ਜਲੰਧਰ: ਜਲੰਧਰ ਦੇ ਮਸ਼ਹੂਰ ਪੰਜਾਬੀ ਅਤੇ ਬਾਲੀਵੁੱਡ ਗਾਇਕ ਮਾਸਟਰ ਸਲੀਮ ਇੱਕ ਵਾਰ ਫਿਰ ਸੋਸ਼ਲ ਮੀਡੀਆ ‘ਤੇ ਚਰਚਾ ਵਿੱਚ ਹਨ । ਇਸ ਵਾਰ ਕਾਰਨ ਉਨ੍ਹਾਂ ਦਾ ਕੋਈ ਨਵਾ ਗੀਤ ਨਹੀਂ , ਸਗੋਂ ਇੱਕ ਵਿਲੱਖਣ ਵੀਡੀਓ ਹੈ , ਜਿਸ ਵਿੱਚ ਉਨ੍ਹਾਂ ਨੇ ਆਪਣੇ ਸੁਪਰਹਿੱਟ ਟਰੈਕ “ਤੂੰ ਬਦਲੀ ਸੌ ਬਾਰ , ਅਸੀਂ ਇੱਕ ਬਾਰ ਨੀ ਬਦਲੇ ” ਨੂੰ ਬਿਲਕੁਲ ਵੱਖਰੇ ਅੰਦਾਜ਼ ਵਿੱਚ ਪੇਸ਼ ਕੀਤਾ ਹੈ ।
ਸੋਸ਼ਲ ਮੀਡੀਆ ‘ਤੇ ਸਾਹਮਣੇ ਆਈ ਇਸ ਵੀਡੀਓ ਵਿੱਚ, ਮਾਸਟਰ ਸਲੀਮ , ਜਲੰਧਰ ਦੇ ਮਿਮਿਕਰੀ ਕਲਾਕਾਰ ਦੀਪਕ ਟਿੱਲੀ ਦੇ ਨਾਲ ਦਿਖਾਈ ਦੇ ਰਹੇ ਹਨ। ਖਾਸ ਗੱਲ ਇਹ ਹੈ ਕਿ ਗੀਤ ਦੇ ਦੌਰਾਨ ਦੀਪਕ ਟਿੱਲੀ ਉਸੇ ਗੀਤ ਨੂੰ ਕੁੱਤੇ ਦੇ ਭੌਕਣ ਦੀ ਆਵਾਜ਼ ਵਿੱਚ ਮਿਮਿਕਰੀ ਦੇ ਜ਼ਰੀਏ ਪੇਸ਼ ਕਰਦੇ ਦਿਖਾਈ ਦੇ ਰਹੇ ਹਨ , ਜਦੋਂ ਕਿ ਮਾਸਟਰ ਸਲੀਮ ਮੁੱਖ ਗਾਇਕੀ ਗਾਉਂਦੇ ਦਿਖਾਈ ਦੇ ਰਹੇ ਹਨ।
ਹਾਲਾਂਕਿ ਇਸ ਵੀਡੀਓ ਨੂੰ ਮਾਸਟਰ ਸਲੀਮ ਦੇ ਕਿਸੇ ਵੀ ਅਧਿਕਾਰਤ ਸੋਸ਼ਲ ਮੀਡੀਆ ਅਕਾਊਂਟ ਤੋਂ ਸਾਂਝਾ ਨਹੀਂ ਕੀਤਾ ਗਿਆ ਹੈ, ਫਿਰ ਵੀ ਇਹ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਵੀਡੀਓ ਨੂੰ ਲੈ ਕੇ ਸੋਸ਼ਲ ਮੀਡੀਆ ‘ਤੇ ਮਿਲੀ-ਜੁਲੀ ਪ੍ਰਤੀਕਿਰਿਆ ਦੇਖਣ ਨੂੰ ਮਿਲ ਰਹੀਆਂ ਹਨ । ਕੁਝ ਉਪਭੋਗਤਾ ਇਸ ਨੂੰ ਮਜ਼ੇਦਾਰ ਪ੍ਰਯੋਗ ਦੱਸ ਰਹੇ ਹਨ , ਕਈ ਹੋਰ ਤਿੱਖੀ ਆਲੋਚਨਾ ਕਰ ਰਹੇ ਹਨ। ਕੁਝ ਉਪਭੋਗਤਾਵਾਂ ਨੇ ਤਾਂ ਇੱਥੋਂ ਤੱਕ ਲਿਖ ਦਿੱਤਾ ਕਿ “ਮਾਸਟਰ ਸਲੀਮ ਤੋਂ ਇਹੀ ਉਮੀਦ ਸੀ “।”
