ਮੋਹਾਲੀ : ਪੰਜਾਬ ਸਕੂਲ ਸਿੱਖਿਆ ਬੋਰਡ ਨੇ ਅਗਸਤ 2025 ਦੀਆਂ ਪੂਰਕ ਪ੍ਰੀਖਿਆਵਾਂ (ਓਪਨ ਸਕੂਲ ਸਮੇਤ), ਓਪਨ ਸਕੂਲ ਬਲਾਕ 2 ਅਤੇ 10ਵੀਂ ਅਤੇ 12ਵੀਂ ਜਮਾਤ ਦੇ ਵਾਧੂ ਵਿਸ਼ਿਆਂ ਦੇ ਨਤੀਜੇ 6 ਅਕਤੂਬਰ, 2025 ਨੂੰ ਘੋਸ਼ਿਤ ਕਰ ਦਿੱਤੇ ਹਨ।
ਜੋ ਉਮੀਦਵਾਰ ਆਪਣੇ ਨਤੀਜਿਆਂ ਦੀ ਦੁਬਾਰਾ ਜਾਂਚ ਕਰਵਾਉਣਾ ਚਾਹੁੰਦੇ ਹਨ, ਉਹ 14 ਅਕਤੂਬਰ, 2025 ਤੋਂ 28 ਅਕਤੂਬਰ, 2025 ਤੱਕ ਔਨਲਾਈਨ ਫਾਰਮ ਅਤੇ ਫੀਸ ਜਮ੍ਹਾਂ ਕਰਵਾ ਸਕਦੇ ਹਨ। ਔਨਲਾਈਨ ਫਾਰਮ ਭਰਨ ਅਤੇ ਫੀਸਾਂ ਦਾ ਭੁਗਤਾਨ ਕਰਨ ਤੋਂ ਬਾਅਦ, ਉਮੀਦਵਾਰਾਂ ਨੂੰ ਪ੍ਰਿੰਟਆਊਟ ਆਪਣੇ ਕੋਲ ਰੱਖਣਾ ਪਵੇਗਾ। ਬੋਰਡ ਦਫ਼ਤਰ ਵਿੱਚ ਕੋਈ ਹਾਰਡ ਕਾਪੀ ਜਮ੍ਹਾ ਕਰਨ ਦੀ ਲੋੜ ਨਹੀਂ ਹੈ। ਵਧੇਰੇ ਜਾਣਕਾਰੀ ਲਈ, ਉਮੀਦਵਾਰ ਬੋਰਡ ਦੀ ਅਧਿਕਾਰਤ ਵੈੱਬਸਾਈਟ, www.pseb.ac.in ‘ਤੇ ਜਾ ਸਕਦੇ ਹਨ।
