ਸਪੋਰਟਸ ਨਿਊਜ਼ : ਫਿਨਲੈਂਡ ਟੀਮ ਵਿੱਚ ਭਾਰਤੀ ਮੂਲ ਦੇ ਤੇਜ਼ ਗੇਂਦਬਾਜ਼ ਮਹੇਸ਼ ਤਾਂਬੇ ਨੇ ਟੈਲਿਨ ਵਿੱਚ ਇ ਤਿਹਾਸ ਰਚ ਦਿੱਤਾ ਜਦੋਂ ਉਨ੍ਹਾਂ ਨੇ ਟੀ-20 ਅੰਤਰਰਾਸ਼ਟਰੀ ਇਤਿਹਾਸ ਵਿੱਚ ਸਭ ਤੋਂ ਤੇਜ਼ ਪੰਜ ਵਿਕਟਾਂ ਲੈਣ ਦਾ ਰਿਕਾਰਡ ਬਣਾਇਆ। ਫਿਨਲੈਂਡ ਦੇ ਐਸਟੋਨੀਆ ਦੌਰੇ ਦੇ ਤੀਜੇ ਟੀ-20 ਅੰਤਰਰਾਸ਼ਟਰੀ ਮੈਚ ਵਿੱਚ, ਉਨ੍ਹਾਂ ਨੇ ਆਪਣੀਆਂ ਪਹਿਲੀਆਂ ਨੌਂ ਗੇਂਦਾਂ ਵਿੱਚ ਪੰਜ ਵਿਕਟਾਂ ਲਈਆਂ।
ਇਸ ਤੋਂ ਪਹਿਲਾਂ ਇਹ ਰਿਕਾਰਡ ਬਹਿਰੀਨ ਦੇ ਜੁਨੈਦ ਅਜ਼ੀਜ਼ ਦੇ ਨਾਮ ਸੀ, ਜਿਨ੍ਹਾਂ ਨੇ 2022 ਵਿੱਚ ਜਰਮਨੀ ਵਿਰੁੱਧ 10 ਗੇਂਦਾਂ ਵਿੱਚ ਪੰਜ ਵਿਕਟਾਂ ਲਈਆਂ ਸਨ। ਟੈਸਟ ਖੇਡਣ ਵਾਲੇ ਦੇਸ਼ਾਂ ਅਤੇ ਪੂਰੀ ਮੈਂਬਰ ਟੀਮਾਂ ਵਿੱਚੋਂ, ਅਫਗਾਨਿਸਤਾਨ ਦੇ ਰਾਸ਼ਿਦ ਖਾਨ ਨੇ 2017 ਵਿੱਚ ਆਇਰਲੈਂਡ ਵਿਰੁੱਧ 11 ਗੇਂਦਾਂ ਵਿੱਚ ਪੰਜ ਵਿਕਟਾਂ ਲਈਆਂ ਸਨ।
ਫਿਨਲੈਂਡ ਦੇ ਕਪਤਾਨ ਅਮਜਦ ਸ਼ੇਰ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫ਼ੈਸਲਾ ਕੀਤਾ। ਤਾਂਬੇ ਨੇ ਪਹਿਲਾਂ ਵਿਕਟ 17ਵੇਂ ਓਵਰ ਵਿੱਚ ਸਾਹਿਲ ਚੌਹਾਨ ਦੇ ਰੂਪ ਵਿੱਚ ਲਿਆ। ਚੌਹਾਨ ਦੇ ਨਾਮ ਸਿਰਫ਼ 27 ਗੇਂਦਾਂ ਵਿੱਚ ਸਭ ਤੋਂ ਤੇਜ਼ ਟੀ-20 ਸੈਂਕੜਾ ਲਗਾਉਣ ਦਾ ਰਿਕਾਰਡ ਹੈ। ਉਨ੍ਹਾਂ ਨੇ ਅਗਲੀ ਹੀ ਗੇਂਦ ‘ਤੇ ਮੁਹੰਮਦ ਉਸਮਾਨ ਦੀ ਵਿਕਟ ਲਈ। ਇਸ ਤੋਂ ਬਾਅਦ, ਉਨ੍ਹਾਂ ਨੇ ਓਵਰ ਦੀ ਆਖਰੀ ਗੇਂਦ ‘ਤੇ ਸਟੀਫਨ ਗੂਚ ਨੂੰ ਆਊਟ ਕੀਤਾ। ਇਸ ਤੋਂ ਪਹਿਲਾਂ ਗੂਚ ਰਿਟਾਇਰਡ ਹਰਟ ਹੋ ਗਏ ਸਨ। ਫਿਰ 19ਵੇਂ ਓਵਰ ਵਿੱਚ, ਤਾਂਬੇ ਨੇ ਰੂਪਮ ਬਰੂਆ ਅਤੇ ਪ੍ਰਣਯ ਘੀਵਾਲਾ ਦੀਆਂ ਵਿਕਟਾਂ ਲਈਆਂ। ਤਾਂਬੇ ਨੇ ਸਿਰਫ਼ ਦੋ ਓਵਰ ਗੇਂਦਬਾਜ਼ੀ ਕੀਤੀ, 19 ਦੌੜਾਂ ਦਿੱਤੀਆਂ ਅਤੇ ਪੰਜ ਵਿਕਟਾਂ ਲਈਆਂ। ਆਪਣੀਆਂ ਪੰਜ ਵਿਕਟਾਂ ਦੀ ਬਦੌਲਤ, ਫਿਨਲੈਂਡ ਨੇ ਐਸਟੋਨੀਆ ਨੂੰ 19.4 ਓਵਰਾਂ ਵਿੱਚ 141 ਦੌੜਾਂ ‘ਤੇ ਆਊਟ ਕਰ ਦਿੱਤਾ।
ਰਨ ਚੇਂਜ ਵਿੱਚ ਫਿਨਲੈਂਡ ਦੇ ਸਲਾਮੀ ਬੱਲੇਬਾਜ਼ ਅਰਵਿੰਦ ਮੋਹਨ ਨੇ ਲਗਾਤਾਰ ਵਿਕਟਾਂ ਡਿੱਗਣ ਦੇ ਬਾਵਜੂਦ ਟੀਚੇ ਦਾ ਪਿੱਛਾ ਕਰਨ ਵਿੱਚ ਵੱਡੀ ਭੂਮਿਕਾ ਨਿਭਾਈ। ਵਿਕਟਕੀਪਰ ਬੱਲੇਬਾਜ਼ ਜੌਰਡਨ ਓ’ਬ੍ਰਾਇਨ ਦੀ 11 ਗੇਂਦਾਂ ਵਿੱਚ 18 ਦੌੜਾਂ ਦੀ ਪਾਰੀ ਨੇ ਸਕੋਰਿੰਗ ਦੀ ਗਤੀ ਨੂੰ ਵਧਾਉਣ ਵਿੱਚ ਮਦਦ ਕੀਤੀ। ਫਿਨਲੈਂਡ ਨੇ 19ਵੇਂ ਓਵਰ ਵਿੱਚ ਜਿੱਤ ਪ੍ਰਾਪਤ ਕੀਤੀ । ਮੋਹਨ 60 ਗੇਂਦਾਂ ਵਿੱਚ ਛੇ ਚੌਕੇ ਅਤੇ ਇੱਕ ਛੱਕੇ ਦੀ ਮਦਦ ਨਾਲ 67 ਦੌੜਾਂ ਬਣਾ ਕੇ ਨਾਬਾਦ ਰਹੇ। ਫਿਨਲੈਂਡ ਨੇ 11 ਗੇਂਦਾਂ ਬਾਕੀ ਰਹਿੰਦਿਆਂ ਪੰਜ ਵਿਕਟਾਂ ਨਾਲ ਮੈਚ ਜਿੱਤ ਲਿਆ। ਉਨ੍ਹਾਂ ਨੇ ਤਿੰਨ ਮੈਚਾਂ ਦੀ ਟੀ-20 ਲੜੀ ਵੀ 2-1 ਨਾਲ ਜਿੱਤ ਲਈ।
