Lifestyle News: ਚਿਹਰੇ ‘ਤੇ ਬਰਫ਼ ਰਗੜਣਾ ਇਕ ਪੁਰਾਣੀ ਬਿਊਟੀ ਟ੍ਰਿਕ ਹੈ , ਜਿਸਨੂੰ ਚਿਹਰੇ ਨੂੰ ਤਾਜ਼ਾ ਅਤੇ ਚਮਕਦਾਰ ਬਣਾਉਣ ਲਈ ਅਪਣਾਇਆ ਜਾਂਦਾ ਹੈ। ਪਰ ਜੇਕਰ ਇਹ ਗਲਤ ਤਰੀਕੇ ਨਾਲ ਕੀਤਾ ਜਾਂਦਾ ਹੈ, ਤਾਂ ਇਹ ਚਮੜੀ ਨੂੰ ਨੁਕਸਾਨ ਵੀ ਪਹੁੰਚਾ ਸਕਦਾ ਹੈ। ਏਮਜ਼ ਦੀ ਮਸ਼ਹੂਰ ਚਮੜੀ ਮਾਹਿਰ ਡਾਕਟਰ ਨੇ ਆਪਣੇ ਇੰਸਟਾਗ੍ਰਾਮ ਵੀਡੀਓ ਵਿੱਚ ਬਰਫ਼ ਨਾਲ ਚਿਹਰੇ ਦੀ ਮਾਲਿਸ਼ ਕਰਨ ਦਾ ਸਹੀ ਤਰੀਕਾ ਅਤੇ ਇਸ ਤੋਂ ਬਚਣ ਲਈ ਜ਼ਰੂਰੀ ਸਾਵਧਾਨੀਆਂ ਦੱਸੀਆਂ ਹਨ।
ਚਿਹਰੇ ‘ਤੇ ਬਰਫ਼ ਲਗਾਉਣ ਦੇ ਫਾਇਦੇ
ਡਾ. ਦੇ ਅਨੁਸਾਰ, ਚਿਹਰੇ ‘ਤੇ ਬਰਫ਼ ਲਗਾਉਣ ਨੂੰ ਸਕਿਨ ਆਈਸਿੰਗ ਜਾਂ ਕੋਲਡ ਥੈਰੇਪੀ ਕਿਹਾ ਜਾਂਦਾ ਹੈ, ਜਿਸ ਦੇ ਬਹੁਤ ਸਾਰੇ ਫਾਇਦੇ ਹਨ। ਠੰਡੇ ਤਾਪਮਾਨ ਕਾਰਨ ਖੂਨ ਦੀਆਂ ਨਾੜੀਆਂ ਸੁੰਗੜ ਜਾਂਦੀਆਂ ਹਨ, ਜਿਸ ਨਾਲ ਅੱਖਾਂ ਦੇ ਆਲੇ-ਦੁਆਲੇ ਸੋਜ ਘੱਟ ਜਾਂਦੀ ਹੈ। ਚਮੜੀ ਅਸਥਾਈ ਤੌਰ ‘ਤੇ ਟਾਇਟ ਦਿਖਾਈ ਦਿੰਦੀ ਹੈ ਅਤੇ ਪੋਰਸ ਸੁੰਗੜ ਜਾਂਦੇ ਹਨ, ਜਿਸ ਨਾਲ ਮੇਕਅਪ ਤੋਂ ਪਹਿਲਾਂ ਇਹ ਤਰੀਕਾ ਲਾਭਦਾਇਕ ਹੋ ਜਾਂਦਾ ਹੈ। ਇਸ ਦੇ ਨਾਲ ਹੀ, ਜਲਣ ਅਤੇ ਲਾਲੀ ਤੋਂ ਰਾਹਤ ਮਿਲਦੀ ਹੈ। ਚਮੜੀ ਵਿੱਚ ਖੂਨ ਦਾ ਪ੍ਰਵਾਹ ਵਧਣ ਨਾਲ ਕੁਝ ਸਮੇਂ ਲਈ ਕੁਦਰਤੀ ਚਮਕ ਆਉਂਦੀ ਹੈ।
ਸਹੀ ਤਰੀਕਾ ਕੀ ਹੈ?
– ਬਰਫ਼ ਨੂੰ ਕਦੇ ਸਿੱਧੇ ਚਿਹਰੇ ‘ਤੇ ਨਾ ਲਗਾਓ , ਇਸ ਨਾਲ ਚਮੜੀ ਜਲ ਸਕਦੀ ਹੈ।
-ਹਮੇਸ਼ਾ ਬਰਫ਼ ਨੂੰ ਸਾਫ਼ ਕੱਪੜੇ ਜਾਂ ਨਰਮ ਮਲਮਲ ਦੇ ਕੱਪੜੇ ਵਿੱਚ ਲਪੇਟੋ ।
– ਹਲਕੇ ਹੱਥਾਂ ਨਾਲ ਹੌਲੀ ਗਤੀ ਵਿੱਚ ਚਿਹਰੇ ‘ਤੇ ਰੋਲ ਕਰੋ।
-ਇੱਕ ਵਾਰ ਵਿੱਚ 1-2 ਮਿੰਟ ਤੋਂ ਵੱਧ ਇਸਨੂੰ ਨਾ ਲਗਾਓ।
-ਬਰਫ਼ ਲਗਾਉਣ ਤੋਂ ਪਹਿਲਾਂ ਅਤੇ ਬਾਅਦ ਵਿੱਚ ਮਾਇਸਚਰਾਈਜ਼ਰ ਲਗਾਓ।
ਕਿੰਨੀ ਵਾਰ ਕਰਨੀ ਚਾਹੀਦੀ ਹੈ ਆਈਸਿੰਗ ?
ਸਧਾਰਨ ਚਮੜੀ: ਰੋਜ਼ਾਨਾ ਕੀਤੀ ਜਾ ਸਕਦੀ ਹੈ।
ਸੰਵੇਦਨਸ਼ੀਲ ਚਮੜੀ: ਹਫ਼ਤੇ ਵਿੱਚ 2-3 ਵਾਰ ਕਾਫ਼ੀ ਹੈ।
ਜ਼ਿਆਦਾ ਵਰਤੋਂ ਖੁਸ਼ਕ ਜਾਂ ਜਲਣ ਵਾਲੀ ਚਮੜੀ ਦਾ ਕਾਰਨ ਬਣ ਸਕਦੀ ਹੈ।
ਕਿਸਨੂੰ ਨਹੀਂ ਕਰਨੀ ਚਾਹੀਦੀ ਆਈਸਿੰਗ ?
ਰੋਜੇਸ਼ਿਆ ਦੇ ਮਰੀਜ਼
ਬਹੁਤ ਖੁਸ਼ਕ ਚਮੜੀ ਵਾਲੇ ਲੋਕ
ਕੋਲਡ ਐਲਰਜ਼ੀ ਦੇ ਮਰੀਜ਼
