ਰਾਜਸਥਾਨ : ਰਾਜਸਥਾਨ ਦੇ ਅਜਮੇਰ, ਸੀਕਰ, ਜੈਸਲਮੇਰ ਅਤੇ ਹਨੂੰਮਾਨਗੜ੍ਹ ਸਮੇਤ ਕਈ ਸ਼ਹਿਰ ਵਿੱਚ ਅਲਰਟ ਹੈ। ਪਾਸਪੋਰਟ ਸੇਵਾ ਕੇਂਦਰਾਂ ਅਤੇ ਮੁੱਖ ਡਾਕਘਰਾਂ ਨੂੰ ਬੰਬ ਨਾਲ ਉਡਾਉਣ ਦੀ ਧਮਕੀ ਮਿਲਣ ਨਾਲ ਹੜਕੰਪ ਮਚ ਗਿਆ ਹੈ। ਜੈਪੁਰ ਸਥਿਤ ਰੀਜਨਲ ਪਾਸਪੋਰਟ ਆਫਿਸ ਨੂੰ ਈਮੇਲ ਰਾਹੀਂ ਭੇਜੀ ਗਈ ਧਮਕੀ ਵਿੱਚ ਅਜਮੇਰ ਦੇ ਜੀਪੀਓ ਸਥਿਤ ਪਾਸਪੋਰਟ ਕੇਂਦਰ ਨੂੰ ਨਿਸ਼ਾਨਾ ਬਣਾਉਣ ਦੀ ਗੱਲ ਕਹੀ ਗਈ। ਧਮਕੀ ਭਰੇ ਈਮੇਲ ਵਿੱਚ ਦਾਅਵਾ ਕੀਤਾ ਗਿਆ। ਅਜਮੇਰ, ਸੀਕਰ, ਜੈਸਲਮੇਰ ਅਤੇ ਹਨੂੰਮਾਨਗੜ੍ਹ ਵਿੱਚ ਪਾਸਪੋਰਟ ਆਫਿਸ ਅਤੇ ਮੁੱਖ ਡਾਕਘਰ ਨੂੰ ਤੁਰੰਤ ਖਾਲੀ ਕਰਵਾ ਲਿਆ ਗਿਆ। ਸਥਾਨਕ ਪੁਲਿਸ, ਬੰਬ ਨਿਰੋਧਕ ਦਸਤਾ, ਡੌਗ ਸਕੁਐਡ ਅਤੇ ਸੁਰੱਖਿਆ ਏਜੰਸੀਆਂ ਮੌਕੇ ’ਤੇ ਪਹੁੰਚ ਗਏ। ਪੂਰੇ ਕੰਪਲੈਕਸ ਨੂੰ ਸੁਰੱਖਿਆ ਘੇਰ ਵਿੱਚ ਲੈ ਲਿਆ ਗਿਆ ਅਤੇ ਸ਼ੱਕੀ ਵਸਤੂਆਂ ਦੀ ਪੂਰੀ ਤਲਾਸ਼ੀ ਸ਼ੁਰੂ ਕਰ ਦਿੱਤੀ ਗਈ।
“ਜੇਕਰ ਡੀਐਮਕੇ ਚੋਣ ਜਿੱਤਦਾ ਹੈ…”
ਬੰਗਲੁਰੂ ਮੈਡੀਕਲ ਕਾਲਜ ਵਿੱਚ ਡਾ. ਅਬਦੁਲ ਮੁਹੰਮਦ ਭਾਈ ਦਾ ਅਪਮਾਨ ਕੀਤਾ ਗਿਆ, ਜਿਸਨੂੰ ਡੀਐਮਕੇ ਅਤੇ ਐਮਕੇ ਸਟਾਲਿਨ ਸਮਰਥਕਾਂ ਦਾ ਅਪਮਾਨ ਦੱਸਿਆ ਗਿਆ। ਇਸ ਦੇ ਵਿਰੋਧ ਵਿੱਚ, ਦੁਪਹਿਰ 2 ਵਜੇ ਇਸਲਾਮੀ ਨਮਾਜ਼ ਦੌਰਾਨ ਪਾਸਪੋਰਟ ਡਾਕਘਰ ਦੇ ਕੰਪਲੈਕਸ ਵਿੱਚ 10 ਜ਼ਹਿਰੀਲੇ ਬੰਬ ਲਗਾਏ ਗਏ ਹਨ। ਈਮੇਲ ਵਿੱਚ ਅੱਗੇ ਕਿਹਾ ਗਿਆ ਹੈ ਕਿ ਜੇਕਰ ਡੀਐਮਕੇ 2026 ਦੀਆਂ ਚੋਣਾਂ ਜਿੱਤਦਾ ਹੈ, ਤਾਂ ਪਰਿਵਾਰ ਦੇ ਇੱਕ ਮੈਂਬਰ ਦੀ ਜਾਨ ਜਾਵੇਗੀ। ਧਮਕੀ ਮਿਲਣ ‘ਤੇ, ਪ੍ਰਸ਼ਾਸਨ ਅਤੇ ਪੁਲਿਸ ਵਿੱਚ ਹੜਕੰਪ ਮਚ ਗਿਆ।
ਆਲੇ-ਦੁਆਲੇ ਆਵਾਜਾਈ ‘ਤੇ ਪਾਬੰਦੀ
ਸੀਕਰ ਵਿੱਚ, ਉਦਯੋਗ ਨਗਰ ਪੁਲਿਸ ਸਟੇਸ਼ਨ ਨੇ ਪਾਸਪੋਰਟ ਦਫ਼ਤਰ ਨੂੰ ਖਾਲੀ ਕਰਾ ਕੇ ਜਾਂਚ ਸ਼ੁਰੂ ਕਰ ਦਿੱਤੀ। ਡੌਗ ਸਕੁਐਡ ਅਤੇ ਹੋਰ ਟੀਮਾਂ ਨੇ ਪੂਰੀ ਤਰ੍ਹਾਂ ਤਲਾਸ਼ੀ ਮੁਹਿੰਮ ਚਲਾਈ। ਜੈਸਲਮੇਰ ਦੇ ਮੁੱਖ ਡਾਕਘਰ ਅਤੇ ਹਨੂੰਮਾਨਗੜ੍ਹ ਜੰਕਸ਼ਨ ‘ਤੇ ਪਾਸਪੋਰਟ ਦਫ਼ਤਰ ਨੂੰ ਵੀ ਖਾਲੀ ਕਰਵਾ ਲਿਆ ਗਿਆ। ਆਸ ਪਾਸ ਦੇ ਇਲਾਕੇ ਵਿੱਚ ਆਵਾਜਾਈ ‘ਤੇ ਪਾਬੰਦੀ ਲਗਾ ਦਿੱਤੀ ਗਈ ਸੀ, ਅਤੇ ਵਾਧੂ ਬਲ ਤਾਇਨਾਤ ਕੀਤੇ ਗਏ ਸਨ।
ਖੁਫੀਆ ਵਿਭਾਗ ਦੀ ਟੀਮ ਜੁਟੀ
ਖੁਫੀਆ ਵਿਭਾਗ ਵੀ ਜਾਂਚ ਵਿੱਚ ਜੁਟੀ ਹੋਈ ਹੈ। ਪੁਲਿਸ ਨੇ ਜਨਤਾ ਨੂੰ ਅਪੀਲ ਕੀਤੀ ਹੈ ਕਿ ਉਹ ਕਿਸੇ ਵੀ ਤਰ੍ਹਾਂ ਦੀਆਂ ਅਫਵਾਹਾਂ ਨੂੰ ਨਜ਼ਰਅੰਦਾਜ਼ ਕਰਨ ਅਤੇ ਕਿਸੇ ਵੀ ਸ਼ੱਕੀ ਗਤੀਵਿਧੀ ਦਿਖਾਉਣ ’ਤੇ ਤੁਰੰਤ ਸੂਚਨਾ ਦਿੱਤੀ। ਫਿਲਹਾਲ ਸਥਿਤੀ ਇਸ ਸਮੇਂ ਕਾਬੂ ਹੇਠ ਹੈ, ਪਰ ਸੁਰੱਖਿਆ ਸਖ਼ਤ ਕਰ ਦਿੱਤੀ ਗਈ ਹੈ। ਈਮੇਲ ਭੇਜਣ ਵਾਲੇ ਦੀ ਪਛਾਣ ਕਰਨ ਦੀਆਂ ਕੋਸ਼ਿਸ਼ਾਂ ਜਾਰੀ ਹੈ।
