ਦਿਲੀ ਦੇ ਇਨ੍ਹਾਂ ਇਲਾਕਿਆਂ ’ਚ ਅੱਜ ਬਿਜਲੀ ਰਹੇਗੀ ਬੰਦ

ਨਵੀਂ ਦਿੱਲੀ : ਦੇਸ਼ ਦੀ ਰਾਸ਼ਟਰੀ ਰਾਜਧਾਨੀ ਦਿੱਲੀ ਦੇ ਕਈ ਇਲਾਕਿਆਂ ਵਿੱਚ ਅੱਜ (12 ਜੁਲਾਈ) ਨੂੰ ਬਿਜਲੀ ਸਪਲਾਈ ਪ੍ਰਭਾਵਿਤ ਰਹਿ ਸਕਦੀ ਹੈ। ਇਹ ਕਟੌਤੀਆਂ BSES ਰਾਜਧਾਨੀ ਪਾਵਰ ਲਿਮਟਿਡ (BRPL), BSES ਯਮੁਨਾ ਪਾਵਰ ਲਿਮਟਿਡ (BYPL), ਅਤੇ ਟਾਟਾ ਪਾਵਰ ਦਿੱਲੀ ਡਿਸਟ੍ਰੀਬਿਊਸ਼ਨ ਲਿਮਟਿਡ (TPDDL) ਦੁਆਰਾ ਰੱਖ-ਰਖਾਅ ਦੇ ਕੰਮ ਕਾਰਨ ਲਾਗੂ ਕੀਤੀਆਂ ਜਾ ਰਹੀਆਂ ਹਨ। ਬਿਜਲੀ ਵੰਡ ਕੰਪਨੀਆਂ ਦੇ ਅਨੁਸਾਰ, ਰੱਖ-ਰਖਾਅ ਅਤੇ ਬੁਨਿਆਦੀ ਢਾਂਚੇ ਨਾਲ ਸਬੰਧਤ ਕੰਮ ਲਈ ਵੱਖ-ਵੱਖ ਖੇਤਰਾਂ ਵਿੱਚ ਬਿਜਲੀ ਸਪਲਾਈ ਅਸਥਾਈ ਤੌਰ ‘ਤੇ ਬੰਦ ਰਹੇਗੀ। ਲੋਕਾਂ ਨੂੰ ਸਲਾਹ ਦਿੱਤੀ ਜਾਂਦੀ ਹੈ ਕਿ ਉਹ ਆਪਣੇ ਦਿਨ ਦੀ ਯੋਜਨਾ ਉਸ ਅਨੁਸਾਰ ਬਣਾਉਣ ਅਤੇ ਬਿਜਲੀ ਕਟੌਤੀ ਦੇ ਦੌਰਾਨ ਜ਼ਰੂਰੀ ਇਤਜ਼ਾਮ ਕਰ ਲੈਣ।

ਇਹ ਧਿਆਨ ਦੇਣ ਯੋਗ ਹੈ ਕਿ ਦਿੱਲੀ ਵਿੱਚ ਤੇਜ਼ ਗਰਮੀ ਕਾਰਨ, ਬਿਜਲੀ ਦੀ ਖਪਤ ਰਿਕਾਰਡ ਪੱਧਰ ‘ਤੇ ਪਹੁੰਚ ਗਈ ਹੈ। ਅਜਿਹੇ ਵਿੱਚ, ਸਿਸਟਮ ਨੂੰ ਸਥਿਰ ਰੱਖਣ ਅਤੇ ਅੱਗੇ ਜਾ ਕੇ ਨਿਰਵਿਘਨ ਸਪਲਾਈ ਨੂੰ ਯਕੀਨੀ ਬਣਾਉਣ ਲਈ ਦੇ ਇਹ ਰੱਖ-ਰਖਾਅ ਜ਼ਰੂਰੀ ਮੰਨਿਆ ਜਾ ਰਿਹਾ ਹੈ।

ਨਿਰਧਾਰਤ ਬਿਜਲੀ ਕਟੌਤੀਆਂ ਇਸ ਪ੍ਰਕਾਰ ਹਨ:

ਜਨਕਪੁਰੀ ਡਿਵੀਜ਼ਨ: ਸਵੇਰੇ 11:00 ਵਜੇ ਤੋਂ ਦੁਪਹਿਰ 12:30 ਵਜੇ ਤੱਕ ਪਾਕੇਟ D-1A, ਜਨਕਪੁਰੀ ਵਿੱਚ ਬਿਜਲੀ ਸਪਲਾਈ ਪ੍ਰਭਾਵਿਤ ਰਹਿ ਸਕਦੀ ਹੈ।

ਨੰਗਲੋਈ ਡਿਵੀਜ਼ਨ: ਸਵੇਰੇ 11:00 ਵਜੇ ਤੋਂ ਸ਼ਾਮ 5:00 ਵਜੇ ਤੱਕ ਉਦਯੋਗ ਨਗਰ, ਮੰਗੋਲਪੁਰੀ ਵਿੱਚ ਬਿਜਲੀ ਸਪਲਾਈ ਬੰਦ ਰਹੇਗੀ।

ਮੁੰਡਕਾ ਡਿਵੀਜ਼ਨ: ਸਵੇਰੇ 11:07 ਵਜੇ ਤੋਂ ਦੁਪਹਿਰ 12:37 ਵਜੇ ਤੱਕ ਵੈਸਟ ਕੈਬਿਨ ਬਲਾਕ, ਮੁੰਡਕਾ ਵਿੱਚ ਬਿਜਲੀ ਬੰਦ ਹੋ ਸਕਦੀ ਹੈ।

ਆਊਟੇਜ ਸਟੇਟਸ ਦੀ ਜਾਂਚ ਕਿਵੇਂ ਕਰੀਏ

ਗਾਹਕ ਬਿਜਲੀ ਵੰਡ ਕੰਪਨੀਆਂ ਦੇ ਅਧਿਕਾਰਤ ਡਿਜੀਟਲ ਪਲੇਟਫਾਰਮਾਂ ਰਾਹੀਂ ਬਿਜਲੀ ਸਪਲਾਈ ਨਾਲ ਸਬੰਧਤ ਅਪਡੇਟਸ ਦੀ ਜਾਂਚ ਕਰ ਸਕਦੇ ਹਨ।

BRPL ਦੇ ਗਾਹਕ 9999919123 ‘ਤੇ ਕੰਪਨੀ ਦੀ WhatsApp ਸੇਵਾ ਦੀ ਵਰਤੋਂ ਕਰ ਸਕਦੇ ਹਨ, ਜਦੋਂ ਕਿ BYPL ਗਾਹਕ 8745999808 ‘ਤੇ WhatsApp ਰਾਹੀਂ ਬਿਜਲੀ ਬੰਦ ਹੋਣ ਬਾਰੇ ਜਾਣਕਾਰੀ ਪ੍ਰਾਪਤ ਕਰ ਸਕਦੇ ਹਨ। TPDDL ਗਾਹਕ ਕੰਪਨੀ ਦੇ ਮੋਬਾਈਲ ਐਪ ਅਤੇ ਗਾਹਕ ਸਹਾਇਤਾ ਚੈਨਲਾਂ ਰਾਹੀਂ ਸੇਵਾ ਅਪਡੇਟਸ ਦੀ ਜਾਂਚ ਕਰ ਸਕਦੇ ਹਨ।

ਲੋਕਾਂ ਦੇ ਲਈ ਐਡਵਾਇਜ਼ਰੀ ਜਾਰੀ

ਅਧਿਕਾਰੀਆਂ ਨੇ ਲੋਕਾਂ ਨੂੰ ਸਲਾਹ ਦਿੱਤੀ ਹੈ ਕਿ ਉਹ ਬਿਜਲੀ ਕਟੌਤੀ ਦੇ ਤੈਅ ਸਮੇਂ ਤੋਂ ਪਹਿਲਾਂ ਜ਼ਰੂਰੀ ਤਿਆਰੀਆਂ ਕਰ ਲਵੋਂ। ਖਪਤਕਾਰਾਂ ਨੂੰ ਸਲਾਹ ਦਿੱਤੀ ਜਾਂਦੀ ਹੈ ਕਿ ਉਹ ਆਪਣੇ ਮੋਬਾਈਲ ਫ਼ੋਨ, ਪਾਵਰ ਬੈਂਕ ਅਤੇ ਜ਼ਰੂਰੀ ਡਾਕਟਰੀ ਉਪਕਰਣ ਪਹਿਲਾਂ ਤੋਂ ਚਾਰਜ ਕਰ ਲੈਣ। ਇਸ ਤੋਂ ਇਲਾਵਾ, ਉੱਚੀਆਂ ਇਮਾਰਤਾਂ ਦੇ ਨਿਵਾਸੀਆਂ ਨੂੰ ਬਿਜਲੀ ਬੰਦ ਹੋਣ ਦੌਰਾਨ ਲਿਫਟਾਂ ਦੀ ਵਰਤੋਂ ਕਰਨ ਤੋਂ ਬਚਣਾ ਚਾਹੀਦਾ ਹੈ।