ਤਪਾ ਮੰਡੀ : ਪਾਵਰਕਾਮ ਸਬ-ਡਿਵੀਜ਼ਨ ਵਨ ਦੇ ਐਸ.ਡੀ.ਓ. ਰਾਮ ਸਿੰਘ ਅਤੇ ਜੇ.ਈ. ਪਰਮਿੰਦਰ ਸਿੰਘ ਨੇ ਦੱਸਿਆ ਹੈ ਕਿ ਸਿਵਲ ਹਸਪਤਾਲ ਦੇ ਲਈ ਇੱਕ ਵਿਸ਼ੇਸ਼ ਫੀਡਰ ਕੇਬਲ ਵਿਛਾਉਣ ਦਾ ਕੰਮ 10 ਅਪ੍ਰੈਲ, 2026 ਤੋਂ 15 ਅਪ੍ਰੈਲ, 2026 ਤੱਕ ਕੀਤਾ ਜਾਵੇਗਾ। ਇਸ ਵਜ੍ਹਾ ਨਾਲ ਤਪਾ ਸ਼ਹਿਰ ਨੂੰ ਬਿਜਲੀ ਸਪਲਾਈ ਹਰ ਰੋਜ਼ ਸਵੇਰੇ 10:00 ਵਜੇ ਤੋਂ ਸ਼ਾਮ 6:00 ਵਜੇ ਤੱਕ ਬੰਦ ਰਹੇਗੀ। ਇਸ ਦੌਰਾਨ, ਸਦਰ ਬਾਜ਼ਾਰ, ਤਪਾ-1, ਤਪਾ-3 ਅਤੇ ਬਾਲਮੀਕੀ ਚੌਕ ਫੀਲਡ ਦੇ ਤਹਿਤ ਆਉਣ ਵਾਲੇ ਆਉਣ ਵਾਲੇ ਇਲਾਕਿਆਂ ਵਿੱਚ ਬਿਜਲੀ ਸਪਲਾਈ ’ਤੇ ਅਸਰ ਪਵੇਗਾ। ਬਿਜਲੀ ਵਿਭਾਗ ਨੇ ਜਨਤਾ ਨੂੰ ਅਪੀਲ ਕੀਤੀ ਹੈ ਕਿ ਉਹ ਇਸ ਦੌਰਾਨ ਆਪਣੀ ਜ਼ਰੂਰਤਾਂ ਦੇ ਹਿਸਾਲ ਨਾਲ ਪਹਿਲਾਂ ਤੋਂ ਤਿਆਰੀ ਕਰ ਲੈਣ।
ਗੜ੍ਹਦੀਵਾਲਾ: ਅਸਿਸਟੈਂਟ ਐਗਜ਼ੀਕਿਊਟਿਵ ਇੰਜੀਨੀਅਰ ਦਰਸ਼ਵੀਰ ਸਿੰਘ ਪੀ.ਐਸ.ਪੀ.ਸੀ.ਐਲ ਸਬ-ਡਿਵੀਜ਼ਨ ਗੜ੍ਹਦੀਵਾਲਾ ਵੱਲੋਂ ਜਾਰੀ ਪ੍ਰੈਸ ਨੋਟ ਮੁਤਾਬਿਕ 66 ਕੇ.ਵੀ ਸਬ-ਸਟੇਸ਼ਨ ਗੜ੍ਹਦੀਵਾਲਾ ਤੋਂ ਚੱਲਣ ਵਾਲੇ ਪੰਡੋਰੀ ਅਟਵਾਲ ਕੰਡੀ ਮਿਕਸ ਫੀਡਰ ਅਤੇ ਮਸਤੀਵਾਲ ਕੰਡੀ ਮਿਕਸ ਫੀਡਰ ਦੀ ਜ਼ਰੂਰੀ ਮੇਨਟੇਨੈਂਸ ਲਈ 10 ਅਪ੍ਰੈਲ ਨੂੰ ਸਵੇਰੇ 10 ਵਜੇ ਤੋਂ ਦੁਪਹਿਰ 3 ਵਜੇ ਤੱਕ ਬਿਜਲੀ ਸਪਲਾਈ ਬੰਦ ਰਹੇਗੀ। ਇਸ ਕਾਰਨ ਪੰਡੋਰੀ ਅਟਵਾਲ, ਸਹਿਜੋਵਾਲ ਮੂਸਾ, ਨੰਗਲ ਥਥਲ, ਨੰਗਲ ਘੋੜਾਵਾਹਾ, ਟੈਂਟਪਾਲ, ਚੱਕਲਦੀਆਂ ਗੱਜਾ ਨਾਰੂਰ, ਮਨਹੋਤਾ, ਮਸਤੀਵਾਲ ਸੰਘਵਾਲ ਆਦਿ ਪਿੰਡਾਂ ਨੂੰ ਸਪਲਾਈ ਬੰਦ ਰਹੇਗੀ।
ਜਲਾਲਾਬਾਦ: 132 ਕੇਵੀ ਸਬ-ਡਵੀਜ਼ਨ ਜਲਾਲਾਬਾਦ ਵਿੱਚ 11 ਕੇਵੀ ਬੱਸਬਾਰ ਦੀ ਜ਼ਰੂਰੀ ਮੁਰੰਮਤ ਕਾਰਨ, 10 ਅਪ੍ਰੈਲ ਨੂੰ ਸਵੇਰੇ 9 ਵਜੇ ਤੋਂ ਸ਼ਾਮ 5 ਵਜੇ ਤੱਕ 11 ਕੇਵੀ ਅਰਬਨ, ਆਲਮਕੇ, ਟਿਵਾਣਾ ਰੋਡ, ਬਾਘਾ ਬਾਜ਼ਾਰ, ਸੁਖੇਰਾ, ਘੁਰੀ, ਕਾਲੂ ਵਾਲਾ, ਘੰਗਾ, ਗੁੰਮਣੀਵਾਲਾ ਅਤੇ ਫਾਜ਼ਿਲਕਾ ਰੋਡ ਫੀਡਰਾਂ ਦੀ ਬਿਜਲੀ ਸਪਲਾਈ ਬੰਦ ਰਹੇਗੀ। ਇਹ ਜਾਣਕਾਰੀ ਪੰਜਾਬ ਸਟੇਟ ਪਾਵਰ ਕਾਰਪੋਰੇਸ਼ਨ ਲਿਮਟਿਡ, ਜਲਾਲਾਬਾਦ ਅਰਬਨ ਸਬ-ਡਵੀਜ਼ਨ ਦੇ ਐਸਡੀਓ ਸੰਦੀਪ ਕੁਮਾਰ ਨੇ ਦਿੱਤੀ।
ਸੁਲਤਾਨਪੁਰ ਲੋਧੀ: ਪੰਜਾਬ ਸਟੇਟ ਪਾਵਰ ਕਾਰਪੋਰੇਸ਼ਨ ਕਾਰਪੋਰੇਸ਼ਨ ਗਰਿੱਡ ਟਿੱਬਾ ਤੋਂ ਚੱਲਣ ਵਾਲੇ ਸ਼ਹਿਰੀ ਫੀਡਰ 10 ਤਰੀਕ ਨੂੰ ਬੰਦ ਰਹਿਣਗੇ। ਇਸ ਬਾਰੇ ਜਾਣਕਾਰੀ ਦਿੰਦੇ ਹੋਏ ਸਬ-ਡਵੀਜ਼ਨ ਟਿੱਬਾ ਦੇ ਇੰਜੀਨੀਅਰ ਜੋਗਿੰਦਰ ਸਿੰਘ ਅਤੇ ਜੇਈ ਸਰਬਜੀਤ ਸਿੰਘ ਨੇ ਦੱਸਿਆ ਕਿ ਜ਼ਰੂਰੀ ਗਰਿੱਡ ਮੁਰੰਮਤ ਕਾਰਨ, 10 ਤਰੀਕ ਨੂੰ ਸਵੇਰੇ 10 ਵਜੇ ਤੋਂ ਸ਼ਾਮ 4 ਵਜੇ ਤੱਕ ਟਿੱਬਾ, ਕਾਲਰੂ, ਨਸੀਰਪੁਰ ਪਿੰਡਾਂ ਅਤੇ ਜਵਾਹਰ ਨਵੋਦਿਆ ਸਕੂਲ ਦੇ ਨਾਲ ਲੱਗਦੀਆਂ ਬਸਤੀਆਂ ਵਿੱਚ ਬਿਜਲੀ ਕੱਟ ਦਿੱਤੀ ਜਾਵੇਗੀ।
ਖਰੜ : ਪੰਜਾਬ ਸਟੇਟ ਪਾਵਰਕਾਮ ਦੇ ਸਾਬਕਾ ਇੰਜੀਨੀਅਰ ਇੰਦਰਪ੍ਰੀਤ ਸਿੰਘ ਨੇ ਦੱਸਿਆ ਕਿ 66 ਕੇਵੀ ਸੰਨੀ ਐਨਕਲੇਵ ਲਾਈਨ ‘ਤੇ ਜ਼ਰੂਰੀ ਮੁਰੰਮਤ ਅਤੇ ਅਪਗ੍ਰੇਡ ਦਾ ਕੰਮ ਕੀਤਾ ਜਾ ਰਿਹਾ ਹੈ। ਇਸ ਜ਼ਰੂਰੀ ਕੰਮ ਕਾਰਨ, ਸੰਨੀ ਗਰਿੱਡ ਤੋਂ ਬਿਜਲੀ ਸਪਲਾਈ ਕੁਝ ਦਿਨਾਂ ਲਈ ਮੁਅੱਤਲ ਰਹੇਗੀ। ਉਨ੍ਹਾਂ ਨੇ ਦੱਸਿਆ ਕਿ 10, 11, 13, 15 ਅਤੇ 17 ਅਪ੍ਰੈਲ ਨੂੰ ਸਵੇਰੇ 9 ਵਜੇ ਤੋਂ ਸ਼ਾਮ 5 ਵਜੇ ਤੱਕ ਬਿਜਲੀ ਸਪਲਾਈ ਪ੍ਰਭਾਵਿਤ ਰਹੇਗੀ। ਇਸ ਸਮੇਂ ਦੌਰਾਨ, ਸੰਨੀ ਗਰਿੱਡ ਨਾਲ ਜੁੜੇ ਸਾਰੇ ਫੀਡਰ ਬੰਦ ਰਹਿਣਗੇ, ਜਿਸ ਦੇ ਨਤੀਜੇ ਵਜੋਂ ਛੱਜੂਮਾਜਰਾ, ਨਿਜ਼ਰ ਰੋਡ, ਸੰਨੀ ਐਨਕਲੇਵ, ਗਲੋਬਲ ਸਿਟੀ ਅਤੇ ਮਾਡਲ ਟਾਊਨ ਦੇ ਖੇਤਰਾਂ ਵਿੱਚ 11 ਕੇ.ਵੀ. ਬਿਜਲੀ ਸਪਲਾਈ ਪੂਰੀ ਤਰ੍ਹਾਂ ਬੰਦ ਹੋ ਜਾਵੇਗੀ। ਐਕਸੀਅਨ ਨੇ ਕਿਹਾ ਕਿ ਇਹ ਕੰਮ ਬਹੁਤ ਜ਼ਰੂਰੀ ਹੈ, ਅਤੇ ਇਸ ਲਈ ਸਾਰੇ ਖਪਤਕਾਰਾਂ ਨੂੰ ਇਸ ਸਮੇਂ ਦੌਰਾਨ ਪੂਰਾ ਸਹਿਯੋਗ ਕਰਨ ਦੀ ਬੇਨਤੀ ਕੀਤੀ ਜਾਂਦੀ ਹੈ।
