾਗਰਾ ਨੇ ਫਾਈਨਲ ਵਿੱਚ ਸੈਂਕੜਾ ਲਗਾ ਕੇ ਪੂਰਬੀ ਜ਼ੋਨ ਦੀ ਇਤਿਹਾਸਕ ਦਲੀਪ ਟਰਾਫੀ ਜਿੱਤ ਵਿੱਚ ਮੁੱਖ ਭੂਮਿਕਾ ਨਿਭਾਈ।
ਇਸ ਤੋਂ ਇਲਾਵਾ, ਉਨ੍ਹਾਂ ਨੇ ਸਤੰਬਰ ਵਿੱਚ ਪੁਡੂਚੇਰੀ ਵਿੱਚ ਆਸਟ੍ਰੇਲੀਆ ਏ ਖ਼ਿਲਾਫ਼ ਵੀ ਇੱਕ ਸ਼ਾਨਦਾਰ ਸੈਂਕੜਾ ਅਤੇ ਨਾਬਾਦ 46 ਦੌੜਾਂ ਦੀ ਪਾਰੀ ਖੇਡੀ। ਹੁਣ ਉਹ ਇੰਡੀਆ ਏ ਲਈ ਇਸ ਦੌਰੇ ‘ਤੇ ਆਪਣੀ ਛਾਪ ਛੱਡਣ ਲਈ ਤਿਆਰ ਹੈ।
ਭਾਰਤ ਏ ਟੀਮ (ਪਹਿਲਾ ਅਤੇ ਦੂਜਾ ਮੈਚ)
ਯਸ਼ਸਵੀ ਜੈਸਵਾਲ, ਕੇਐੱਲ ਰਾਹੁਲ, ਦੇਵਦੱਤ ਪਡੀਕਲ, ਰਵੀਚੰਦਰਨ ਅਸ਼ਵਿਨ, ਧਰੁਵ ਜੁਰੇਲ (ਕਪਤਾਨ/ਵਿਕਟਕੀਪਰ), ਵਾਸ਼ਿੰਗਟਨ ਸੁੰਦਰ, ਆਕਿਬ ਨਬੀ, ਆਕਾਸ਼ ਦੀਪ, ਅੰਸ਼ੁਲ ਕੰਬੋਜ, ਮਾਨਵ ਸੁਥਾਰ, ਮੁਕੇਸ਼ ਚੌਧਰੀ, ਸਾਈ ਸੁਦਰਸ਼ਨ, ਯਸ਼ ਰਾਠੌੜ, ਕੁਮਾਰਕੇਸ਼ਪਰ (ਵਿਕਟਕੀਪਰ)।
