ਨਾਗੋਆ: ਭਾਰਤ ਦੇ ਲੰਬੀ ਦੂਰੀ ਦੇ ਦੌੜਾਕ ਗੁਲਵੀਰ ਸਿੰਘ ਨੇ ਏਸ਼ੀਆਈ ਖੇਡਾਂ 2026 ਵਿੱਚ ਇ ਤਿਹਾਸ ਰਚ ਦਿੱਤਾ।ਉਨ੍ਹਾਂ ਨੇ ਨਾਗੋਆ ਵਿੱਚ ਪੁਰਸ਼ਾਂ ਦੀ 10,000 ਮੀਟਰ ਦੌੜ ਵਿੱਚ ਚਾਂਦੀ ਦਾ ਤਗ਼ਮਾ ਜਿੱਤਿਆ। ਇਸ ਦੇ ਨਾਲ, ਗੁਲਵੀਰ ਏਸ਼ਿਆਈ ਖੇਡਾਂ ਦੇ ਕਈ ਐਡੀਸ਼ਨਾਂ ਵਿੱਚ 10,000 ਮੀਟਰ ਵਿੱਚ ਤਮਗਾ ਜਿੱਤਣ ਵਾਲੇ ਪਹਿਲੇ ਭਾਰਤੀ ਅਥਲੀਟ ਬਣ ਗਏ ਹਨ। ਉਨ੍ਹਾਂ ਨੇ 2023 ਹਾਂਗਜ਼ੂ ਏਸ਼ੀਅਨ ਖੇਡਾਂ ਵਿੱਚ ਕਾਂਸੀ ਦਾ ਤਗਮਾ ਜਿੱਤਿਆ ਸੀ।
10,000 ਮੀਟਰ ਵਿੱਚ ਗੁਲਵੀਰ ਨੇ ਜਿੱਤਿਆ ਚਾਂਦੀ ਦਾ ਤਗ਼ਮਾ
ਗੁਲਵੀਰ ਸਿੰਘ ਬੀਤੇ ਦਿਨ ਨਗੋਆ ਵਿੱਚ ਹੋਈ ਪੁਰਸ਼ਾਂ ਦੀ 10,000 ਮੀਟਰ ਫਾਈਨਲ ਦੌੜ ਵਿੱਚ 28:29.38 ਦੇ ਸਮੇਂ ਨਾਲ ਦੂਜੇ ਸਥਾਨ ‘ਤੇ ਰਹੇ। ਬਹਿਰੀਨ ਦੇ ਬਿਰਹਾਨੂ ਬਲੇਵ ਨੇ 28:27.51 ਦੇ ਸਮੇਂ ਨਾਲ ਸੋਨ ਤਮਗਾ ਜਿੱਤਿਆ, ਜਦਕਿ ਅਲਬਰਟ ਕਿਪਟੂ ਨੇ 28:34.38 ਦੇ ਸਮੇਂ ਨਾਲ ਕਾਂਸੀ ਦਾ ਤਗਮਾ ਜਿੱਤਿਆ।
ਲਗਾਤਾਰ ਦੂਜੀਆਂ ਏਸ਼ਿਆਈ ਖੇਡਾਂ ਵਿੱਚ ਤਮਗਾ
ਏਸ਼ਿਆਈ ਖੇਡਾਂ ਵਿੱਚ ਗੁਲਵੀਰ ਸਿੰਘ ਦਾ ਇਹ ਲਗਾਤਾਰ ਦੂਜਾ ਤਗ਼ਮਾ ਹੈ। ਉਨ੍ਹਾਂ ਨੇ 2023 ਹਾਂਗਜ਼ੂ ਏਸ਼ੀਅਨ ਖੇਡਾਂ ਵਿੱਚ ਪੁਰਸ਼ਾਂ ਦੇ 10,000 ਮੀਟਰ ਮੁਕਾਬਲੇ ਵਿੱਚ ਕਾਂਸੀ ਦਾ ਤਗਮਾ ਜਿੱਤਿਆ। ਉਨ੍ਹਾਂ ਨੇ ਆਪਣੇ ਪ੍ਰਦਰਸ਼ਨ ਵਿੱਚ ਸੁਧਾਰ ਕੀਤਾ ਅਤੇ ਨਗੋਆ ਵਿੱਚ ਚਾਂਦੀ ਦਾ ਤਗਮਾ ਜਿੱਤਿਆ। ਇਸ ਕਾਰਨਾਮੇ ਨਾਲ ਉਹ ਏਸ਼ਿਆਈ ਖੇਡਾਂ ਦੇ ਵੱਖ-ਵੱਖ ਐਡੀਸ਼ਨਾਂ ਵਿੱਚ ਪੁਰਸ਼ਾਂ ਦੀ 10,000 ਮੀਟਰ ਦੌੜ ਵਿੱਚ ਤਮਗਾ ਜਿੱਤਣ ਵਾਲੇ ਪਹਿਲੇ ਭਾਰਤੀ ਅਥਲੀਟ ਬਣ ਗਏ ਹਨ।
2026 ਵਿੱਚ ਵੀ ਸ਼ਾਨਦਾਰ ਰਿਹਾ ਗੁਲਵੀਰ ਦਾ ਪ੍ਰਦਰਸ਼ਨ
ਗੁਲਵੀਰ ਸਿੰਘ ਦੇ ਲਈ 2026 ਦਾ ਸਾਲ ਵੀ ਸ਼ਾਨਦਾਰ ਰਿਹਾ ਹੈ । ਇਸ ਸਾਲ ਦੇ ਸ਼ੁਰੂ ਵਿੱਚ, ਉਨ੍ਹਾਂ ਨੇ ਗਲਾਸਗੋ ਵਿੱਚ ਰਾਸ਼ਟਰਮੰਡਲ ਖੇਡਾਂ ਵਿੱਚ ਪੁਰਸ਼ਾਂ ਦੇ 10,000 ਮੀਟਰ ਮੁਕਾਬਲੇ ਵਿੱਚ ਚਾਂਦੀ ਦਾ ਤਗਮਾ ਜਿੱਤਿਆ ਸੀ। ਇਸ ਨਾਲ ਉਹ ਰਾਸ਼ਟਰਮੰਡਲ ਖੇਡਾਂ ‘ਚ ਇਸ ਈਵੈਂਟ ‘ਚ ਤਮਗਾ ਜਿੱਤਣ ਵਾਲੇ ਪਹਿਲੇ ਭਾਰਤੀ ਬਣ ਗਏ ਸਨ ।
5,000 ਅਤੇ 10,000 ਮੀਟਰ ਦੀ ਏਸ਼ੀਆਈ ਚੈਂਪੀਅਨ
ਗੁਲਵੀਰ ਸਿੰਘ ਮੌਜੂਦਾ ਏਸ਼ੀਅਨ ਚੈਂਪੀਅਨ ਵੀ ਹਨ। ਉਨ੍ਹਾਂ ਨੇ 2025 ਏਸ਼ੀਅਨ ਅਥਲੈਟਿਕਸ ਚੈਂਪੀਅਨਸ਼ਿਪ ਵਿੱਚ 5,000 ਮੀਟਰ ਅਤੇ 10,000 ਮੀਟਰ ਦੋਵਾਂ ਮੁਕਾਬਲਿਆਂ ਵਿੱਚ ਸੋਨ ਤਗਮੇ ਜਿੱਤੇ ਸਨ। ਵਿਸ਼ਵ ਅਥਲੈਟਿਕਸ ਦੇ ਅਨੁਸਾਰ, ਗੁਲਵੀਰ ਨੇ 10,000 ਮੀਟਰ ਵਿੱਚ ਭਾਰਤ ਦਾ ਰਾਸ਼ਟਰੀ ਰਿਕਾਰਡ ਵੀ ਰੱਖਿਆ ਹੈ। ਉਸਨੇ 2025 ਵਿੱਚ 27:00.22 ਦੀ ਘੜੀ ਨਾਲ ਇਹ ਰਿਕਾਰਡ ਬਣਾਇਆ ਸੀ।
10,000 ਮੀਟਰ ਵਿੱਚ ਭਾਰਤ ਦੇ ਪਿਛਲੇ ਤਮਗਾ ਜੇਤੂ
ਗੁਲਵੀਰ ਸਿੰਘ ਤੋਂ ਪਹਿਲਾਂ ਵੀ ਕਈ ਭਾਰਤੀ ਐਥਲੀਟ ਏਸ਼ੀਅਨ ਖੇਡਾਂ ਵਿੱਚ ਪੁਰਸ਼ਾਂ ਦੀ 10,000 ਮੀਟਰ ਦੌੜ ਵਿੱਚ ਤਗਮੇ ਜਿੱਤ ਚੁੱਕੇ ਹਨ। ਇਨ੍ਹਾਂ ਵਿੱਚ ਗੁਰਬਚਨ ਸਿੰਘ, ਤਰਲੋਕ ਸਿੰਘ, ਸ਼ਿਵਨਾਥ ਸਿੰਘ, ਹਰੀ ਚੰਦ, ਗੁਲਾਬ ਚੰਦ ਅਤੇ ਕਾਰਤਿਕ ਕੁਮਾਰ ਸ਼ਾਮਲ ਹਨ। ਨਾਗੋਆ ‘ਚ ਚਾਂਦੀ ਦਾ ਤਗਮਾ ਜਿੱਤਣ ਤੋਂ ਬਾਅਦ ਹੁਣ ਗੁਲਵੀਰ ਨੇ ਏਸ਼ੀਆਈ ਖੇਡਾਂ ‘ਚ 10,000 ਮੀਟਰ ‘ਚ ਦੋ ਮੈਡਲ ਆਪਣੇ ਨਾਂ ਕਰ ਲਏ ਹਨ। ਇਸ ਤੋਂ ਪਹਿਲਾਂ ਉਨ੍ਹਾਂ ਨੇ ਹਾਂਗਜ਼ੂ ਵਿੱਚ ਕਾਂਸੀ ਦਾ ਤਗ਼ਮਾ ਜਿੱਤਿਆ ਸੀ ਅਤੇ ਹੁਣ ਉਨ੍ਹਾਂ ਨੇ ਚਾਂਦੀ ਦੇ ਨਾਲ ਇ ਤਿਹਾਸ ਰਚ ਦਿੱਤਾ ਹੈ।
