Sports News : 12 ਜੂਨ ਤੋਂ ਫੀਫਾ ਵਿਸ਼ਵ ਕੱਪ 2026 ਸ਼ੁਰੂ ਹੋਣ ਜਾ ਰਿਹਾ ਹੈ, ਜਿਸ ਵਿੱਚ ਦੁਨੀਆ ਭਰ ਦੀਆਂ 48 ਟੀਮਾਂ ਹਿੱਸਾ ਲੈਣਗੀਆਂ। ਇਨ੍ਹਾਂ 48 ਵਿੱਚ ਟੀਮ ਇੰਡੀਆ ਜਗ੍ਹਾ ਨਹੀਂ ਬਣਾ ਸਕੀ ਹੈ। ਵਰਲਡਕਪ ਦੌਰਾਨ ਭਾਰਤੀ ਫੁਟਬਾਲ ਫੈਨਜ਼ ਦੀ ਨਜ਼ਰ ਭਾਵੇਂ ਕਿ ਦੂਜੀਆਂ ਟੀਮਾਂ ਉੱਤੇ ਰਹਿੰਦੀ ਹੈ ਪਰ ਕਿਤੇ ਨਾ ਕਿਤੇ ਮਨ ਵਿੱਚ ਇਹ ਇੱਛਾ ਹੁੰਦੀ ਹੈ ਕਿ ਕਾਸ਼ ਭਾਰਤੀ ਟੀਮ ਵੀ ਫੀਫਾ ਵਰਲਡਕਪ ਖੇਡਦੀ! ਅੱਜ ਤੱਕ ਇਸ ਟੂਰਨਾਮੈਂਟ ਤੋਂ ਦੂਰ ਰਹਿਣ ਵਾਲੀ ਟੀਮ ਇੰਡੀਆ ਨੂੰ 1950 ਦੇ ਵਰਲਡਕਪ ਵਿੱਚ ਖੇਡਣ ਦਾ ਮੌਕਾ ਮਿਲਿਆ ਸੀ ਪਰ ਟੀਮ ਫਿਰ ਵੀ ਨਹੀਂ ਖੇਡ ਸਕੀ।
ਦੂਜੀਆਂ ਟੀਮਾਂ ਦਾ ਸਮਰਥਨ ਕਰਦੇ ਹਨ ਭਾਰਤੀ ਪ੍ਰਸ਼ੰਸਕ
ਹਮੇਸ਼ਾ ਵਾਂਗ, ਇਸ ਵਾਰ ਵੀ, ਜ਼ਿਆਦਾਤਰ ਭਾਰਤੀ ਪ੍ਰਸ਼ੰਸਕ ਅਰਜਨਟੀਨਾ, ਬ੍ਰਾਜ਼ੀਲ, ਫਰਾਂਸ ਅਤੇ ਪੁਰਤਗਾਲ ਵਰਗੀਆਂ ਵੱਡੀਆਂ ਟੀਮਾਂ ਦਾ ਸਮਰਥਨ ਕਰਦੇ ਨਜ਼ਰ ਆਉਂਣਗੇ। ਪਰ ਉਨ੍ਹਾਂ ਦੇ ਮਨ ਵਿੱਚ ਜ਼ਰੂਰ ਇੱਕ ਪਛਤਾਵਾ ਹੋਵੇਗਾ ਕਿ ਟੀਮ ਇੰਡੀਆ ਇੱਥੇ ਨਹੀਂ ਹੈ। ਇਸ ਵਾਰ ਹੀ ਨਹੀਂ, ਟੀਮ ਇੰਡੀਆ ਕਦੇ ਵੀ ਇਸ ਟੂਰਨਾਮੈਂਟ ਵਿੱਚ ਨਹੀਂ ਖੇਡ ਸਕੀ। ਆਓ ਜਾਣਦੇ ਹਾਂ 1950 ਵਿੱਚ ਕੀ ਹੋਇਆ ਕਿ ਟੀਮ ਇੰਡੀਆ ਨੂੰ ਵਿਸ਼ਵ ਕੱਪ ਖੇਡਣ ਦਾ ਮੌਕਾ ਮਿਲਿਆ ਅਤੇ ਇਸ ਦੇ ਬਾਵਜੂਦ ਭਾਰਤੀ ਟੀਮ ਹਿੱਸਾ ਨਹੀਂ ਲੈ ਸਕੀ।
ਇੱਕ ਸਮਾਂ ਸੀ ਜਦੋਂ ਭਾਰਤ ਨੂੰ ਏਸ਼ੀਆ ਕੱਪ ਮਜ਼ਬੂਤ ਟੀਮਾਂ ਵਿੱਚ ਗਿਣਤੀ ਹੁੰਦੀ ਸੀ। ਸਾਲ 1950 ਵਿੱਚ, ਬ੍ਰਾਜ਼ੀਲ ਵਿੱਚ ਆਯੋਜਿਤ ਫੀਫਾ ਵਿਸ਼ਵ ਕੱਪ ਦੇ ਲਈ ਭਾਰਤੀ ਟੀਮ ਨੇ ਕੁਆਲੀਫਾਈ ਕੀਤਾ ਸੀ। ਉਸ ਸਮੇਂ, ਏਸ਼ੀਆਈ ਖੇਤਰ ਦੀਆਂ ਕਈ ਟੀਮਾਂ ਨੇ ਆਪਣਾ ਨਾਮ ਵਾਪਸ ਲੈ ਹਿੱਸਾ ਲਿਆ, ਜਿਸ ਦੇ ਬਾਅਦ ਭਾਰਤ ਨੂੰ ਸਿੱਧੇ ਟੂਰਨਾਮੈਂਟ ਵਿੱਚ ਜਗ੍ਹਾ ਮਿਲ ਗਈ ਸੀ। ਇਸ ਨੂੰ ਭਾਰਤੀ ਫੁੱਟਬਾਲ ਦੇ ਇਤਿਹਾਸ ਦਾ ਸਭ ਤੋਂ ਵੱਡਾ ਮੌਕਾ ਮੰਨਿਆ ਜਾਂਦਾ ਹੈ।
ਫੰਡਾਂ ਦੀ ਘਾਟ ਨੇ ਚਕਨਾਚੂਰ ਕੀਤਾ ਸੁਪਨਾ
ਹਾਲਾਕਿ ਭਾਰਤੀ ਟੀਮ ਇਸ ਇਤਿਹਾਸਕ ਟੂਰਨਾਮੈਂਟ ਵਿੱਚ ਹਿੱਸਾ ਨਹੀਂ ਲੈ ਸਕੀ, ਇਸ ਪਿੱਛੇ ਕਈ ਕਾਰਨ ਦੱਸੇ ਗਏ ਹਨ, ਪਰ ਸਭ ਤੋਂ ਵੱਡਾ ਕਾਰਨ ਆਰਥਿਕ ਸਮੱਸਿਆ ਮੰਨਿਆ ਜਾਂਦਾ ਹੈ। ਉਸ ਸਮੇਂ, ਆਲ ਇੰਡੀਆ ਫੁੱਟਬਾਲ ਫੈਡਰੇਸ਼ਨ (AIFF) ਕੋਲ ਟੀਮ ਨੂੰ ਬ੍ਰਾਜ਼ੀਲ ਭੇਜਣ ਲਈ ਇੰਨੇ ਪੈਸੇ ਨਹੀਂ ਸਨ। ਲੰਬੀ ਯਾਤਰਾ ਅਤੇ ਖਿਡਾਰੀਆਂ ਦੇ ਖਰਚਿਆਂ ਨੂੰ ਚੁੱਕਣਾ ਫੈਡਰੇਸ਼ਨ ਦੇ ਲਈ ਆਸਾਨ ਨਹੀਂ ਸੀ। ਇਸ ਤੋਂ ਇਲਾਵਾ, ਉਸ ਸਮੇਂ ਫੁੱਟਬਾਲ ਦੀ ਤੁਲਨਾ ਵਿੱਚ ਓਲੰਪਿਕ ਨੂੰ ਜ਼ਿਆਦਾ ਮਹੱਤਤਾ ਦਿੱਤੀ ਜਾਦੀ ਸੀ, ਇਸ ਲਈ ਵੀ ਵਿਸ਼ਵ ਕੱਪ ਨੂੰ ਬਹੁਤੀ ਗੰਭੀਰਤਾ ਨਹੀਂ ਦਿੱਤੀ ਗਈ ਸੀ।
ਮੰਨਿਆ ਜਾਂਦਾ ਹੈ ਕਿ ਜੇ ਭਾਰਤ ਉਸ ਸਮੇਂ ਫੀਫਾ ਵਰਲਡ ਕਪ ਵਿੱਚ ਖੇਡਦਾ, ਤਾਂ ਸ਼ਾਇਦ ਅੱਜ ਭਾਰਤੀ ਫੁਟਬਾਲ ਦੀ ਤਸਵੀਰ ਵੱਖ ਹੁੰਦੀ। ਇਸ ਤੋਂ ਬਾਅਦ ਭਾਰਤ ਕਦੀ ਵੀ ਫੀਫਾ ਵਰਲਡ ਕਪ ਲਈ ਕੁਆਲੀਫਾਈ ਨਹੀਂ ਕਰ ਸਕਿਆ। ਹਾਲਾਂਕਿ ਪਿਛਲੇ ਕੁਝ ਸਾਲਾਂ ਵਿੱਚ ਭਾਰਤੀ ਫੁਟਬਾਲ ਵਿੱਚ ਸੁਧਾਰ ਜ਼ਰੂਰ ਦੇਖਣ ਨੂੰ ਮਿਲਿਆ ਹੈ। ਇੰਡੀਅਨ ਸੁਪਰ ਲੀਗ (ISL) ਦੇ ਆਉਣ ਨਾਲ ਫੁਟਬਾਲ ਦੀ ਪ੍ਰਸਿੱਧੀ ਵਧੀ ਹੈ, ਅਤੇ ਨੌਜਵਾਨ ਖਿਡਾਰੀਆਂ ਨੂੰ ਇੱਕ ਬਿਹਤਰ ਪਲੇਟਫਾਰਮ ਮਿਲ ਗਿਆ ਹੈ। ਹਾਲਾਂਕਿ, ਟੀਮ ਇੰਡੀਆ ਅਜੇ ਵੀ ਫੀਫਾ ਵਿਸ਼ਵ ਕੱਪ ਲਈ ਕੁਆਲੀਫਾਈ ਕਰਨ ਲਈ ਕਾਫ਼ੀ ਵਧੀਆ ਪ੍ਰਦਰਸ਼ਨ ਨਹੀਂ ਕਰ ਰਹੀ ਹੈ।
