ਕੈਰੇਬੀਅਨ : ਕਿਊਬਾ ਦੇ ਪੱਛਮੀ ਤੱਟ ਦੇ ਨੇੜੇ ਬੀਤੀ ਰਾਤ ਨੂੰ 6.1 ਤੀਬਰਤਾ ਦਾ ਭੂਚਾਲ ਆਇਆ, ਜਿਸ ਨਾਲ ਰਾਜਧਾਨੀ ਹਵਾਨਾ ਸਮੇਤ ਕਈ ਇਲਾਕਿਆਂ ਵਿੱਚ ਇਮਾਰਤਾਂ ਹਿੱਲ ਗਈਆਂ। ਭੂਚਾਲ ਇੰਨੇ ਤੇਜ਼ ਸਨ ਕਿ ਲੋਕਾਂ ਨੇ ਅਮਰੀਕਾ ਦੇ ਫਲੋਰੀਡਾ ਰਾਜ ਦੇ ਕੁਝ ਹਿੱਸਿਆਂ ਵਿੱਚ ਵੀ ਭੂਚਾਲ ਮਹਿਸੂਸ ਹੋਣ ਦੀ ਸੂਚਨਾ ਦਿੱਤੀ। ਹਾਲਾਂਕਿ ਰਾਹਤ ਦੀ ਗੱਲ ਇਹ ਰਹੀ ਹੈ ਕਿ ਕਿਸੇ ਦੇ ਜ਼ਖਮੀ ਹੋਣ ਜਾਂ ਵੱਡੇ ਨੁਕਸਾਨ ਦੀ ਕੋਈ ਰਿਪੋਰਟ ਨਹੀਂ ਹੈ।
ਹਵਾਨਾ ਤੋਂ ਲੈ ਕੇ ਪਿਨਾਰ ਡੇਲ ਰੀਓ ਤੱਕ ਮਹਿਸੂਸ ਕੀਤੇ ਗਏ ਭੂਚਾਲ ਦੇ ਝਟਕੇ
ਭੂਚਾਲ ਤੋਂ ਬਾਅਦ, ਰਾਜਧਾਨੀ ਹਵਾਨਾ ਵਿੱਚ ਕਈ ਇਮਾਰਤਾਂ ਹਿੱਲਦੀਆਂ ਮਹਿਸੂਸ ਕੀਤੀਆਂ ਗਈਆਂ। ਪੱਛਮੀ ਕਿਊਬਾ ਦੇ ਪਿਨਾਰ ਡੇਲ ਰੀਓ ਸ਼ਹਿਰ ਵਿੱਚ ਵੀ ਲੋਕ ਘਬਰਾ ਕੇ ਘਰਾਂ ਅਤੇ ਇਮਾਰਤਾਂ ਤੋਂ ਬਾਹਰ ਨਿਕਲ ਆਏ। ਪਿਨਾਰ ਡੇਲ ਰੀਓ ਸਥਿਤ ਇੱਕ ਹੋਟਲ ਦੀ ਮੈਨੇਜਰ ਫਲਾਵੀਆ ਪੁਪੋ ਨੇ ਕਿਹਾ ਕਿ ਭੂਚਾਲ ਦੌਰਾਨ ਪੂਰੀ ਇਮਾਰਤ ਹਿੱਲਣ ਲੱਗੀ, ਜਿਸ ਨਾਲ ਲੋਕਾਂ ਵਿੱਚ ਡਰ ਦਾ ਮਾਹੌਲ ਬਣ ਗਿਆ। ਹਾਲਾਕਿ ਹੋਟਲ ਵਿੱਚ ਮੌਜੂਦ ਸਾਰੇ ਲੋਕ ਸੁਰੱਖਿਅਤ ਹਨ।
ਫਲੋਰੀਡਾ ਤੱਕ ਪਹੁੰਚਿਆ ਅਸਰ
ਭੂਚਾਲ ਦਾ ਪ੍ਰਭਾਵ ਕਿਊਬਾ ਤੱਕ ਸੀਮਤ ਨਹੀਂ ਰਿਹਾ। ਅਮਰੀਕਾ ਦੇ ਫਲੋਰੀਡਾ ਦੇ ਦੱਖਣ-ਪੱਛਮੀ ਹਿੱਸਿਆਂ ਤੋਂ ਵੀ ਝਟਕੇ ਮਹਿਸੂਸ ਹੋਣ ਦੀ ਕਈ ਖ਼ਬਰਾਂ ਸਾਹਮਣੇ ਆਇਆ।
