ਸ੍ਰੀਨਗਰ : ਜੰਮੂ-ਕਸ਼ਮੀਰ ਦੇ ਮੌਸਮ ਨੂੰ ਲੈ ਕੇ ਨਵੀਂ ਅਪਡੇਟ ਸਾਹਮਣੇ ਆਇਆ ਹੈ। ਮੌਸਮ ਦੇ ਮੌਜੂਦਾ ਸੰਕੇਤ ਦੇ ਅਨੁਸਾਰ, 18 ਤੋਂ 21 ਜਨਵਰੀ ਦੇ ਵਿਚਕਾਰ ਕਸ਼ਮੀਰ ਦੇ ਮੈਦਾਨੀ ਇਲਾਕਿਆਂ ਵਿੱਚ ਬਰਫਬਾਰੀ ਹੋਣ ਦੀ ਸੰਭਾਵਨਾ ਹੈ, ਜਿਸ ਨਾਲ ਪੂਰੀ ਘਾਟੀ ਵਿੱਚ ਇੱਕ ਵਾਰ ਫਿਰ ਠੰਡ ਦਾ ਦੌਰ ਸ਼ੁਰੂ ਹੋ ਸਕਦਾ ਹੈ। ਅਧਿਕਾਰੀਆਂ ਨੇ ਦੱਸਿਆ ਕਿ ਅਨੁਮਾਨਿਤ ਬਰਫਬਾਰੀ ਨਾਲ ਮੌਸਮ ਦੀ ਸਥਿਤੀ ਵਿੱਚ ਬਦਲਾਅ ਆ ਸਕਦਾ ਹੈ ਅਤੇ ਬਰਫਬਾਰੀ ਦੇ ਦੌਰ ਅਤੇ ਬਾਅਦ ਵਿੱਚ ਤਾਪਮਾਨ ਵਿੱਚ ਹੋਰ ਘਟਾਅ ਆਉਣ ਦੀ ਉਮੀਦ ਹੈ।
ਹਾਲਾਕਿ ਸਰਦੀਆਂ ਵਿੱਚ ਉੱਚੇ ਇਲਾਕਿਆਂ ’ਚ ਨਿਯਮਤ ਰੂਪ ਨਾਲ ਬਰਫਬਾਰੀ ਹੋ ਰਹੀ ਹੈ, ਪਰ ਜੇਕਰ ਬਰਫਬਾਰੀ ਤੇਜ਼ ਹੋਈ ਤਾਂ ਮੈਦਾਨੀ ਇਲਾਕਿਆਂ ਚ ਬਰਫਬਾਰੀ ਨਾਲ ਰੋਜ਼ ਦੀ ਜ਼ਿੰਦਗੀ, ਟਰਾਸਪੋਰਟ ਅਤੇ ਬਿਜਲੀ ਸਪਲਾਈ ’ਤੇ ਅਸਰ ਪੈ ਸਕਦਾ ਹੈ। ਸੰਭਾਵਿਤ ਬਰਫਬਾਰੀ ’ਤੇ ਅਧਿਕਾਰੀ ਕਰੀਬ ਤੋਂ ਨਜ਼ਰ ਰੱਖ ਰਹੇ ਹਨ, ਖਾਸ ਤੌਰ ‘ਤੇ ਨੈਸ਼ਨਲ ਹਾਈਵੇ ਅਤੇ ਅੰਦਰੂਨੀ ਰਸਤਿਆਂ ਸਮੇਤ ਸੜਕ ਸੰਪਰਕ ‘ਤੇ ਇਸ ਦੇ ਸੰਭਾਵੀ ਪ੍ਰਭਾਵ ਨੂੰ ਦੇਖਦੇ ਹੋਏ ਅਧਿਕਾਰੀਆਂ ਨੇ ਦੱਸਿਆ ਕਿ ਮੌਸਮ ਨਾਲ ਸਬੰਧਤ ਕਿਸੇ ਵੀ ਰੁਕਾਵਟ ਨਾਲ ਨਜਿੱਠਣ ਲਈ ਸਰਦੀਆਂ ਦੀ ਤਿਆਰੀ ਦੇ ਉਪਾਅ ਪਹਿਲਾਂ ਹੀ ਕੀਤੇ ਗਏ ਹਨ। ਸਥਾਨਕ ਲੋਕਾਂ ਅਤੇ ਯਾਤਰੀਆਂ ਨੂੰ ਸਲਾਹ ਦਿੱਤੀ ਗਈ ਹੈ ਕਿ ਉਹ ਮੌਸਮ ਵਿਭਾਗ ਦੀ ਅਧਿਕਾਰਤ ਸਲਾਹ ‘ਤੇ ਧਿਆਨ ਦੇਣ ਅਤੇ ਅੰਦਾਜ਼ਨ ਸਮੇਂ ਦੇ ਅਨੁਸਾਰ ਆਪਣੀ ਯਾਤਰਾ ਦੀ ਯੋਜਨਾ ਬਣਾਓ।
