ਉੱਤਰਾਖੰਡ : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅੱਜ , 14 ਅਪ੍ਰੈਲ ਨੂੰ ਦਿੱਲੀ-ਦੇਹਰਾਦੂਨ ਐਕਸਪ੍ਰੈਸਵੇਅ ਦਾ ਉਦਘਾਟਨ ਕਰ ਦਿੱਤਾ ਹੈ। ਇਸ ਐਕਸਪ੍ਰੈਸਵੇਅ ਨੂੰ ਅਧਿਕਾਰਤ ਤੌਰ ‘ਤੇ ਦਿੱਲੀ-ਦੇਹਰਾਦੂਨ ਆਰਥਿਕ ਕੋਰੀਡੋਰ ਵਜੋਂ ਜਾਣਿਆ ਜਾਵੇਗਾ। ਇਹ ਦੋਵਾਂ ਸ਼ਹਿਰਾਂ ਦੇ ਵਿਚਕਾਰ ਯਾਤਰਾ ਦਾ ਸਮਾਂ ਲਗਭਗ ਅੱਧਾ ਹੋ ਜਾਵੇਗਾ। ਭਾਵ, ਨਵੇਂ ਐਕਸਪ੍ਰੈਸਵੇਅ ਰਾਹੀਂ ਦਿੱਲੀ ਅਤੇ ਦੇਹਰਾਦੂਨ ਦੇ ਵਿਚਕਾਰ ਯਾਤਰਾ ਵਿੱਚ ਹੁਣ ਸਿਰਫ਼ 2.5 ਘੰਟੇ ਲੱਗੇਗਾ, ਜਦੋਂ ਕਿ ਪਹਿਲਾਂ ਇਸ ਵਿੱਚ 6 ਘੰਟੇ ਲੱਗਦੇ ਸੀ।
213 ਕਿਲੋਮੀਟਰ ਲੰਬਾ, ਛੇ-ਲੇਨ, ਪਹੁੰਚ-ਨਿਯੰਤਰਿਤ ਦਿੱਲੀ-ਦੇਹਰਾਦੂਨ ਐਕਸਪ੍ਰੈਸਵੇਅ 12,000 ਕਰੋੜ ਤੋਂ ਵੱਧ ਦੀ ਲਾਗਤ ਨਾਲ ਬਣਾਇਆ ਗਿਆ ਹੈ। ਇਹ ਕੋਰੀਡੋਰ ਦਿੱਲੀ, ਉੱਤਰ ਪ੍ਰਦੇਸ਼ ਅਤੇ ਉੱਤਰਾਖੰਡ ਵਿੱਚੋਂ ਹੋ ਕੇ ਲੰਘੇਗਾ ਹੈ।
ਦੱਸ ਦੇਈਏ ਕਿ ਐਕਸਪ੍ਰੈਸਵੇਅ ਦੇ ਉਦਘਾਟਨ ਤੋਂ ਪਹਿਲਾਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਉੱਤਰਾਖੰਡ ਦੇ ਦੇਹਰਾਦੂਨ ਵਿੱਚ ਇੱਕ ਰੋਡ ਸ਼ੋਅ ਕੀਤਾ ਸੀ।
ਦਿੱਲੀ-ਦੇਹਰਾਦੂਨ ਐਕਸਪ੍ਰੈਸਵੇਅ ਦੀਆਂ ਵਿਸ਼ੇਸ਼ਤਾਵਾਂ
ਯਾਤਰਾ ਸਮਾਂ ਕੰਮ ਕਰਨ ਤੋਂ ਇਲਾਵਾ, ਦਿੱਲੀ-ਦੇਹਰਾਦੂਨ ਆਰਥਿਕ ਕੋਰੀਡੋਰ ਖੇਤਰ ਦੇ ਆਰਥਿਕ ਵਿਕਾਸ ਨੂੰ ਵੀ ਵਧਾਏਗਾ। ਇਹ ਐਕਸਪ੍ਰੈਸਵੇਅ ਪ੍ਰਮੁੱਖ ਸੈਰ-ਸਪਾਟਾ ਸਥਾਨਾਂ ਅਤੇ ਵਪਾਰਕ ਕੇਂਦਰਾਂ ਨੂੰ ਬਿਹਤਰ ਢੰਗ ਨਾਲ ਜੋੜੇਗਾ, ਜਿਸ ਨਾਲ ਆਉਣ-ਜਾਣ ਨੂੰ ਆਸਾਨ ਬਣਾਇਆ ਜਾਵੇਗਾ।
ਐਕਸਪ੍ਰੈਸਵੇਅ ਤੇ ਮੌਜੂਦ ਕੁਝ ਪ੍ਰਮੁੱਖ ਸੁਵਿਧਾਵਾਂ ’ਤੇ ਇੱਕ ਨਜ਼ਰ:
- ਦਿੱਲੀ-ਦੇਹਰਾਦੂਨ ਐਕਸਪ੍ਰੈਸਵੇਅ 213 ਕਿਲੋਮੀਟਰ ਲੰਬਾ ਹੈ ਅਤੇ ਛੇ ਲੇਨ ਦਾ ਹੈ।
- ਇਸ ਦਾ ਨਿਰਮਾਣ 12,000 ਕਰੋੜ ਤੋਂ ਵੱਧ ਦੀ ਲਾਗਤ ਨਾਲ ਕੀਤਾ ਗਿਆ ਹੈ।
- ਇਹ ਐਕਸਪ੍ਰੈਸਵੇਅ ਦਿੱਲੀ, ਉੱਤਰ ਪ੍ਰਦੇਸ਼ ਅਤੇ ਉੱਤਰਾਖੰਡ ਵਿੱਚੋਂ ਲੰਘਦਾ ਹੈ ਅਤੇ ਦਿੱਲੀ ਅਤੇ ਦੇਹਰਾਦੂਨ ਵਿਚਕਾਰ ਯਾਤਰਾ ਦੇ ਸਮੇਂ ਨੂੰ ਛੇ ਘੰਟਿਆਂ ਤੋਂ ਘਟਾ ਕੇ ਲਗਭਗ 2.5 ਘੰਟੇ ਕਰ ਦੇਵੇਗਾ।
- ਇਸ ਪ੍ਰੋਜੈਕਟ ਵਿੱਚ 10 ਇੰਟਰਚੇਂਜ, ਤਿੰਨ ਰੇਲਵੇ ਓਵਰਬ੍ਰਿਜ (ROB), ਚਾਰ ਵੱਡੇ ਪੁਲ, ਅਤੇ 12 ਸੜਕ ਕਿਨਾਰੇ ਸਹੂਲਤਾਂ (ਜਿਵੇਂ ਕਿ ਆਰਾਮ ਅਤੇ ਖਾਣ-ਪੀਣ ਦੇ ਖੇਤਰ) ਸ਼ਾਮਲ ਹਨ ਤਾਂ ਜੋ ਬਿਨਾਂ ਕਿਸੇ ਰੁਕਾਵਟ ਦੇ ਤੇਜ਼ ਅਤੇ ਆਰਾਮਦਾਇਕ ਯਾਤਰਾ ਨੂੰ ਯਕੀਨੀ ਬਣਾਇਆ ਜਾ ਸਕੇ।
- ਦਿੱਲੀ-ਦੇਹਰਾਦੂਨ ਐਕਸਪ੍ਰੈਸਵੇਅ ਨੂੰ ਇੱਕ ਐਡਵਾਂਸਡ ਟ੍ਰੈਫਿਕ ਮੈਨੇਜਮੈਂਟ ਸਿਸਟਮ (ATMS) ਨਾਲ ਲੈਸ ਕੀਤਾ ਗਿਆ ਹੈ, ਜਿਸ ਨਾਲ ਯਾਤਰੀਆਂ ਨੂੰ ਜ਼ਿਆਦਾ ਸੁਰੱਖਿਆ ਅਤੇ ਆਸਾਨ ਸਫਰ ਮਿਲੇਗਾ ਹੈ।
- ਇਸ ਖੇਤਰ ਦੇ ਅਮੀਰ ਜੰਗਲੀ ਜੀਵਣ ਅਤੇ ਜੈਵ ਵਿਭਿੰਨਤਾ ਨੂੰ ਧਿਆਨ ਵਿੱਚ ਰੱਖਦੇ ਹੋਏ, ਦਿੱਲੀ-ਦੇਹਰਾਦੂਨ ਕੋਰੀਡੋਰ ਨੂੰ ਮਨੁੱਖੀ-ਜਾਨਵਰ ਟਕਰਾਅ ਨੂੰ ਮਹੱਤਵਪੂਰਨ ਤੌਰ ‘ਤੇ ਘਟਾਉਣ ਲਈ ਤਿਆਰ ਕੀਤਾ ਗਿਆ ਹੈ।
- ਜੰਗਲੀ ਜਾਨਵਰਾਂ ਦੀ ਨਿਰਵਿਘਨ ਆਵਾਜਾਈ ਨੂੰ ਯਕੀਨੀ ਬਣਾਉਣ ਲਈ, ਐਕਸਪ੍ਰੈਸਵੇਅ ਵਿੱਚ ਕਈ ਵਿਸ਼ੇਸ਼ ਜੰਗਲੀ ਜੀਵ ਸੰਭਾਲ ਵਿਸ਼ੇਸ਼ਤਾਵਾਂ ਸ਼ਾਮਲ ਹਨ, ਜਿਸ ਵਿੱਚ 12 ਕਿਲੋਮੀਟਰ ਲੰਬਾ ਜੰਗਲੀ ਜੀਵ ਐਲੀਵੇਟਿਡ ਕੋਰੀਡੋਰ ਸ਼ਾਮਲ ਹੈ, ਜੋ ਏਸ਼ੀਆ ਦੇ ਸਭ ਤੋਂ ਲੰਬੇ ਕੋਰੀਡੋਰਾਂ ਵਿੱਚੋਂ ਇੱਕ ਹੈ।
- ਕੋਰੀਡੋਰ ਵਿੱਚ ਅੱਠ ਜਾਨਵਰਾਂ ਦੇ ਰਸਤੇ, ਦੋ 200 ਮੀਟਰ ਲੰਬੇ ਹਾਥੀ ਅੰਡਰਪਾਸ, ਅਤੇ ਮਾਂ ਦਾਤ ਕਾਲੀ ਮੰਦਰ ਦੇ ਨੇੜੇ ਇੱਕ 370 ਮੀਟਰ ਲੰਬੀ ਸੁਰੰਗ ਸ਼ਾਮਲ ਹੈ।
