ਟਾਂਡਾ ਉੜਮੁੜ : ਕੈਨੇਡਾ ਤੋਂ ਦੁਖਦਾਈ ਖਬਰ ਸਾਹਮਣੇ ਆਈ ਹੈ। ਕੈਨੇਡਾ ਦੇ ਸੂਬੇ ਓਟਾਵਾ ਦੇ ਦੱਖਣੀ-ਪੱਛਮੀ ਇਲਾਕੇ ‘ਚ ਬੀਤੀ ਸਵੇਰ ਦੋ ਵਾਹਨਾਂ ਵਿਚਾਲੇ ਹੋਈ ਭਿਆਨਕ ਟੱਕਰ ‘ਚ ਟਾਂਡਾ ਦੇ ਇਕ ਨੌਜਵਾਨ ਦੀ ਮੌਤ ਹੋ ਗਈ ਅਤੇ ਇਕ ਹੋਰ ਨੌਜਵਾਨ ਗੰਭੀਰ ਜ਼ਖਮੀ ਹੋ ਗਿਆ। ਇਹ ਹਾਦਸਾ ਓਲਡ ਰਿਚਮੰਡ ਰੋਡ ਨੇੜੇ ਫੈਲੋਫੀਲਡ ਰੋਡ ‘ਤੇ ਵਾਪਰਿਆ।
ਮ੍ਰਿਤਕ ਨੌਜਵਾਨ ਦੀ ਪਛਾਣ ਬ੍ਰਹਮਜੋਤ ਸਿੰਘ ਪੁੱਤਰ ਗੁਰਪ੍ਰੀਤ ਸਿੰਘ ਸੋਢੀ ਵਾਸੀ ਟਾਂਡਾ ਵਜੋਂ ਹੋਈ ਹੈ। ਕਰੀਬ 20 ਸਾਲਾ ਬ੍ਰਹਮਜੋਤ ਦੋ ਸਾਲ ਪਹਿਲਾਂ ਕੈਨੇਡਾ ਗਿਆ ਸੀ। ਓਟਾਵਾ ਫਾਇਰ ਸਰਵਿ ਸਿਜ਼ ਦੇ ਬੁਲਾਰੇ ਨਿਕ ਡੀਫਾਜ਼ਿਓ ਨੇ ਕਿਹਾ ਕਿ ਕੀਆ ਸੋਰੇਂਟੋ ਅਤੇ ਹੌਂਡਾ ਸੀ.ਆਰ.ਵੀ. ਦੋਵਾਂ ਵਿਚਾਲੇ ਟੱਕਰ ਇੰਨੀ ਜ਼ਬਰਦਸਤ ਸੀ ਕਿ ਦੋਵੇਂ ਵਾਹਨਾਂ ਨੂੰ ਅੱਗ ਲੱਗ ਗਈ ਅਤੇ ਇਕ-ਦੂਜੇ ਤੋਂ ਕਰੀਬ 25 ਮੀਟਰ ਦੀ ਦੂਰੀ ‘ਤੇ ਅੱਗ ਲੱਗ ਗਈ ਸੀ।
ਉਨ੍ਹਾਂ ਦੱਸਿਆ ਕਿ ਹੌਂਡਾ ਸੀ.ਆਰ.ਵੀ. ਪੂਰੀ ਤਰ੍ਹਾਂ ਅੱਗ ਦੀ ਲਪੇਟ ‘ਚ ਆ ਗਈ ਸੀ ਅਤੇ ਇਸਦੀ ਤੁਰੰਤ ਖੋਜ ਸੰਭਵ ਨਹੀਂ ਸੀ। ਜਦੋਂ ਫਾਇਰ ਫਾਈਟਰਜ਼ ਨੇ ਅੱਗ ਬੁਝਾਉਣੀ ਸ਼ੁਰੂ ਕੀਤੀ ਤਾਂ ਉਨ੍ਹਾਂ ਨੇ ਕਾਰ ਦੀ ਅਗਲੀ ਸੀਟ ‘ਤੇ ਇਕ ਵਿਅਕਤੀ ਨੂੰ ਦੇਖਿਆ। ਪੈਰਾਮੈਡਿਕਸ ਨੇ ਦੱਸਿਆ ਕਿ ਬਲਦੀ ਹੋਈ ਗੱਡੀ ਦੇ ਅੰਦਰ ਮੌਜੂਦ ਵਿਅਕਤੀ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ।
ਪੁਲਿਸ ਨੇ ਦੱਸਿਆ ਕਿ ਮ੍ਰਿਤਕ ਬ੍ਰਹਮਜੋਤ ਦੀ ਉਮਰ ਕਰੀਬ 20 ਸਾਲ ਸੀ ਅਤੇ ਹਾਦਸੇ ਸਮੇਂ ਉਹ ਕਾਰ ਚਲਾ ਰਿਹਾ ਸੀ। ਹਾਦਸੇ ‘ਚ ਦੂਜੇ ਵਾਹਨ ਦਾ 30 ਸਾਲਾ ਡਰਾਈਵਰ ਵੀ ਗੰਭੀਰ ਜ਼ਖਮੀ ਹੋ ਗਿਆ ਅਤੇ ਉਸ ਨੂੰ ਇਲਾਜ ਲਈ ਹਸਪਤਾਲ ਲਿਜਾਇਆ ਗਿਆ। ਫਾਇਰ ਸਰਵਿਸ ਦੇ ਬੁਲਾਰੇ ਨੇ ਪੁਸ਼ਟੀ ਕੀਤੀ ਕਿ ਦੋ ਵਾਹਨਾਂ ਦੇ ਬਾਹਰ ਡਿੱਗਿਆ ਕੋਈ ਵਿਅਕਤੀ ਨਹੀਂ ਮਿ ਲਿਆ ।
