ਨਵੀਂ ਦਿੱਲੀ : ਕਲਾਉਡ ਪਾਰਟੀਕਲ ਘੁਟਾਲੇ ਵਿੱਚ, ਇਨਫੋਰਸਮੈਂਟ ਡਾਇਰੈਕਟੋਰੇਟ ਨੇ ਦੇਸ਼ ਵਿੱਚ ਕਈ ਥਾਵਾਂ ‘ਤੇ ਵੱਡੇ ਛਾਪੇ ਮਾਰੇ ਹਨ। ਈਡੀ ਦੇ ਜਲੰਧਰ ਜ਼ੋਨਲ ਦਫ਼ਤਰ ਦੀ ਟੀਮ ਨੇ ਇੱਕੋ ਸਮੇਂ ਪੰਜਾਬ, ਹਰਿਆਣਾ ਅਤੇ ਮਹਾਰਾਸ਼ਟਰ ਵਿੱਚ 10 ਥਾਵਾਂ ‘ਤੇ ਛਾਪੇਮਾਰੀ ਕੀਤੀ। ਇਹ ਕਾਰਵਾਈ ਵਿਊਨਾਉ ਗਰੁੱਪ ਆਫ਼ ਕੰਪਨੀਜ਼ ਅਤੇ ਇਸ ਨਾਲ ਜੁੜੇ ਲੋਕਾਂ ਵਿਰੁੱਧ ਮਨੀ ਲਾਂਡਰਿੰਗ ਜਾਂਚ ਦੇ ਤਹਿਤ ਕੀਤੀ ਗਈ ਸੀ। ਈ.ਡੀ ਨੇ ਇਸ ਸਮੇਂ ਦੌਰਾਨ 73.72 ਕਰੋੜ ਰੁਪਏ ਦੀ ਜਾਇਦਾਦ ਜ਼ਬਤ ਕੀਤੀ ਹੈ।
ਈ.ਡੀ ਦੀ ਜਾਂਚ ਵਿ੍ਊਨਾਊ ਇੰਫਰਾਟੈਕ ਲਿਮਿਟੇਡ, ਇਸਦੇ ਡਾਇਰੈਕਟਰ ਰਾਹੁਲ ਆਨੰਦ ਭਾਰਗਵ ਅਤੇ ਗਰੁੱਪ ਦੇ ਸੀ.ਈ.ਓ-ਫਾਉਂਡਰ ਸੁਖਵਿੰਦਰ ਸਿੰਘ ਖਾਰੌਰ ਸਮੇਤ ਕਈ ਹੋਰ ਮੁਲਜ਼ਮਾਂ ਖਿਲਾਫ ਚੱਲ ਰਹੀ ਹੈ। ਇਹ ਮਾਮਲਾ ਗੌਤਮ ਬੁੱਧ ਨਗਰ ਪੁਲਿਸ ਅਤੇ ਪੰਜਾਬ ਪੁਲਿਸ ਵੱਲੋਂ ਦਰਜ ਕੀਤੀਆਂ ਕਈ ਐਫ.ਆਈ.ਆਰ ‘ਤੇ ਆਧਾਰਿਤ ਹੈ।
ਕੀ ਹੈ ‘ਕਲਾਉਡ ਪਾਰਟੀਕਲ ਘੁਟਾਲਾ’?
ਈ.ਡੀ. ਦੇ ਅਨੁਸਾਰ, ਸੁਖਵਿੰਦਰ ਸਿੰਘ ਖਰੌਰ ਅਤੇ ਉਨ੍ਹਾਂ ਦੇ ਸਾਥੀਆਂ ਨੇ ਕਈ ਹਜ਼ਾਰ ਕਰੋੜ ਰੁਪਏ ਦਾ ‘ਕਲਾਉਡ ਪਾਰਟੀਕਲ’ ਘੁਟਾਲਾ ਰਚਿਆ ਸੀ। ਨਿਵੇਸ਼ਕਾਂ ਨੂੰ ‘ਕਲਾਉਡ ਪਾਰਟੀਕਲ’ ਨਾਮਕ ਇੱਕ ਤਕਨਾਲੋਜੀ ਕਾਰੋਬਾਰੀ ਯੋਜਨਾ ਵਿੱਚ ਪੈਸੇ ਲਗਾਉਣ ਦਾ ਲਾਲਚ ਦਿੱਤਾ ਗਿਆ ਸੀ। ਇਹ ਯੋਜਨਾ ਸੇਲ-ਐਂਡ-ਲੀਜ਼-ਬੈਕ ਮਾਡਲ (SLB ਮਾਡਲ) ‘ਤੇ ਅਧਾਰਤ ਦੱਸੀ ਜਾਂਦੀ ਸੀ, ਪਰ ਅਸਲ ਵਿੱਚ ਇਸਦਾ ਕੋਈ ਠੋਸ ਕਾਰੋਬਾਰ ਨਹੀਂ ਸੀ।
ਕੰਪਨੀ ਕੋਲ ਕਲਾਉਡ ਪਾਰਟੀਕਲਸ ਨੂੰ ਕਿਰਾਏ ‘ਤੇ ਦੇਣ ਲਈ ਲਗਭਗ ਕੋਈ ਅਸਲੀ ਗਾਹਕ ਨਹੀਂ ਸੀ। ਇਸ ਤੋਂ ਇਲਾਵਾ, ਕਿਸੇ ਵੀ ਡੇਟਾ ਸੈਂਟਰ ਕਲਾਇੰਟ ਤੋਂ ਅਸਲ ਵਿੱਚ ਕੋਈ ਕਿਰਾਇਆ ਨਹੀਂ ਮਿਲਿਆ ਸੀ। ਇਹ ਪੂਰੀ ਸਕੀਮ ਸਿਰਫ਼ ਪੈਸੇ ਕਮਾਉਣ ਦੀ ਖੇਡ ਸੀ।
ਜਾਂਚ ਵਿੱਚ ਇਹ ਵੀ ਖੁਲਾਸਾ ਹੋਇਆ ਕਿ ਈ.ਡੀ. ਦੀ ਜਾਂਚ ਸ਼ੁਰੂ ਹੋਣ ਤੋਂ ਬਾਅਦ, ਵਾਈਨਾਓ ਗਰੁੱਪ ਨੇ ਨਿਵੇਸ਼ਕਾਂ ਨੂੰ ਕਿਰਾਇਆ ਦੇਣਾ ਬੰਦ ਕਰ ਦਿੱਤਾ, ਕਿਉਂਕਿ ਨਵੇਂ ਨਿਵੇਸ਼ਕ ਆਉਣੇ ਬੰਦ ਹੋ ਗਏ ਸਨ ਅਤੇ ਅਸਲ ਵਿੱਚ ਕੋਈ ਵੀ ਗਾਹਕ ਨਹੀਂ ਸੀ ਜੋ ਕਿਰਾਇਆ ਦਿੰਦਾ।
ਛਾਪੇਮਾਰੀ ਵਿੱਚ ਕੀ ਬਰਾਮਦ ਹੋਇਆ?
- 23.90 ਲੱਖ ਰੁਪਏ ਦੀ ਨਕਦੀ,
- ਇਲੈਕਟ੍ਰਾਨਿਕ ਡਿਵਾਈਸ ਅਤੇ ਮਹੱਤਵਪੂਰਨ ਦਸਤਾਵੇਜ਼,
- 63.49 ਕਰੋੜ ਰੁਪਏ ਦੇ ਸ਼ੇਅਰ,
- 9.99 ਕਰੋੜ ਰੁਪਏ ਦੀ ਅਚੱਲ ਜਾਇਦਾਦ
ਕੁੱਲ ਮਿਲਾ ਕੇ, 73.72 ਕਰੋੜ ਰੁਪਏ ਦੀ ਜਾਇਦਾਦ ਜ਼ਬਤ/ਫ੍ਰੀਜ਼ ਕੀਤੀ ਗਈ।
