ਦੱਖਣੀ ਕੋਰੀਆ: ਦੱਖਣੀ ਕੋਰੀਆ ਦੀ ਇੱਕ ਰੱਖਿਆ ਕੰਪਨੀ ਦੇ ਅਹਾਤੇ ਵਿੱਚ ਅੱਜ , ਸੋਮਵਾਰ ਨੂੰ ਹੋਏ ਧਮਾਕੇ ਅਤੇ ਉਸ ਤੋਂ ਬਾਅਦ ਲੱਗੀ ਅੱਗ ਵਿੱਚ ਪੰਜ ਲੋਕਾਂ ਦੀ ਮੌਤ ਹੋ ਗਈ ਅਤੇ ਦੋ ਹੋਰ ਜ਼ਖਮੀ ਹੋ ਗਏ। ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ। ਇਹ ਘਟਨਾ ਦੱਖਣੀ ਕੋਰੀਆ ਦੇ ਸ਼ਹਿਰ ਡੇਜੇਓਨ ਵਿੱਚ ਸਥਿਤ ਹਨਵਾ ਏਰੋਸਪੇਸ ਦੇ ਇੱਕ ਹਿੱਸੇ ਵਿੱਚ ਵਾਪਰੀ। ਵਿਸਫੋਟ ਦੇ ਸਮੇਤ ਘਟਨਾ ਨਾਲ ਜੁੜੀਆਂ ਹੋਰ ਜਾਣਕਾਰੀਆਂ ਤੁਰੰਤ ਉਪਲਬਧ ਨਹੀਂ ਹੋ ਸਕੀਆਂ ।
ਆਫ਼ਤ ਪ੍ਰਬੰਧਨ ਅਧਿਕਾਰੀ ਯੂਨ ਸਿਓਂਗ-ਸੂ ਨੇ ਕਿਹਾ ਕਿ ਇਹ ਜਗ੍ਹਾ ਸਰਕਾਰ ਦੁਆਰਾ ਨਿਰਧਾਰਤ ਇੱਕ ਸੁਰੱਖਿਆ ਸਹੂਲਤ ਹੈ। ਸਥਾਨਕ ਮੈਡੀਕਲ ਅਧਿਕਾਰੀ ਕਿਮ ਜੂ-ਯੇਓਨ ਨੇ ਨੋਟ ਕੀਤਾ ਕਿ ਜ਼ਖਮੀਆਂ ਵਿੱਚੋਂ ਇੱਕ ਦੀ ਹਾਲਤ ਨਾਜ਼ੁਕ ਬਣੀ ਹੋਈ ਹੈ। ਉਨ੍ਹਾਂ ਅੱਗੇ ਕਿਹਾ ਕਿ ਮ੍ਰਿਤਕਾਂ ਦੀ ਹਾਲੇ ਪਛਾਣ ਨਹੀਂ ਹੋ ਸਕੀ ਹੈ। ਨਿਊਜ਼ ਏਜੰਸੀ ਯੋਨਹਾਪ ਦੇ ਅਨੁਸਾਰ, ਇਹ ਕੰਪਲੈਕਸ ਹਨਵਾ ਏਰੋਸਪੇਸ ਦੀਆਂ ਮੁੱਖ ਸਹੂਲਤਾਂ ਵਿੱਚੋਂ ਇੱਕ ਹੈ, ਜਿੱਥੇ ਵੱਡੇ ਪੱਧਰ ‘ਤੇ ਪ੍ਰੋਪੈਲੈਂਟ ਅਤੇ ਸਤ੍ਹਾ ਤੋਂ ਸਤ੍ਹਾ ਤੱਕ ਮਾਰ ਕਰਨ ਵਾਲੇ ਹਥਿਆਰ ਪ੍ਰਣਾਲੀਆਂ ਵਿਕਸਤ ਕੀਤੀਆਂ ਜਾਂਦੀਆਂ ਹਨ।
