ਰੋਹਤਕ: ਅਰਜੁਨ ਪੁਰਸਕਾਰ ਜੇਤੂ ਕਬੱਡੀ ਖਿਡਾਰਨ ਸਾਕਸ਼ੀ ਪੂਨੀਆ ਅਤੇ ਜੀਂਦ ਦੇ ਅੰਤਰਰਾਸ਼ਟਰੀ ਪਹਿਲਵਾਨ ਸੁਸ਼ਾਂਤ ਬੋਰਾ ਬੀਤੀ ਰਾਤ ਵਿਆਹ ਦੇ ਬੰਧਨ ਵਿੱਚ ਬੱਝ ਗਏ। ਵਿਆਹ ਗੋਹਾਨਾ ਰੋਡ ‘ਤੇ ਇੱਕ ਬੈਂਕੁਇਟ ਹਾਲ ਵਿੱਚ ਇੱਕ ਰਵਾਇਤੀ ਸਮਾਰੋਹ ਵਿੱਚ ਹੋਇਆ, ਜਿਸ ਵਿੱਚ ਮੰਤਰੀ, ਸਿਆਸਤਦਾਨ, ਖਿਡਾਰੀ ਅਤੇ ਵੀ.ਆਈ.ਪੀ. ਮਹਿਮਾਨ ਸ਼ਾਮਲ ਹੋਏ।
ਪੰਚਾਇਤ ਮੰਤਰੀ ਕ੍ਰਿਸ਼ਨ ਲਾਲ ਪੰਵਾਰ ਦੇ ਪੁੱਤਰ ਅਨਿਲ, ਸਹਿਕਾਰਤਾ ਮੰਤਰੀ ਡਾ. ਅਰਵਿੰਦ ਸ਼ਰਮਾ ਦੇ ਪ੍ਰਤੀਨਿਧੀ, ਬੜੌਦਾ ਦੇ ਵਿਧਾਇਕ ਇੰਦੁਰਾਜ ਭਾਲੂ, ਵਿਧਾਇਕ ਭਾਰਤ ਭੂਸ਼ਣ ਬੱਤਰਾ, ਸਾਬਕਾ ਵਿਧਾਇਕ ਜਗਬੀਰ, ਹਿਮਾਂਸ਼ੂ ਗਰੋਵਰ, ਸਤੀਸ਼ ਨੰਦਲ, ਐਥਲੀਟ ਮੌਸਮ ਖੱਤਰੀ ਅਤੇ ਕਈ ਹੋਰ ਐਥਲੀਟਾਂ ਨੇ ਸਮਾਰੋਹ ਵਿੱਚ ਸ਼ਿਰਕਤ ਕੀਤੀ। ਸਾਕਸ਼ੀ ਪੂਨੀਆ ਮੂਲ ਰੂਪ ਵਿੱਚ ਸੋਨੀਪਤ ਦੇ ਗੋਹਾਨਾ ਦੇ ਬਿਛਪੜੀ ਦੇ ਰਹਿਣ ਵਾਲੇ ਹਨ। ਪਰਿਵਾਰ ਹੁਣ ਰੋਹਤਕ ਵਿੱਚ ਰਹਿੰਦਾ ਹੈ।
ਸ਼੍ਰੀ ਬਾਲਾਜੀ ਨਗਰ ਵਿੱਚ ਸਾਕਸ਼ੀ ਦੇ ਵਿਆਹ ਦੀਆਂ ਤਿਆਰੀਆਂ ਸਵੇਰ ਤੋਂ ਹੀ ਪੂਰੇ ਜ਼ੋਰਾਂ-ਸ਼ੋਰਾਂ ਨਾਲ ਜਾਰੀ ਸਨ। ਸ਼ਾਮ ਤੱਕ, ਪਰਿਵਾਰਕ ਮੈਂਬਰ ਬਰਾਤ ਅਤੇ ਮਹਿਮਾਨਾਂ ਦੇ ਸਵਾਗਤ ਵਿੱਚ ਰੁੱਝੇ ਰਹੇ। ਮਹਿਮਾਨਾਂ ਲਈ ਭੋਜਨ ਅਤੇ ਹੋਰ ਪ੍ਰਬੰਧਾਂ ਦੇ ਨਾਲ-ਨਾਲ, ਪਰਿਵਾਰਕ ਮੈਂਬਰ ਡੀ.ਜੇ ‘ਤੇ ਖੁਭ ਨੱਚੇ। ਰਾਤ ਨੂੰ ਬਰਾਤੀ ਨੱਚਦੇ-ਗਾਉਂਦੇ ਬੈਂਕੁਇਟ ਹਾਲ ਵਿੱਚ ਪਹੁੰਚੇ। ਲਾੜਾ ਅਤੇ ਲਾੜੀ ਨੇ ਸਟੇਜ ‘ਤੇ ਇੱਕ ਦੂਜੇ ਨੂੰ ਹਾਰ ਪਹਿਨਾਏ। ਮਹਿਮਾਨਾਂ ਨੇ ਜੋੜੇ ਨੂੰ ਆਸ਼ੀਰਵਾਦ ਦਿੱਤਾ। ਇਸ ਤੋਂ ਬਾਅਦ ਫੇਰੇ ਸ਼ੁਰੂ ਹੋਏੇ।
