ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਯੂ.ਪੀ. ਇੰਟਰਨੈਸ਼ਨਲ ਟਰੇਡ ਸ਼ੋ ਦਾ ਕੀਤਾ ਉਦਘਾਟਨ

ਉੱਤਰ ਪ੍ਰਦੇਸ਼ : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅੱਜ ਵੀਰਵਾਰ (25 ਸਤੰਬਰ) ਨੂੰ ਉੱਤਰ ਪ੍ਰਦੇਸ਼ ਦੇ ਗ੍ਰੇਟਰ ਨੋਏਡਾ ਪਹੁੰਚੇ ਅਤੇ ਇੱਥੇ ਪੀ.ਐਮ. ਮੋਦੀ ਨੇ ਪੰਜ ਦਿਨਾਂ ਦੇ ਯੂ.ਪੀ. ਇੰਟਰਨੈਸ਼ਨਲ ਟਰੇਡ ਸ਼ੋ (ਯੂ.ਪੀ.ਆਈ.ਟੀ.ਐਸ.) ਦਾ ਉਦਘਾਟਨ ਕੀਤਾ। ਗ੍ਰੇਟਰ ਨੋਏਡਾ ਦੇ ਇੰਡੀਆ ਐਕਸਪੋ ਸੈਂਟਰ ਐਂਡ ਮਾਰਟ ਵਿੱਚ ਯੂ.ਪੀ.ਆਈ.ਟੀ.ਐਸ. ਦਾ ਉਦਘਾਟਨ ਕਰਨ ਤੋਂ ਬਾਅਦ ਉੱਥੇ ਮੌਜੂਦ ਲੋਕਾਂ ਨੂੰ ਪੀ.ਐਮ. ਮੋਦੀ ਨੇ ਸੰਬੋਧਿਤ ਕੀਤਾ। ਪੀ.ਐਮ. ਮੋਦੀ ਗ੍ਰੇਟਰ ਨੋਏਡਾ ਪਹੁੰਚੇ ਤਾਂ ਮੁੱਖ ਮੰਤਰੀ ਯੋਗੀ ਆਦਿੱਤਯਨਾਥ ਨੇ ਉਨ੍ਹਾਂ ਦਾ ਸਵਾਗਤ ਕੀਤਾ।

ਇਸ ਪ੍ਰੋਗਰਾਮ ਵਿੱਚ ਸੀ.ਐਮ. ਯੋਗੀ ਨੇ ਕਿਹਾ ਕਿ ਅਪੇਰਲ ਅਤੇ ਟੈਕਸਟਾਈਲ, ਲੈਦਰ ਉਤਪਾਦ, ਹਸਤਕਲਾ ਅਤੇ ਕਾਰਪੇਟਸ ਵਿੱਚ ਉੱਤਰ ਪ੍ਰਦੇਸ਼ ਦੇਸ਼ ਵਿੱਚ ਸਿਖਰਲੇ ਸਥਾਨ ‘ਤੇ ਹੈ। ਬਦਲਦੇ ਗਲੋਬਲ ਆਰਥਿਕ ਪ੍ਰਵੇਸ਼ ਦੀਆਂ ਚੁਣੌਤੀਆਂ ਦਾ ਸਫਲਤਾਪੂਰਵਕ ਸਾਹਮਣਾ ਕਰਨ ਲਈ, ਆਦਰਯੋਗ ਪ੍ਰਧਾਨ ਮੰਤਰੀ ਜੀ ਨੇ ਜੀਐਸਟੀ ਸੁਧਾਰਾਂ ਰਾਹੀਂ ਇੱਕ ਬਹੁਤ ਹੀ ਮਹੱਤਵਪੂਰਨ ਅਤੇ ਕ੍ਰਾਂਤੀਕਾਰੀ ਕਦਮ ਚੁੱਕਿਆ ਹੈ। ਇਸਦੇ ਲਈ, ਅਸੀਂ ਸਾਰੇ ਉੱਤਰ ਪ੍ਰਦੇਸ਼ ਵਾਸੀ ਉਨ੍ਹਾਂ ਦਾ ਦਿਲੋਂ ਧੰਨਵਾਦ ਕਰਦੇ ਹਾਂ।

ਯੂ.ਪੀ. ਦੇਸ਼ ਦੀ ਸਭ ਤੋਂ ਵੱਡੀ GI ਰਾਜਧਾਨੀ ਬਣ ਗਿਆ – ਮੁੱਖ ਮੰਤਰੀ ਯੋਗੀ

ਸੀ.ਐਮ. ਯੋਗੀ ਨੇ ਕਿਹਾ ਅੱਜ ਮੈਨੂੰ ਦੱਸਦੇ ਹੋਏ ਖੁਸ਼ੀ ਹੈ ਕਿ ਅੱਜ ਉੱਤਰ ਪ੍ਰਦੇਸ਼ ਵਿੱਚ 77 ਜੀਆਈ ਉਤਪਾਦਾਂ ਦੇ ਨਾਲ ਹੀ ਉੱਤਰ ਪ੍ਰਦੇਸ਼ ਦੇਸ਼ ਦਾ ਸਭ ਤੋਂ ਉੱਚਾ ਜੀਆਈ ਕੈਪਿਟਲ ਬਣ ਗਿਆ ਹੈ। ਇਸ ਸਾਲ ਅਸੀਂ 75 ਨਵੇਂ ਉਤਪਾਦਾਂ ਨੂੰ ਜੀਆਈ ਟੈਗ ਪ੍ਰਾਪਤ ਕਰਨ ਲਈ ਅਰਜ਼ੀ ਦੇਣ ਜਾ ਰਹੇ ਹਾਂ। ਇਸ ਤਰ੍ਹਾਂ ਪ੍ਰਦੇਸ਼ ਆਪਣੀ ਹਜ਼ਾਰਾਂ ਸਾਲਾਂ ਦੀ ਉਸ ਵਿਰਾਸਤ ਨੂੰ ਜੋ ਇੱਕ ਵਿਰਾਸਤ ਦੇ ਰੂਪ ਵਿੱਚ ਉੱਤਰ ਪ੍ਰਦੇਸ਼ ਵਿੱਚ ਮੌਜੂਦ ਸੀ, ਉਸਨੂੰ ਸਜਾਉਣ, ਸੰਵਾਰਨ ਅਤੇ ਉਸਦਾ ਸੰਰਖਣ ਕਰਨ ਦਾ ਕੰਮ ਅਸੀਂ ਇਸਦੇ ਮਾਧਿਅਮ ਨਾਲ ਅੱਗੇ ਕਰਨ ਜਾ ਰਹੇ ਹਾਂ। ਇੱਥੇ ਜੋ ਸਾਡੇ ਸਟਾਲ ਲੱਗੇ ਹੋਏ ਹਨ, ਇਨ੍ਹਾਂ ਵਿੱਚ 60 ਤੋਂ ਵੱਧ ਜੀਆਈ ਟੈਗ ਸਟਾਲ ਵੀ ਇਸ ਪੂਰੇ ਪ੍ਰੋਗਰਾਮ ਦੌਰਾਨ ਅਸੀਂ ਸਭ ਨੂੰ ਇੱਥੇ ਦੇਖਣ ਨੂੰ ਮਿਲਣਗੇ।

ਸੀ.ਐਮ. ਯੋਗੀ ਨੇ ਕਿਹਾ ਉਪਭੋਗਤਾ ਤੇਜ਼ੀ ਨਾਲ ਬਾਜ਼ਾਰ ਵੱਲ ਰੁਖ ਕੀਤਾ ਹੈ। ਚਾਹੇ ਗਰੀਬ ਹੋਵੇ, ਚਾਹੇ ਕਿਸਾਨ, ਚਾਹੇ ਮਜ਼ਦੂਰ ਜਾਂ ਵਪਾਰੀ, ਹਰ ਇੱਕ ਤਬਕੇ ਨੂੰ ਜਿਵੇਂ ਇੱਕ ਨਵਾਂ ਜੀਵਨ ਮਿਲਿਆ ਹੈ। ਇਸ ਨਾਲ ਵੱਡੇ ਪੱਧਰ ‘ਤੇ ਰੋਜ਼ਗਾਰ ਦੇ ਸਿਰਜਨ ਦੇ ਨਾਲ-ਨਾਲ ਉੱਤਰ ਪ੍ਰਦੇਸ਼ ਵਰਗੇ ਰਾਜ ਦੇ ਓਡੀਓਪੀ ਸੈਕਟਰ ਦੇ ਉਦਯੋਗਪਤੀਆਂ ਨੂੰ ਇੱਕ ਤਰ੍ਹਾਂ ਦਾ ਇਹ ਨਵਾਂ ਜੀਵਨ ਮਿਲਿਆ ਹੈ।