ਸੁਡਾਨ : ਸੁਡਾਨ ਦੇ ਦਾਰਪੁਰ ਵਿੱਚ ਇੱਕ ਡਰੋਨ ਹਮਲਾ ਹੋਇਆ ਹੈ। ਇਸ ਹਮਲੇ ਵਿੱਚ 35 ਲੋਕਾਂ ਦੀ ਮੌਤ ਹੋ ਗਈ ਹੈ। ਸੁਡਾਨੀ ਫੌਜ ‘ਤੇ ਇਸ ਹਮਲੇ ਦਾ ਦੋਸ਼ ਲਗਾਇਆ ਗਿਆ ਹੈ। ਹਮਲੇ ਵਿੱਚ ਉਸ ਇਕੱਠ ਨੂੰ ਨਿਸ਼ਾਨਾ ਬਣਾਇਆ ਗਿਆ ਜਿੱਥੇ ਆਮ ਨਾਗਰਿਕ ਸਥਾਨਕ ਸੁਣਵਾਈ ਵਿੱਚ ਸ਼ਾਮਲ ਹੋਣ ਲਈ ਇਕੱਠੇ ਹੋਏ ਸਨ। ਬੀਤੇ ਦਿਨ ਉੱਤਰੀ ਦਾਰਫੁਰ ਦੇ ਗਾਰਾ ਅਲ-ਜ਼ਾਵੀਆ ਪਿੰਡ ਵਿੱਚ ਇੱਕ ਰਵਾਇਤੀ ਅਦਾਲਤ ‘ਤੇ ਡਰੋਨ ਹਮਲਾ ਹੋਇਆ।
ਇੱਕ ਮਨੁੱਖੀ ਅਧਿਕਾਰ ਸਮੂਹ ਨੇ ਦੱਸਿਆ ਹੈ ਕਿ ਸੁਡਾਨੀ ਫੌਜ ਦੇ ਇੱਕ ਡਰੋਨ ਨੇ ਪੱਛਮੀ ਦਾਰਫੁਰ ਵਿੱਚ ਇੱਕ ਰਵਾਇਤੀ ਅਦਾਲਤ ‘ਤੇ ਹਮਲਾ ਕੀਤਾ, ਜਿਸ ਵਿੱਚ ਘੱਟੋ-ਘੱਟ 35 ਲੋਕ ਮਾਰੇ ਗਏ ਅਤੇ ਕਈ ਹੋਰ ਜ਼ਖਮੀ ਹੋ ਗਏ। ਫੌਜ ਅਤੇ ਅਰਧ ਸੈਨਿਕ ਰੈਪਿਡ ਸਪੋਰਟ ਫੋਰਸਿਜ਼ (RSF) ਵਿਚਕਾਰ ਲੜਾਈ ਹੁਣ ਆਪਣੇ ਤੀਜੇ ਸਾਲ ਵਿੱਚ ਹੈ। ਐਮਰਜੈਂਸੀ ਵਕੀਲ ਸਮੂਹ, ਜਿਸਨੇ ਸੰਘਰਸ਼ ਦੌਰਾਨ ਸੁਡਾਨੀ ਫੌਜ ਅਤੇ RSF ਦੋਵਾਂ ਦੁਆਰਾ ਕੀਤੇ ਗਏ ਅੱਤਿਆਚਾਰਾਂ ਦਾ ਦਸਤਾਵੇਜ਼ੀਕਰਨ ਕੀਤਾ ਹੈ, ਨੇ ਕਿਹਾ ਕਿ ਹਮਲਾ ਸਥਾਨਕ ਸਮੇਂ ਅਨੁਸਾਰ ਦੁਪਹਿਰ 1:00 ਵਜੇ (1100 GMT) ਹੋਇਆ।
ਡਰੋਨ ਹਮਲੇ ਵਿੱਚ 35 ਲੋਕਾਂ ਦੀ ਹੋਈ ਮੌਤ
ਐਮਰਜੈਂਸੀ ਵਕੀਲਾਂ ਨੇ ਦੱਸਿਆ ਕਿ ਹਮਲੇ ਵਿੱਚ ਅਦਾਲਤ ਦੀ ਇਮਾਰਤ ਨੂੰ ਵੀ ਨੁਕਸਾਨ ਪਹੁੰਚਾਇਆ, ਇਹ ਇਮਾਰਤ ਸਥਾਨਕ ਅਤੇ ਕਬਾਇਲੀ ਵਿਵਾਦਾਂ ਨੂੰ ਹੱਲ ਕਰਨ ਲਈ ਇੱਕ ਰਵਾਇਤੀ ਸੰਸਥਾ ਵਜੋਂ ਕੰਮ ਕਰਦੀ ਹੈ।
ਫੌਜ ਨੇ ਸਥਾਨਕ ਅਦਾਲਤ ਨੂੰ ਬਣਾਇਆ ਨਿਸ਼ਾਨਾ
ਮਨੁੱਖੀ ਅਧਿਕਾਰ ਸਮੂਹ ਨੇ ਕਿਹਾ ਕਿ ਜਦੋਂ ਹਮਲਾ ਹੋਇਆ ਤਾਂ ਨਾਗਰਿਕ ਸਥਾਨਕ ਮਾਮਲਿਆਂ ਅਤੇ ਵਿਵਾਦਾਂ ਦੇ ਹੱਲ ਲਈ ਇਕੱਠੇ ਹੋਏ ਸਨ। ਇਹ ਪਿੰਡ ਅਰਧ ਸੈਨਿਕ ਰੈਪਿਡ ਸਪੋਰਟ ਫੋਰਸਿਜ਼ (RSF) ਦੇ ਕੰਟਰੋਲ ਹੇਠ ਹੈ। ਮਾਰੇ ਗਏ ਲੋਕਾਂ ਵਿੱਚ ਚਾਰ ਕਬਾਇਲੀ ਆਗੂ ਅਤੇ ਦੋ RSF ਕਮਾਂਡਰ ਸ਼ਾਮਲ ਸਨ।
