ਇੰਡੋਨੇਸ਼ੀਆ : ਭੂਚਾਲਾਂ ਦੇ ਮਾਮਲਿਆਂ ਵਿੱਚ ਵਾਧਾ ਚਿੰਤਾ ਦਾ ਵਿਸ਼ਾ ਹੈ। ਹਰ ਰੋਜ਼, ਦੁਨੀਆ ਭਰ ਵਿੱਚ ਕਿਤੇ ਨਾ ਕਿਤੇ ਭੂਚਾਲ ਦੇ ਕਈ ਮਾਮਲੇ ਦੇਖਣ ਨੂੰ ਮਿਲੇ ਹਨ। ਕੁਝ ਦੇਸ਼ਾਂ ਵਿੱਚ, ਤਾਂ ਭੂਚਾਲਾਂ ਨੂੰ ਕਾਫ਼ੀ ਆਮ ਮੰਨਿਆ ਜਾਂਦਾ ਹੈ, ਕਿਉਂਕਿ ਉਹਨਾਂ ਵਿੱਚ ਅਕਸਰ ਭੂਚਾਲ ਆਉਂਦੇ ਹਨ। ਇਨ੍ਹਾਂ ਦੇਸ਼ਾਂ ਵਿੱਚ ਇੰਡੋਨੇਸ਼ੀਆ ਦਾ ਨਾਮ ਵੀ ਸ਼ਾਮਲ ਹੈ। ਅੱਜ, ਮੰਗਲਵਾਰ, 27 ਜਨਵਰੀ ਨੂੰ, ਇੰਡੋਨੇਸ਼ੀਆ ਇੱਕ ਵਾਰ ਫਿਰ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ ਹਨ। ਰਿਕਟਰ ਪੈਮਾਨੇ ‘ਤੇ ਭੂਚਾਲ ਦੀ ਤੀਬਰਤਾ 5.7 ਰਹੀ ਹੈ। ਇਹ ਭੂਚਾਲ ਪੂਰਬੀ ਜਾਵਾ ਸੂਬੇ ਵਿੱਚ ਪੋਨੋਰੋਗੋ ਤੋਂ 19 ਕਿਲੋਮੀਟਰ ਦੱਖਣ-ਪੱਛਮ ਵਿੱਚ ਆਇਆ। ਭਾਰਤੀ ਸਮੇਂ ਅਨੁਸਾਰ, ਇਸ ਭੂਚਾਲ ਦਾ ਸਮਾਂ ਅੱਜ ਸਵੇਰੇ 6 ਵੱਜ ਕੇ 50 ਮਿੰਟ ਸੀ। ਭੂਚਾਲ ਦੀ ਡੂੰਘਾਈ 127 ਕਿਲੋਮੀਟਰ ਦੱਸੀ ਜਾ ਰਹੀ ਹੈ।
ਇੰਡੋਨੇਸ਼ੀਆਈ ਅਤੇ ਅਮਰੀਕੀ ਏਜੰਸੀਆਂ ਨੇ ਕੀਤੀ ਪੁਸ਼ਟੀ
ਇੰਡੋਨੇਸ਼ੀਆ ਵਿੱਚ ਅੱਜ ਆਏ ਇਸ ਭੂਚਾਲ ਦੀ ਪੁਸ਼ਟੀ ਦੇਸ਼ ਦੀ ਜਿਓਫਿਜਿਕਸ ਏਜੰਸੀ ਨੇ ਕੀਤੀ। ਨਾਲ ਹੀ ਯੂਨਾਈਟਡ ਸਟੇਟਸ ਜਿਓਲੋਜੀਕਲ ਸਰਵੇ (United States Geological Survey – USGS) ਨੇ ਵੀ ਇਸ ਭੂਚਾਲ ਦੀ ਪੁਸ਼ਟੀ ਕੀਤੀ।
ਡਰ ਕੇ ਘਰਾਂ ਤੋਂ ਬਾਹਰ ਭੱਜੇ ਲੋਕ
ਭੂਚਾਲ ਦੇ ਝਟਕੇ ਬਹੁਤ ਜ਼ੋਰਦਾਰ ਨਹੀ ਸੀ, ਪਰ ਧਰਤੀ ਦੇ ਝਟਕਿਆਂ ਨੇ ਲੋਕਾਂ ਨੂੰ ਡਰਾ ਦਿੱਤਾ, ਜਿਸ ਕਰਕੇ ਉਨ੍ਹਾਂ ਨੂੰ ਡਰ ਦੇ ਮਾਰੇ ਆਪਣੇ ਘਰ ਛੱਡਣ ਲਈ ਮਜਬੂਰ ਹੋਣਾ ਪਿਆ।
ਨਹੀਂ ਹੋਇਆ ਨੁਕਸਾਨ
ਭੂਚਾਲ ਦਾ ਨਾਲ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ। ਨਾ ਹੀ ਕੋਈ ਇਮਾਰਤ ਜਾਂ ਘਰ ਨੁਕਸਾਨੇ ਗਏ। ਹਾਲਾਂਕਿ, ਭੂਚਾਲ ਦੇ ਝਟਕੇ ਸਿਰਫ਼ ਪ੍ਰਭਾਵਿਤ ਖੇਤਰ ਵਿੱਚ ਹੀ ਨਹੀਂ ਸਗੋਂ ਆਲੇ ਦੁਆਲੇ ਦੇ ਕੁਝ ਇਲਾਕਿਆਂ ਵਿੱਚ ਵੀ ਮਹਿਸੂਸ ਕੀਤੇ ਗਏ। ਭੂਚਾਲ ਕਾਰਨ ਕੁਝ ਸਮੇਂ ਲਈ ਕਈ ਥਾਵਾਂ ‘ਤੇ ਕੁਰਸੀਆਂ, ਮੇਜ਼, ਪੱਖੇ ਅਤੇ ਅਲਮਾਰੀਆਂ ਹਿੱਲਣ ਲੱਗ ਪਈਆਂ, ਪਰ ਥੋੜ੍ਹੇ ਸਮੇਂ ਵਿੱਚ ਹੀ ਸਥਿਤੀ ਆਮ ਹੋ ਗਈ।
