Home Business Deutsche Lufthansa AG ਕੰਪਨੀ ਨੇ ਕੀਤਾ 1,000 ਕਰਮਚਾਰੀਆਂ ਦੀ ਛਾਂਟੀ ਦਾ ਐਲਾਨ

Deutsche Lufthansa AG ਕੰਪਨੀ ਨੇ ਕੀਤਾ 1,000 ਕਰਮਚਾਰੀਆਂ ਦੀ ਛਾਂਟੀ ਦਾ ਐਲਾਨ

0

ਫਰੈਂਕਫਰਟ: ਦੁਨੀਆ ਭਰ ਦੀਆਂ ਆਈ.ਟੀ ਅਤੇ ਸਾਫਟਵੇਅਰ ਕੰਪਨੀਆਂ ਵਿੱਚ ਜਾਰੀ ਛਾਂਟੀ ਤੋਂ ਬਾਅਦ ਹੁਣ ਇਸ ਦਾ ਅਸਰ ਏਅਰਲਾਈਨ ਬਾਜ਼ਾਰ ‘ਤੇ ਵੀ ਦਿਖਾਈ ਦੇਣ ਲੱਗਾ ਹੈ। ਯੂਰਪ ਦੀ ਸਭ ਤੋਂ ਵੱਡੀ ਹਵਾਬਾਜ਼ੀ ਕੰਪਨੀ ਡੌਇਚ ਲੁਫਥਾਂਸਾ ਏਜੀ (Deutsche Lufthansa AG) ਨੇ ਆਪਣੇ ਲਗਭਗ 1,000 ਕਰਮਚਾਰੀਆਂ ਨੂੰ ਨੌਕਰੀ ਤੋਂ ਕੱਢਣ ਦਾ ਵੱਡਾ ਫੈਸਲਾ ਕੀਤਾ ਹੈ।

ਕੱਚੇ ਤੇਲ ਦੀਆਂ ਉੱਚੀਆਂ ਕੀਮਤਾਂ ਕਾਰਨ ਜੈੱਟ ਫਿਊਲ (ATF) ਅਤੇ ਈਂਧਨ ਦੀ ਵਧਦੀ ਲਾਗਤ ਕਾਰਨ ਏਅਰਲਾਈਨ ਨੂੰ ਭਾਰੀ ਵਿੱਤੀ ਨੁਕਸਾਨ ਝੱਲਣਾ ਪੈ ਰਿਹਾ ਹੈ। ਇਸ ਨੁਕਸਾਨ ਤੋਂ ਬਚਣ ਲਈ ਕੰਪਨੀ ਇਹ ਕਦਮ ਚੁੱਕ ਰਹੀ ਹੈ।

ਮਿਊਨਿਖ ਅਤੇ ਫਰੈਂਕਫਰਟ ਹੱਬ ਵਿੱਚ ਘਟਣਗੀਆਂ ਫੁੱਲ-ਟਾਈਮ ਅਸਾਮੀਆਂ

ਬਲੂਮਬਰਗ ਦੀ ਰਿਪੋਰਟ ਮੁਤਾਬਕ, ਲੁਫਥਾਂਸਾ ਪ੍ਰਬੰਧਨ ਨੇ ਕਰਮਚਾਰੀਆਂ ਨੂੰ ਇੱਕ ਪੱਤਰ ਭੇਜ ਕੇ ਇਸ ਫੈਸਲੇ ਦੀ ਜਾਣਕਾਰੀ ਦਿੱਤੀ ਹੈ। ਇਸ ਪੱਤਰ ‘ਤੇ ਲੁਫਥਾਂਸਾ ਏਅਰਲਾਈਨਜ਼ ਦੇ ਸੀਈਓ ਜੇਨਸ ਰਿਟਰ (Jens Ritter) ਸਮੇਤ ਚੋਟੀ ਦੇ ਅਧਿਕਾਰੀਆਂ ਦੇ ਦਸਤਖਤ ਹਨ।

ਪੱਤਰ ਵਿੱਚ ਸਪੱਸ਼ਟ ਕੀਤਾ ਗਿਆ ਹੈ ਕਿ ਏਅਰਲਾਈਨ ਆਪਣੇ ਮਿਊਨਿਖ ਅਤੇ ਫਰੈਂਕਫਰਟ ਸਥਿਤ ਹੱਬ ਵਿੱਚ ਫੁੱਲ-ਟਾਈਮ ਅਹੁਦਿਆਂ ਦੀ ਗਿਣਤੀ ਵਿੱਚ ਕਟੌਤੀ ਕਰੇਗੀ।

ਜਹਾਜ਼ਾਂ ਦੇ ਬੇੜੇ ਵਿੱਚ ਬਦਲਾਅ ਅਤੇ ਰੂਟਾਂ ਵਿੱਚ ਕਟੌਤੀ

ਕੰਪਨੀ ਦੀ ਯੋਜਨਾ ਛੋਟੀ ਅਤੇ ਦਰਮਿਆਨੀ ਦੂਰੀ ਵਾਲੇ ਰੂਟਾਂ ‘ਤੇ ਆਪਣੀਆਂ ਉਡਾਣਾਂ ਦੀ ਸਮਰੱਥਾ ਘਟਾਉਣ ਦੀ ਹੈ। ਇਸ ਦੇ ਨਾਲ ਹੀ ਲੁਫਥਾਂਸਾ ਆਪਣੇ ਜਹਾਜ਼ਾਂ ਦੇ ਬੇੜੇ ਵਿੱਚੋਂ ਏਅਰਬੱਸ SE A320 ਜਹਾਜ਼ਾਂ ਦੀ ਗਿਣਤੀ ਘਟਾਏਗੀ ਅਤੇ ਉਨ੍ਹਾਂ ਦੀ ਜਗ੍ਹਾ ਛੋਟੇ ਆਕਾਰ ਦੇ A220 ਜਹਾਜ਼ ਸ਼ਾਮਲ ਕਰੇਗੀ।

ਇੱਕ ਸਾਲ ਵਿੱਚ ਦੂਜੀ ਵਾਰ ਛਾਂਟੀ ਦਾ ਫੈਸਲਾ

ਇੱਕ ਸਾਲ ਦੇ ਅੰਦਰ ਏਅਰਲਾਈਨ ਵੱਲੋਂ ਕੀਤੀ ਜਾ ਰਹੀ ਇਹ ਦੂਜੀ ਛਾਂਟੀ ਹੈ, ਜੋ ਕੰਪਨੀ ਦੇ ਫਲੈਗਸ਼ਿਪ ਉਤਪਾਦ ਦੀ ਸਥਿਤੀ ਸੁਧਾਰਨ ਵਿੱਚ ਆ ਰਹੀਆਂ ਮੁਸ਼ਕਲਾਂ ਨੂੰ ਦਰਸਾਉਂਦੀ ਹੈ।

ਇਸ ਤੋਂ ਪਹਿਲਾਂ ਸਤੰਬਰ 2025 ਵਿੱਚ ਲੁਫਥਾਂਸਾ ਗਰੁੱਪ ਨੇ ਸਾਲ 2030 ਤੱਕ 4,000 ਪ੍ਰਸ਼ਾਸਨਿਕ ਅਹੁਦਿਆਂ ਨੂੰ ਖਤਮ ਕਰਨ ਦੀ ਯੋਜਨਾ ਦਾ ਐਲਾਨ ਕੀਤਾ ਸੀ।

NO COMMENTS

LEAVE A REPLY

Please enter your comment!
Please enter your name here

Exit mobile version