Health News : ਦੁਨੀਆਂ ਭਰ ਵਿੱਚ ਲਿਵਰ ਨਾਲ ਜੁੜੀਆਂ ਬਿਮਾਰੀਆਂ ਤੇਜ਼ੀ ਨਾਲ ਆਮ ਹੁੰਦੀਆਂ ਜਾ ਰਹੀਆਂ ਹਨ। ਖਾਸ ਤੌਰ ‘ਤੇ, ਨਾਨ ਅਲਕੋਹਲਿਕ ਫੈਟੀ ਲਿਵਰ ਡਿਜ਼ੀਜ਼ ਤੇਜ਼ੀ ਨਾਲ ਵਧਣ ਵਾਲੀ ਸਿਹਤ ਸਮੱਸਿਆ ਬਣ ਗਈ ਹੈ। ਮਾਹਿਰਾਂ ਦਾ ਮੰਨਣਾ ਹੈ ਕਿ ਇਹ ਬਿਮਾਰੀ ਅਕਸਰ ਜੀਵਨ ਸ਼ੈਲੀ ਅਤੇ ਖਾਣ-ਪੀਣ ਦੀਆਂ ਆਦਤਾਂ ਨਾਲ ਜੁੜੀ ਹੁੰਦੀ ਹੈ। ਕੁਝ ਮਾਹਿਰ ਚੇਤਾਵਨੀ ਵੀ ਦਿੰਦੇ ਹਨ ਕਿ ਪੈਡਲ ਐਡੀਮਾ ਜਾਂ ਸੁੱਜੇ ਹੋਏ ਪੈਰ ਫੈਟੀ ਲਿਵਰ ਦਾ ਇੱਕ ਸ਼ੁਰੂਆਤੀ ਅਤੇ ਅਕਸਰ ਅਣਗੌਲਿਆ ਜਾਣ ਵਾਲਾ ਲੱਛਣ ਹੋ ਸਕਦਾ ਹੈ।
ਪੈਡਲ ਐਡੀਮਾ ਪੈਰਾਂ ਦੇ ਸੁੱਜਣ ਦਾ ਸੰਕੇਤ
ਮਾਹਿਰਾਂ ਮੁਤਾਬਕ ਫੈਟੀ ਲਿਵਰ ਦਾ ਸ਼ੁਰੂਆਤੀ ਸੰਕੇਤ ਪੈਰਾਂ ‘ਤੇ ਸੋਜ ਜਾਂ ਪੈਡਲ ਐਡੀਮਾ ਅਕਸਰ ਅਣ-ਦੇਖਿਆ ਕੀਤਾ ਜਾਣ ਵਾਲਾ ਹੁੰਦਾ ਹੈ। ਮਾਹਿਰ ਕਹਿੰਦੇ ਹਨ ਕਿ ਜੇਕਰ ਫੈਟੀ ਲਿਵਰ ਦਾ ਸਮੇਂ ਸਿਰ ਇਲਾਜ ਨਾ ਕੀਤਾ ਜਾਵੇ ਤਾਂ ਇਹ ਹੌਲੀ-ਹੌਲੀ ਗੰਭੀਰ ਲਿਵਰ ਰੋਗ ਜਿਵੇਂ ਕਿ ਸਿਰੋਸਿਸ ਜਾਂ ਕੈਂਸਰ ਵਿੱਚ ਬਦਲ ਸਕਦਾ ਹੈ।
ਉੱਥੇ ਹੀ ਫੈਟੀ ਲਿਵਰ ਜਾਂ ਹੇਪੇਟਿਕ ਸਟੀਆਟੋਸਿਸ ਉਹ ਸਥਿਤੀ ਹੁੰਦੀ ਹੈ ਜਿਸ ਵਿੱਚ ਲਿਵਰ ਵਿੱਚ ਜ਼ਿਆਦਾ ਚਰਬੀ ਜਮ੍ਹਾਂ ਹੋ ਜਾਂਦੀ ਹੈ ਜੋ ਛੋਟੇ ਪੱਧਰ ‘ਤੇ ਚਰਬੀ ਆਮ ਮੰਨੀ ਜਾਂਦੀ ਹੈ, ਪਰ ਚਰਬੀ ਜ਼ਿਆਦਾ ਹੋਣ ‘ਤੇ ਇਹ ਲਿਵਰ ਦੀ ਕਾਰਜਕੁਸ਼ਲਤਾ ਨੂੰ ਪ੍ਰਭਾਵਿਤ ਕਰ ਸਕਦੀ ਹੈ। NAFLD ਆਮ ਤੌਰ ‘ਤੇ ਮੋਟਾਪਾ, ਡਾਇਬਟੀਜ਼, ਖਰਾਬ ਖਾਣ-ਪੀਣ ਅਤੇ ਸਰੀਰਕ ਨਾ-ਮੌਜੂਦਗੀ ਨਾਲ ਜੁੜਿਆ ਹੋਇਆ ਹੈ। ਜੇਕਰ ਇਸਨੂੰ ਸਮੇਂ ਸਿਰ ਕਾਬੂ ਨਾ ਕੀਤਾ ਜਾਵੇ ਤਾਂ ਇਹ NASH ਸਿਰੋਸਿਸ ਅਤੇ ਲਿਵਰ ਕੈਂਸਰ ਵਰਗੀਆਂ ਗੰਭੀਰ ਬਿਮਾਰੀਆਂ ਵਿੱਚ ਬਦਲ ਸਕਦਾ ਹੈ।
ਪੈਡਲ ਐਡੀਮਾ ਦੀ ਪਛਾਣ ਕਿਵੇਂ ਕਰੀਏ?
ਪੈਡਲ ਐਡੀਮਾ ਦੀ ਘਰ ਵਿੱਚ ਆਸਾਨੀ ਨਾਲ ਜਾਂਚ ਕੀਤੀ ਜਾ ਸਕਦੀ ਹੈ। ਇਸਦੇ ਲਈ ਆਪਣੇ ਪੈਰਾਂ, ਖਾਸ ਕਰਕੇ ਗਿੱਟੇ ਦੇ ਉੱਪਰ ਵਾਲੀ ਥਾਂ ‘ਤੇ ਕੁਝ ਸਕਿੰਟਾਂ ਲਈ ਦਬਾਅ ਪਾਓ। ਜੇਕਰ ਦਬਾਅ ਹਟਾਉਣ ਤੋਂ ਬਾਅਦ ਤੁਹਾਡੀ ਚਮੜੀ ‘ਤੇ ਟੋਏ ਜਾਂ ਪੀਟ ਰਹਿ ਜਾਂਦਾ ਹੈ, ਤਾਂ ਇਸਨੂੰ ਪੀਟਿੰਗ ਐਡੀਮਾ ਕਿਹਾ ਜਾਂਦਾ ਹੈ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਸੁੱਜੇ ਹੋਏ ਪੈਰਾਂ ਨੂੰ ਸਿਰਫ਼ ਲੰਬੇ ਸਮੇਂ ਤੱਕ ਖੜ੍ਹੇ ਰਹਿਣ ਜਾਂ ਚੱਲਣ ਦਾ ਅਸਰ ਸਮਝ ਕੇ ਨਜ਼ਰਅੰਦਾਜ਼ ਨਾ ਕਰੋ, ਇਹ ਤੁਹਾਡੇ ਲਿਵਰ ਨੂੰ ਨੁਕਸਾਨ ਪਹੁੰਚਾਉਣ ਦਾ ਸ਼ੁਰੂਆਤੀ ਸੰਕੇਤ ਹੋ ਸਕਦਾ ਹੈ।
ਸਮੇਂ ਸਿਰ ਇਲਾਜ ਨਾਲ ਬਚਾਵ
ਮਾਹਰ ਕਹਿੰਦੇ ਹਨ ਕਿ ਫੈਟੀ ਲਿਵਰ ਦੇ ਲੱਛਣਾਂ ਦੇ ਵਿਗੜਨ ਦੇ ਵਧਣ ਦਾ ਇਤਜ਼ਾਰ ਨ ਕਰੋ ਸ਼ੁਰੂਆਤੀ ਪਛਾਣ ਅਤੇ ਸਮੇਂ ਸਿਰ ਇਲਾਜ ਨਾਲ ਤੁਹਾਡਾ ਲਿਵਰ ਬਚਾਇਆ ਜਾ ਸਕਦਾ ਹੈ। ਨਾਲ ਹੀ ਇਸ ਨਾਲ ਤੁਹਾਡੀ ਜਾਨ ਵੀ ਬਚਾਈ ਜਾ ਸਕਦੀ ਹੈ।
