ਚੰਡੀਗੜ੍ਹ : ਹਰਿਆਣਾ ਦੇ ਮੁੱਖ ਮੰਤਰੀ ਨਾਇਬ ਸੈਣੀ ਦੀ ਪ੍ਰਧਾਨਗੀ ਹੇਠ ਬੀਤੇ ਦਿਨ ਚੰਡੀਗੜ੍ਹ ਵਿੱਚ 75 ਕਰੋੜ ਰੁਪਏ ਤੋਂ ਵੱਧ ਦੀ ਲਾਗਤ ਵਾਲੇ ਮੈਗਾ ਪ੍ਰੋਜੈਕਟਾਂ ਸਬੰਧੀ ਇੱਕ ਸਮੀਖਿਆ ਮੀਟਿੰਗ ਬੁਲਾਈ ਗਈ ਸੀ। ਇਸ ਮੀਟਿੰਗ ਵਿੱਚ, ਮੁੱਖ ਮੰਤਰੀ ਨੇ ਅਧਿਕਾਰੀਆਂ ਨੂੰ ਸਾਰੀਆਂ ਵੱਡੀਆਂ ਇਨਫਰਾਸਟਰਕਚਰ ਅਤੇ ਜਨਤਕ ਵਰਤੋਂ ਦੀਆਂ ਪ੍ਰੋਜੈਕਟਾਂ ਨੂੰ ਮਿੱਥੇ ਮਾਪਦੰਡਾਂ ਅਤੇ ਗੁਣਵੱਤਾ ਦੇ ਨਾਲ ਮਿਥੇ ਸਮੇਂ-ਸੀਮਾ ਦੇ ਅੰਦਰ ਪੂਰਾ ਕਰਨ ਦੇ ਨਿਰਦੇਸ਼ ਦਿੱਤੇ। ਇਸ ਦੇ ਨਾਲ ਹੀ, ਉਨ੍ਹਾਂ ਨੇ ਕਿਹਾ ਕਿ ਜੇਕਰ ਵਿਕਾਸ ਪ੍ਰੋਜੈਕਟਾਂ ਦੇ ਨਿਰਮਾਣ ਵਿੱਚ ਦੇਰੀ ਨਾਲ ਲਾਗਤ ਰਕਮ ਵਿੱਚ ਵਾਧਾ ਹੋਇਆ, ਤਾਂ ਸਬੰਧਤ ਅਧਿਕਾਰੀ ਜ਼ਿੰਮੇਵਾਰ ਹੋਣਗੇ।
ਮੁੱਖ ਮੰਤਰੀ ਨੇ ਅਧਿਕਾਰੀਆਂ ਨੂੰ ਆਦੇਸ਼ ਦਿੱਤੇ ਕਿ ਸਬੰਧਤ ਵਿਭਾਗ ਅਜਿਹੀਆਂ ਸਾਰੀਆਂ ਪ੍ਰੋਜੈਕਟਾਂ ਦੀ ਮਾਸਿਕ ਸਮੀਖਿਆ ਰਿਪੋਰਟ ਨਿਯਮਿਤ ਤੌਰ ‘ਤੇ ਤਿਆਰ ਕਰਦੇ ਹੋਏ ਉਨ੍ਹਾਂ ਨੂੰ ਪ੍ਰਗਤੀ ਡੈਸ਼ਬੋਰਡ ‘ਤੇ ਅਪਲੋਡ ਕਰਨ। ਇਸ ਨਾਲ ਪ੍ਰੋਜੈਕਟਾਂ ਵਿੱਚ ਪਾਰਦਰਸ਼ਤਾ ਆਵੇਗੀ ਅਤੇ ਉਹਨਾਂ ਦੇ ਲਾਗੂ ਹੋਣ ਦੀ ਗਤੀ ‘ਤੇ ਵੀ ਲਗਾਤਾਰ ਨਿਗਰਾਨੀ ਰੱਖਣਾ ਆਸਾਨ ਹੋ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਵਿਕਾਸ ਕਾਰਜਾਂ ਨੂੰ ਪਹਿਲ ਦੇ ਆਧਾਰ ‘ਤੇ ਪੂਰਾ ਕਰੋ, ਤਾਂ ਜੋ ਲੋਕਾਂ ਨੂੰ ਸੁਵਿਧਾਵਾਂ ਦਾ ਲਾਭ ਜਲਦ ਤੋ ਜਲਦ ਮਿਲ ਸਕੇ।
ਇਨ੍ਹਾਂ ਪ੍ਰੋਜੈਕਟਾਂ ‘ਤੇ ਹੋਈ ਚਰਚਾ
ਮੀਟਿੰਗ ਵਿੱਚ ਅਧਿਕਾਰੀਆਂ ਨੇ ਮੁੱਖ ਮੰਤਰੀ ਨਾਇਬ ਸੈਣੀ ਨੂੰ ਦੱਸਿਆ ਕਿ ਜੀਂਦ ਵਿੱਚ ਬਣ ਰਹੇ ਮੈਡੀਕਲ ਕਾਲਜ ਦਾ ਕੰਮ ਲਗਭਗ 90% ਮੁਕੰਮਲ ਹੋ ਚੁੱਕਾ ਹੈ ਅਤੇ ਇਸਨੂੰ ਦਸੰਬਰ 2026 ਤੱਕ ਪੂਰਾ ਕਰਨ ਦਾ ਟੀਚਾ ਰੱਖਿਆ ਗਿਆ ਹੈ। ਉੱਥੇ ਹੀ, ਅੰਬਾਲਾ ਕੈਂਟ ਵਿੱਚ ਬਣ ਰਿਹਾ ‘ਆਜ਼ਾਦੀ ਦੀ ਪਹਿਲੀ ਲੜਾਈ’ ਦਾ ਸ਼ਹੀਦ ਸਮਾਰਕ ਦਾ ਕੰਮ ਲਗਭਗ ਪੂਰਾ ਹੋਣ ਕਿਨਾਰੇ ਪਹੁੰਚ ਗਿਆ ਅਤੇ ਬਾਕੀ ਕੰਮ ਅਗਲੇ ਸਾਲ ਜਨਵਰੀ ਤੱਕ ਪੂਰਾ ਹੋ ਜਾਵੇਗਾ।
ਸਮੀਖਿਆ ਮੀਟਿੰਗ ਵਿੱਚ ਯੁੱਧ ਸਮਾਰਕ ਸਟੇਡੀਅਮ ਅੰਬਾਲਾ ਦਾ ਸੁਧਾਰ, ਬੀਕੇ (ਸਿਵਲ) ਹਸਪਤਾਲ ਫਰੀਦਾਬਾਦ ਦੇ ਵਿਹੜੇ ਵਿੱਚ ਮਾਤਰੀ ਅਤੇ ਬਾਲ ਹਸਪਤਾਲ ਅਤੇ ਸੇਵਾ ਬਲਾਕ ਦਾ ਨਿਰਮਾਣ, ਫਰੀਦਾਬਾਦ ਵਿੱਚ ਦਿੱਲੀ-ਆਗਰਾ ਰੋਡ NH-19 ਤੋਂ ਦਿੱਲੀ-ਵਡੋਦਰਾ ਐਕਸਪ੍ਰੈੱਸਵੇਅ ਰਾਹੀਂ ਬੱਲਭਗੜ੍ਹ-ਮੋਹਨਾ ਰੋਡ ਤੱਕ ਦੋ-ਲੇਨ ਦੇ ਪੇਵ ਸ਼ੋਲਡਰ ਯੁਕਤ ਫੋਰਲੇਨ ਐਲੀਵੇਟਿਡ ਸੜਕ ਦਾ ਨਿਰਮਾਣ, ਨੂੰਹ ਵਿੱਚ ਪੁਰਾਣੇ ਸੀ.ਐਚ.ਸੀ. ਕੰਪਲੈਕਸ ਵਿੱਚ 100 ਬਿਸਤਰਿਆਂ ਵਾਲੇ ਜ਼ਿਲ੍ਹਾ ਸਿਵਲ ਹਸਪਤਾਲ ਦਾ ਨਿਰਮਾਣ ਅਤੇ ਭਾਰਤ ਸਰਕਾਰ ਦੇ ਨਾਲ ਸਾਂਝਾ ਉੱਦਮ ਐਨ.ਆਈ.ਸੀ.ਡੀ.ਸੀ. ਹਰਿਆਣਾ ਏਕੀਕ੍ਰਿਤ ਨਿਰਮਾਣ ਕਲੱਸਟਰ ਹਿਸਾਰ ਦਾ ਨਿਰਮਾਣ ਵਰਗੀਆਂ ਪ੍ਰੋਜੈਕਟਾਂ ‘ਤੇ ਵੀ ਚਰਚਾ ਕੀਤੀ ਗਈ ਹੈ।
