ਨਵੀਂ ਦਿੱਲੀ : ਦਿੱਲੀ ਅਤੇ ਉੱਤਰ ਪ੍ਰਦੇਸ਼ ਦੇ ਗੁਆਂਢੀ ਸ਼ਹਿਰ ਨੋਇਡਾ ਅੱਜ ਇੱਕ ਵਾਰ ਫਿਰ ਬਹੁਤ ਸੰਘਣੀ ਧੁੰਦ ਅਤੇ ਵਿਜ਼ੀਬਿਲਟੀ ਕਰੀਬ ਲਗਭਗ 50 ਮੀਟਰ ਰਹੀ। ਦੋ ਦਿਨਾਂ ਤੋਂ ਜਾਰੀ ਸੰਘਣੀ ਧੁੰਦ ਨੇ ਇੱਕ ਵਾਰ ਫਿਰ ਦਿੱਲੀ ਵਿੱਚ ਠੰਢ ਨੂੰ ਵਧਾ ਦਿੱਤਾ ਹੈ। ਦਰਅਸਲ 1 ਫਰਵਰੀ ਦੀ ਰਾਤ ਦੇ ਬਾਅਦ ਭਾਰੀ ਮੀਂਹ ਪਿਆ। ਇਸ ਤੋਂ ਬਾਅਦ, 2 ਫਰਵਰੀ, ਸੋਮਵਾਰ ਸਵੇਰੇ ਸੰਘਣੀ ਧੁੰਦ ਛਾਈ ਰਹੀ ਅਤੇ ਚਾਰ ਸਾਲ ਬਾਅਦ ਦਿੱਲੀ ਵਿੱਚ ਫਰਵਰੀ ਮਹੀਨੇ ਵਿੱਚ ਸਭ ਤੋਂ ਠੰਢੇ ਦਿਨ ਦਾ ਰਿਕਾਰਡ ਟੁੱਟ ਗਿਆ।
ਤਾਪਮਾਨ ਵਿੱਚ ਆਈ 7 ਡਿਗਰੀ ਦੀ ਗਿਰਾਵਟ
ਦੱਸ ਦਈਏ ਕਿ 2 ਫਰਵਰੀ ਦਾ ਦਿਨ ਦਿੱਲੀ ਵਿੱਚ ਫਰਵਰੀ ਮਹੀਨੇ ਦਾ ਸਭ ਤੋਂ ਠੰਡਾ ਦਿਨ ਰਿਹਾ, ਕਿਉਂਕਿ ਕੱਲ੍ਹ ਦਿੱਲੀ ਦਾ ਵੱਧ ਤੋਂ ਵੱਧ ਤਾਪਮਾਨ 4 ਸਾਲਾਂ ਬਾਅਦ ਫਰਵਰੀ ਮਹੀਨੇ ਵਿੱਚ ਸਭ ਤੋਂ ਘੱਟ 17.5 ਡਿਗਰੀ ਦਰਜ ਕੀਤਾ ਗਿਆ, ਜੋ ਕਿ ਇੱਕ ਫਰਵਰੀ ਨੂੰ ਦਰਜ ਕੀਤੇ ਤਾਪਮਾਨ ਨਾਲੋਂ 7 ਡਿਗਰੀ ਘੱਟ ਸੀ। ਉੱਥੇ ਹੀ ਘੱਟੋ-ਘੱਟ ਤਾਪਮਾਨ 9.4 ਡਿਗਰੀ ਰਿਹਾ। ਸਾਰਾ ਦਿਨ ਧੁੱਪ ਨਹੀਂ ਨਿਕਲੀ। ਧੁੰਦ ਅਤੇ ਅਸਮਾਨ ਵਿੱਚ ਬੱਦਲ ਛਾਏ ਰਹੇ। ਸਾਰਾ ਦਿਨ ਲੋਕ ਅੱਗ ਸੇਕਦੇ ਰਹੇ ਅਤੇ ਸ਼ਾਮ ਹੁੰਦੇ ਹੀ ਠੰਢ ਦੇ ਮਾਰੇ ਘਰਾਂ ਦੇ ਅੰਦਰ ਹੀ ਬੈਠੇ ਰਹੇ।
ਮਜਬੂਤ ਪੱਛਮੀ ਗੜਬੜ ਨਾਲ ਬਦਲਿਆ ਮੌਸਮ
ਆਈਐਮਡੀ ਦੇ ਅਨੁਸਾਰ, ਦਿੱਲੀ ਵਿੱਚ ਅਚਾਨਕ ਬਦਲੇ ਮੌਸਮ ਦਾ ਕਾਰਨ ਪੱਛਮੀ ਗੜਬੜ ਹੈ। ਇੱਕੋ ਸਮੇਂ ਦੋ ਪੱਛਮੀ ਗੜਬੜ ਸਰਗਰਮ ਹਨ, ਜਿਸਦੇ ਨਤੀਜੇ ਵਜੋਂ ਬੇਮੌਸਮੀ ਮੀਂਹ ਪਿਆ, ਸੰਘਣੀ ਧੁੰਦ ਅਤੇ ਬਰਫੀਲੀਆਂ ਹਵਾਵਾਂ ਆ ਰਹੀਆਂ ਹਨ। ਰਾਤ ਭਰ ਮੀਂਹ ਪੈਂਦਾ ਰਿਹਾ ਅਤੇ ਹਵਾ ਦੀ ਗਤੀ ਬਹੁਤ ਹੌਲੀ ਸੀ, ਜਿਸ ਵਜ੍ਹਾ ਨਾਲ ਵਾਤਾਵਰਨ ਵਿੱਚ ਨਮੀ ਵੱਧ ਗਈ ਅਤੇ ਸਵੇਰੇ ਸੰਘਣੀ ਧੁੰਦ ਛਾਈ ਰਹੀ, ਜਿਸਦਾ ਅਸਰ ਰੇਲਗੱਡੀਆਂ ਦੀ ਗਤੀ ਅਤੇ ਉਡਾਣ ਦੇ ਟੇਕਆਫ ਅਤੇ ਲੈਂਡਿੰਗ ਪ੍ਰਭਾਵਿਤ ਹੋਈ। ਬਹੁਤ ਸਾਰੀਆਂ ਰੇਲਗੱਡੀਆਂ ਅਤੇ ਉਡਾਣਾਂ ਵਿੱਚ ਕਾਫ਼ੀ ਦੇਰੀ ਹੋਈ।
