ਅਮਰੀਕਾ: ਟੇਸਲਾ ਅਤੇ ਸਪੇਸਐਕਸ ਨਾਲ ਜੁੜੇ ਕਾਰੋਬਾਰੀ ਐਲੋਨ ਮਸਕ ਅਤੇ ਨਿਊਰਾਲਿੰਕ ਦੀ ਕਾਰਜਕਾਰੀ ਸ਼ਿਵੋਨ ਗਿਲਿਸ ਦੇ ਰਿਸ਼ਤੇ ਵਿੱਚ ਵੱਖਰਾ ਹੋ ਗਿਆ ਹੈ। ਗਿਲਿਸ ਨੇ ਸੋਸ਼ਲ ਮੀਡੀਆ ਮੰਚ ਐਕਸ ’ਤੇ ਪੋਸਟ ਕਰਕੇ ਮਸਕ ਨਾਲ ਬ੍ਰੇਕਅੱਪ ਦੀ ਪੁਸ਼ਟੀ ਕੀਤੀ ਹੈ। ਦੋਵਾਂ ਦੇ ਇਕੱਠੇ ਚਾਰ ਬੱਚੇ ਹਨ।
ਮਸਕ ਨੇ ਕਰੀਬ ਇੱਕ ਹਫ਼ਤਾ ਪਹਿਲਾਂ ਉਸ ਨੂੰ ‘ਮੈਂ ਤੁਹਾਨੂੰ ਪਿਆਰ ਕਰਦਾ ਹਾਂ’ ਕਿਹਾ ਸੀ, ਪਰ ਇਸ ਤੋਂ ਬਾਅਦ ਦੋਵਾਂ ਦਾ ਅਚਾਨਕ ਬ੍ਰੇਕਅੱਪ ਹੋ ਗਿਆ। ਉਸ ਮੁਤਾਬਕ ਉਸ ਨੂੰ ਇਸ ਵੱਖਰੇ ਹੋਣ ਬਾਰੇ ਪਹਿਲਾਂ ਕੋਈ ਚੇਤਾਵਨੀ ਨਹੀਂ ਮਿਲੀ ਸੀ।
ਗਿਲਿਸ ਨੇ ਇਹ ਵੀ ਕਿਹਾ ਕਿ ਉਹ ਇਸ ਬ੍ਰੇਕਅੱਪ ਕਾਰਨ ਦੁਖੀ ਹੈ, ਪਰ ਇਸ ਦੇ ਬਾਵਜੂਦ ਉਹ ਮਸਕ ਦੀ ਡੂੰਘੀ ਪਰਵਾਹ ਕਰਦੀ ਹੈ। ਉਸ ਨੇ ਮਸਕ ਲਈ ਭਵਿੱਖ ਵਿੱਚ ਖੁਸ਼ੀਆਂ ਦੀ ਕਾਮਨਾ ਕੀਤੀ ਅਤੇ ਉਮੀਦ ਜਤਾਈ ਕਿ ਦੋਵੇਂ ਅੱਗੇ ਵੀ ਚੰਗੇ ਦੋਸਤ ਬਣੇ ਰਹਿਣਗੇ।
ਉਸ ਨੇ ਆਪਣੇ ਬੱਚਿਆਂ ਦੀ ਪਰਵਰਿਸ਼ ਨੂੰ ਲੈ ਕੇ ਵੀ ਆਪਣੀ ਇੱਛਾ ਜ਼ਾਹਰ ਕੀਤੀ। ਗਿਲਿਸ ਮੁਤਾਬਕ ਉਹ ਅਤੇ ਮਸਕ ਆਪਣੇ ਬੱਚਿਆਂ ਨੂੰ ਮਿਲ ਕੇ ਪਾਲਣ ਦੀ ਕੋਸ਼ਿਸ਼ ਕਰਨਗੇ।
ਸ਼ਿਵੋਨ ਗਿਲਿਸ ਨਿਊਰਾਲਿੰਕ ਵਿੱਚ ਕਾਰਜਕਾਰੀ ਅਹੁਦੇ ’ਤੇ ਕੰਮ ਕਰਦੀ ਹੈ। ਨਿਊਰਾਲਿੰਕ ਮਸਕ ਦੀਆਂ ਕੰਪਨੀਆਂ ਵਿੱਚੋਂ ਇੱਕ ਹੈ, ਜੋ ਮਨੁੱਖੀ ਦਿਮਾਗ ਅਤੇ ਕੰਪਿਊਟਰ ਵਿਚਕਾਰ ਸਿੱਧਾ ਸੰਪਰਕ ਬਣਾਉਣ ਵਾਲੀ ਤਕਨਾਲੋਜੀ ’ਤੇ ਕੰਮ ਕਰ ਰਹੀ ਹੈ।
ਮਸਕ ਅਤੇ ਗਿਲਿਸ ਦੇ ਨਿੱਜੀ ਰਿਸ਼ਤੇ ਨੂੰ ਲੈ ਕੇ ਪਹਿਲਾਂ ਵੀ ਕਈ ਰਿਪੋਰਟਾਂ ਸਾਹਮਣੇ ਆ ਚੁੱਕੀਆਂ ਹਨ। ਹੁਣ ਗਿਲਿਸ ਦੇ ਬਿਆਨ ਤੋਂ ਬਾਅਦ ਦੋਵਾਂ ਦੇ ਰਿਸ਼ਤੇ ਵਿੱਚ ਆਏ ਬਦਲਾਅ ਦੀ ਪੁਸ਼ਟੀ ਹੋਈ ਹੈ।
