Sports News : ਇੱਕ ਦਿਨ ਪਹਿਲਾਂ ਹੀ ਖ਼ਬਰ ਆਈ ਸੀ ਕਿ ਹਾਰਦਿਕ ਪੰਡਯਾ ਆਪਣੀ ਪੂਰੀ ਤਾਕਤ ਨਾਲ ਗੇਂਦਬਾਜ਼ੀ ਕਰ ਰਹੇ ਹਨ। ਮੰਨਿਆ ਜਾ ਰਿਹਾ ਹੈ ਕਿ ਉਹ ਅਫਗਾਨਿਸਤਾਨ ਦੇ ਵਿਰੁੱਧ ਆਉਣ ਵਾਲੀ ਟੀ-20 ਸੀਰੀਜ਼ ਦੇ ਦੌਰਾਨ ਭਾਰਤੀ ਟੀਮ ਵਿੱਚ ਵਾਪਸੀ ਕਰ ਸਕਦੇ ਹਨ। ਹਾਲਾਂਕਿ, ਉਨ੍ਹਾਂ ਦੀ ਵਾਪਸੀ ਵਿੱਚ ਇੱਕ ਹੋਰ ਨੇ ਪਰੇਸ਼ਾਨੀ ਖੜ੍ਹੀ ਕਰ ਦਿੱਤੀ ਹੈ। ਇਸ ਦੇ ਚੱਲਦੇ ਉਹ ਟੀ20 ਸੀਰੀਜ਼ ਤੋਂ ਬਾਹਰ ਹੋ ਸਕਦੇ ਹਨ।
ਹਾਰਦਿਕ ਪੰਡਯਾ ਦੀ ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ ਵਾਪਸੀ ਵਿੱਚ ਇੱਕ ਹੋਰ ਰੁਕਾਵਟ ਆ ਸਕਦੀ ਹੈ। ਬੀ.ਸੀ.ਸੀ.ਆਈ. ਸੈਂਟਰ ਆਫ਼ ਐਕਸੀਲੈਂਸ (CoE) ਵਿੱਚ ਸਿਖਲਾਈ ਦੇ ਦੌਰਾਨ ਉਨ੍ਹਾਂ ਦੇ ਪੈਰ ਵਿੱਚ ਹਲਕੀ ਸੱਟ ਲੱਗ ਗਈ ਹੈ, ਜਿਸ ਕਾਰਨ ਅਫਗਾਨਿਸਤਾਨ ਵਿਰੁੱਧ ਤਿੰਨ ਮੈਚਾਂ ਦੀ ਟੀ-20 ਸੀਰੀਜ਼ ਦੇ ਲਈ ਉਨ੍ਹਾਂ ਦੀ ਵਾਪਸੀ ‘ਤੇ ਸਵਾਲੀਆ ਨਿਸ਼ਾਨ ਲੱਗ ਗਿਆ ਹੈ। ਇਸ ਸੱਟ ਦਾ ਪਤਾ ਲੱਗਣ ਤੋਂ ਬਾਅਦ, ਹਾਰਦਿਕ ਨੂੰ ਗੇਂਦਬਾਜ਼ੀ ਕਰਨ ਤੋਂ ਰੋਕ ਦਿੱਤਾ ਗਿਆ ਹੈ। ਉਹ ਇਸ ਵੇਲੇ ਬੱਲੇਬਾਜ਼ੀ ‘ਤੇ ਧਿਆਨ ਦੇ ਰਿਹਾ ਹੈ।
ਪੁਨਰਵਾਸ ਦੌਰਾਨ ਪੈਰ ਵਿੱਚ ਲੱਗੀ ਸੱਟ
ਜਾਣਕਾਰੀ ਦੇ ਅਨੁਸਾਰ, ਉਹ ਪੂਰੀ ਤਰ੍ਹਾਂ ਫਿੱਟ ਹੋਣ ਦੇ ਨੇੜੇ ਸੀ, ਪਰ ਇਸ ਨਵੀਂ ਸੱਟ ਕਾਰਨ ਉਸਨੂੰ ਟੀ-20 ਸੀਰੀਜ਼ ਦੇ ਲਈ ਟੀਮ ਵਿੱਚ ਸ਼ਾਮਲ ਨਾ ਕੀਤਾ ਜਾ ਸਕੇ। ਉਮੀਦ ਹੈ ਕਿ ਚੋਣਕਾਰ ਇਸ ਹਫ਼ਤੇ ਮੀਟਿੰਗ ਕਰ ਕੇ 13 ਸਤੰਬਰ ਤੋਂ ਸ਼ੁਰੂ ਹੋਣ ਵਾਲੀ ਟੀ20 ਆਈ ਲੜੀ ਲਈ ਟੀਮ ਚੁਣਨਗੇ। ਇਸ ਲਈ ਉਨ੍ਹਾਂ ਨੂੰ ਜਲਦ ਹੀ ਬੈਂਗਲੁਰੂ ਵਿੱਚ ਰਿਕਵਰ ਕਰ ਰਹੇ ਖਿਡਾਰੀਆਂ ਦੀ ਫਿਟਨੈੱਸ ਬਾਰੇ ਜਾਣਕਾਰੀ ਦਿੱਤੀ ਜਾਵੇਗੀ।
ਸੱਟ ਦੇ ਕਾਰਨ ਕਈ ਸੀਰੀਜ਼ ਕਰ ਚੁੱਕੇ ਹਨ ਮਿਸ
32 ਸਾਲ ਦੇ ਹਾਰਦਿਕ ਪੰਡਯਾ ਨੂੰ ਆਖਰੀ ਵਾਰ ਆਈ.ਪੀ.ਐਲ. ਵਿੱਚ ਖੇਡਦੇ ਦੇਖਿਆ ਗਿਆ ਸੀ। ਉੱਥੇ ਹੀ, ਭਾਰਤੀ ਟੀਮ ਲਈ ਉਹ ਆਖ਼ਰੀ ਵਾਰ 8 ਮਾਰਚ ਨੂੰ ਖੇਡੇ ਗਏ ਟੀ-20 ਵਿਸ਼ਵ ਕੱਪ ਦੇ ਫਾਈਨਲ ਵਿੱਚ ਖੇਡੇ ਸਨ। ਸੱਟ ਕਾਰਨ ਉਹ ਕਈ ਵਾਈਟ ਬਾਲ ਸੀਰੀਜ਼ ਖੁੰਝ ਚੁੱਕੇ ਹਨ, ਜਿਸ ਵਿੱਚ ਅਫ਼ਗ਼ਾਨਿਸਤਾਨ, ਇੰਗਲੈਂਡ ਅਤੇ ਆਇਰਲੈਂਡ ਖ਼ਿਲਾਫ਼ ਸੀਰੀਜ਼ ਸ਼ਾਮਲ ਹੈ। ਹੁਣ ਇਸ ਨਵੀਂ ਸੱਟ ਨੇ ਉਨ੍ਹਾਂ ਦੀ ਪ੍ਰੇਸ਼ਾਨੀ ਵਧਾ ਦਿੱਤੀ ਹੈ।
ਨਿਤੀਸ਼ ਅਤੇ ਸੁੰਦਰ ਕੀਤੀ ਹੋ ਸਕਦੀ ਹੈ ਵਾਪਸੀ
ਦੱਸ ਦਈਏ ਕਿ ਅਫਗਾਨਿਸਤਾਨ ਵਿਰੁੱਧ ਵਨਡੇ ਸੀਰੀਜ਼ ਤੋਂ ਠੀਕ ਪਹਿਲਾਂ, ਪਾਂਡਿਆ ਫਿਰ ਤੋਂ ਆਪਣੇ ਕਵਾਡ੍ਰਿਸੈਪਸ ਵਿੱਚ ਹਲਕੇ ਪੱਧਰ ਦੀ ਮੋਚ ਤੋਂ ਪਰੇਸ਼ਾਨ ਸੀ। ਸੱਟ ਲੱਗਣ ਤੋਂ ਪਹਿਲਾਂ, ਉਹ ਆਪਣੀ ਸਭ ਤੋਂ ਵਧੀਆ ਫਿਟਨੈਸ ਅਤੇ ਸਿਖਲਾਈ ਦੇ ਪੜਾਅ ‘ਤੇ ਸੀ। ਸੋਮਵਾਰ ਨੂੰ ਮਿਲੀ ਜਾਣਕਾਰੀ ਅਨੁਸਾਰ, ਆਲਰਾਉਂਡਰ ਨਿਤੀਸ਼ ਕੁਮਾਰ ਰੈੱਡੀ ਅਤੇ ਵਾਸ਼ਿੰਗਟਨ ਸੁੰਦਰ ਅਫਗਾਨਿਸਤਾਨ ਸੀਰੀਜ਼ ਲਈ ਠੀਕ ਹੋ ਰਹੇ ਹਨ, ਪਰ ਇਨ੍ਹਾਂ ਤਿੰਨ ਮੈਚਾਂ ਵਿੱਚ ਜਸਪ੍ਰੀਤ ਬੁਮਰਾਹ ਦੀ ਭਾਗੀਦਾਰੀ ਅਜੇ ਵੀ ਯਕੀਨੀ ਨਹੀਂ ਹੈ।
