ਜੰਮੂ : ਜੰਮੂ ਦੇ ਸਪੈਸ਼ਲ ਆਪ੍ਰੇਸ਼ਨ ਗਰੁੱਪ ਨੇ ‘ਖੌਫ ਗੈਂਗ’ ਦੇ ਤਿੰਨ ਕਥਿਤ ਮੈਂਬਰਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਇਨ੍ਹਾਂ ਵਿੱਚ ਕਰਨਜੀਤ ਸਿੰਘ ਉਰਫ਼ “ਗੁੱਗਾ” ਵੀ ਸ਼ਾਮਲ ਹੈ, ਜੋ 13 ਐਫ.ਆਈ.ਆਰ. ਕੇਸਾਂ ਵਿੱਚ ਲੋੜੀਂਦਾ ਸੀ।
ਕਰਨਜੀਤ ਸਿੰਘ ਪੁੱਤਰ ਅਰਜੁਨ ਸਿੰਘ ਵਾਸੀ ਦਬਲੇਹਾਰ, ਆਰ.ਐਸ. ਪੁਰਾ ਨੂੰ ਵੀ ਐਸ.ਓ.ਜੀ. ਜੰਮੂ ਵੱਲੋਂ ਇੱਕ ਅਪਰੇਸ਼ਨ ਦੌਰਾਨ ਦਿੱਲੀ ਤੋਂ ਫੜਿਆ ਗਿਆ । ਉਸ ਦੇ ਖ਼ਿਲਾਫ਼ 13 ਐੱਫ.ਆਈ.ਆਰ. ਦਰਜ ਸਨ । ਇਸ ਤੋਂ ਇਲਾਵਾ ਉਹ ਗਟਾਰੂ ਕਤਲ ਕਾਂਡ ਦਾ ਮੁਲਜ਼ਮ ਹੈ ਅਤੇ ਕਤਲ ਦੀ ਕੋਸ਼ਿਸ਼, ਕੁੱਟਮਾਰ, ਦੰਗੇ-ਫਸਾਦ, ਅਪਰਾਧਿਕ ਧਮਕੀਆਂ ਅਤੇ ਨਾਜਾਇਜ਼ ਹਥਿਆਰ ਰੱਖਣ ਵਰਗੇ ਕਈ ਹੋਰ ਮਾਮਲਿਆਂ ਵਿੱਚ ਵੀ ਮੁਲਜ਼ਮ ਹੈ।
ਕਰਨਜੀਤ ਸਿੰਘ ਨੇ ਪਹਿਲੇ ਦੋ ਪਾਕਿਸਤਾਨੀ ਕੈਦੀਆਂ ਨਾਲ ਆਰ.ਐਸ. ਪੁਰਾ ਆਬਜ਼ਰਵੇਸ਼ਨ ਹੋਮ ਤੋਂ ਭੱਜ ਗਿਆ ਸੀ। ਫਰਾਰ ਹੋਣ ਦੌਰਾਨ ਆਬਜ਼ਰਵੇਸ਼ਨ ਹੋਮ ਦੇ ਅੰਦਰ ਡਿਊਟੀ ‘ਤੇ ਮੌਜੂਦ ਪੁਲਿਸ ਮੁਲਾਜ਼ਮਾਂ ‘ਤੇ ਕਥਿਤ ਤੌਰ ‘ਤੇ ਹਮਲਾ ਕੀਤਾ ਗਿਆ ਅਤੇ ਗੋਲੀਬਾਰੀ ਕੀਤੀ ਗਈ। ਇਸ ਤੋਂ ਬਾਅਦ ਆਰ.ਐਸ. ਪੁਰਾ ਪੁਲਿਸ ਨੇ ਐਫ.ਆਈ.ਆਰ. 39/2026 ਦਰਜ ਕੀਤੀ ਸੀ। ਇਸੇ ਕਾਰਵਾਈ ਦੌਰਾਨ ਗੈਂਗ ਦੇ ਦੋ ਹੋਰ ਕਥਿਤ ਸਾਥੀਆਂ ਨੂੰ ਵੀ ਦਿੱਲੀ ਤੋਂ ਗ੍ਰਿਫ਼ਤਾਰ ਕੀਤਾ ਗਿਆ ।
ਫੜੇ ਗਏ ਵਿਅਕਤੀਆਂ ਦੀ ਪਛਾਣ ਹੇਠ ਲਿਖੇ ਅਨੁਸਾਰ ਕੀਤੀ ਗਈ ਹੈ:
* ਨਰੇਸ਼ ਕੁਮਾਰ ਉਰਫ਼ “ਮੇਜਰ” ਪੁੱਤਰ ਕਮਲ ਕੁਮਾਰ ਵਾਸੀ ਅਰਨੀਆ। ਉਹ ਇੱਕ ਗਰੋਹ ਨਾਲ ਜੁੜਿਆ ਹੋਇਆ ਹੈ ਅਤੇ ਹਿੰਸਕ ਹਮਲੇ, ਦੰਗੇ ਅਤੇ ਗੈਰ-ਕਾਨੂੰਨੀ ਹਥਿਆਰ ਰੱਖਣ ਵਰਗੇ ਮਾਮਲਿਆਂ ਵਿੱਚ ਸ਼ਾਮਲ ਰਿਹਾ ਹੈ। ਦੱਸਿਆ ਜਾਂਦਾ ਹੈ ਕਿ ਉਹ ਫਰਾਰ ਸੁਨੀਲ ਕੁਮਾਰ ਉਰਫ ਗੋਕੁਲ ਦਾ ਕਰੀਬੀ ਸਾਥੀ ਹੈ।
* ਰਾਹੁਲ ਕੁਮਾਰ ਉਰਫ਼ “ਸੁੰਡੀ” ਪੁੱਤਰ ਬਿਸ਼ਨ ਦਾਸ ਵਾਸੀ ਮੱਖਣਪੁਰ, ਬਿਸ਼ਨਾਹ। ਉਹ ਜੇਲ੍ਹ ਦੇ ਅਹਾਤੇ ਵਿੱਚ ਨਸ਼ੀਲੇ ਪਦਾਰਥਾਂ ਦੀ ਕਥਿਤ ਤਸਕਰੀ ਨਾਲ ਸਬੰਧਤ ਇੱਕ ਕੇਸ ਵਿੱਚ ਸ਼ਾਮਲ ਹੈ ਅਤੇ ਉਸ ਖ਼ਿਲਾਫ਼ ਐਨ.ਡੀ.ਪੀ.ਐਸ. ਐਕਟ ਅਤੇ ਜੇਲ੍ਹ ਐਕਟ ਦੀਆਂ ਸਬੰਧਤ ਧਾਰਾਵਾਂ ਤਹਿਤ ਕੇਸ ਦਰਜ ਕੀਤਾ ਗਿਆ ਹੈ।
ਇਹ ਗ੍ਰਿਫਤਾਰੀਆਂ ਜੰਮੂ ਪੁਲਿਸ ਅਤੇ SOG ਦੇ ਫਰਾਰ ਅਪਰਾਧੀਆਂ ਦਾ ਪਤਾ ਲਗਾਉਣ ਅਤੇ ਸੰਗਠਿਤ ਅਪਰਾਧਿਕ ਨੈਟਵਰਕ ਦੀਆਂ ਗਤੀਵਿਧੀਆਂ ਦੀ ਜਾਂਚ ਕਰਨ ਦੇ ਯਤਨਾਂ ਦਾ ਹਿੱਸਾ ਹਨ। ਅਗਲੇਰੀ ਜਾਂਚ ਜਾਰੀ ਹੈ ਅਤੇ ਪੁਲਿਸ ਨੇ ਕਿਹਾ ਹੈ ਕਿ ਜਾਂਚ ਦੌਰਾਨ ਸਾਹਮਣੇ ਆਉਣ ਵਾਲੇ ਸਬੂਤਾਂ ਦੇ ਆਧਾਰ ‘ਤੇ ਹੋਰ ਗ੍ਰਿਫ਼ਤਾਰੀਆਂ ਕੀਤੀਆਂ ਜਾ ਸਕਦੀਆਂ ਹਨ।
