ਆਈ.ਪੀ.ਐਲ. ਮੈਚ ਨੂੰ ਲੈ ਕੇ ਦਿੱਲੀ ਟ੍ਰੈਫਿਕ ਪੁਲਿਸ ਨੇ ਜਾਰੀ ਕੀਤੀ ਐਡਵਾਇਜ਼ਰੀ

ਨਵੀਂ ਦਿੱਲੀ : ਦਿੱਲੀ ਵਿੱਚ ਅੱਜ ਦਿੱਲੀ ਕੈਪੀਟਲਜ਼ ਅਤੇ ਚੇਨਈ ਸੁਪਰ ਕਿੰਗਜ਼ ਵਿਚਕਾਰ ਹੋਣ ਵਾਲੇ ਆਈ.ਪੀ.ਐਲ. ਮੈਚ ਨੂੰ ਲੈ ਕੇ ਟ੍ਰੈਫਿਕ ਪੁਲਿਸ ਨੇ ਵਿਆਪਕ ਪ੍ਰਬੰਧ ਕੀਤੇ ਹਨ। ਇਹ ਡੇ-ਨਾਈਟ ਮੈਚ ਅਰੁਣ ਜੇਤਲੀ ਸਟੇਡੀਅਮ ਵਿੱਚ ਸ਼ਾਮ 7:00 ਵਜੇ ਤੋਂ ਰਾਤ 10:30 ਵਜੇ ਤੱਕ ਖੇਡਿਆ ਜਾਵੇਗਾ। ਮੈਚ ਦੇ ਦੌਰਾਨ ਸਟੇਡੀਅਮ ਅਤੇ ਆਲੇ-ਦੁਆਲੇ ਦੇ ਖੇਤਰਾਂ ਵਿੱਚ ਭਾਰੀ ਭੀੜ ਅਤੇ ਟ੍ਰੈਫਿਕ ਜਾਮ ਦੀ ਸੰਭਾਵਨਾ ਨੂੰ ਦੇਖਦੇ ਹੋਏ ਵਿਸ਼ੇਸ਼ ਟ੍ਰੈਫਿਕ ਡਾਇਵਰਸ਼ਨ ਅਤੇ ਪਾਬੰਦੀਆਂ ਲਾਗੂ ਕੀਤੀਆਂ ਜਾਣਗੀਆਂ।

ਟ੍ਰੈਫਿਕ ਪੁਲਿਸ ਦੇ ਅਨੁਸਾਰ, ਬਹਾਦੁਰ ਸ਼ਾਹ ਜ਼ਫਰ ਮਾਰਗ ਅਤੇ ਜਵਾਹਰ ਲਾਲ ਨਹਿਰੂ ਮਾਰਗ ‘ਤੇ ਸ਼ਾਮ 5:00 ਵਜੇ ਤੋਂ ਰਾਤ 12:00 ਵਜੇ ਤੱਕ ਲੋੜ ਦੇ ਅਨੁਸਾਰ ਡਾਇਵਰਸ਼ਨ ਲਾਗੂ ਕੀਤਾ ਜਾ ਸਕਦਾ ਹੈ। ਇਸ ਸਮੇਂ ਦੌਰਾਨ, ਦਰਿਆਗੰਜ ਅਤੇ ਦਿੱਲੀ ਗੇਟ ਚੌਕ, ਦਿੱਲੀ ਗੇਟ ਤੋਂ ਗੁਰੂ ਨਾਨਕ ਚੌਕ, ਅਤੇ ਆਈਟੀਓ ਤੋਂ ਦਿੱਲੀ ਗੇਟ ਵਿਚਕਾਰ ਭਾਰੀ ਅਤੇ ਵਪਾਰਕ ਵਾਹਨਾਂ ਦੇ ਦਾਖਲੇ ‘ਤੇ ਸਖ਼ਤੀ ਨਾਲ ਪਾਬੰਦੀ ਹੋਵੇਗੀ।

ਯਾਤਰੀਆਂ ਨੂੰ ਸਲਾਹ ਦਿੱਤੀ ਗਈ ਹੈ ਕਿ ਉਹ ਰਾਜਘਾਟ ਤੋਂ ਦਿੱਲੀ ਗੇਟ ਤੱਕ ਦੋਵਾਂ ਦਿਸ਼ਾਵਾਂ ਵਿੱਚ ਜੇਐਲਐਨ ਮਾਰਗ, ਤੁਰਕਮਾਨ ਗੇਟ ਤੋਂ ਦਿੱਲੀ ਗੇਟ ਤੱਕ ਅਸਫ਼ ਅਲੀ ਰੋਡ, ਅਤੇ ਦਿੱਲੀ ਗੇਟ ਤੋਂ ਬਹਾਦਰ ਸ਼ਾਹ ਜ਼ਫਰ ਮਾਰਗ ਤੋਂ ਆਈਟੀਓ ਤੱਕ ਬਚਣ। ਕਿਰਪਾ ਕਰਕੇ ਵਿਕਲਪਿਕ ਰੂਟਾਂ ਦੀ ਵਰਤੋਂ ਕਰਕੇ ਟ੍ਰੈਫਿਕ ਜਾਮ ਨੂੰ ਘੱਟ ਕਰਨ ਵਿੱਚ ਮਦਦ ਕਰੋ।

ਇਸ ਰਸਤੇ ਰਾਹੀਂ ਹੋਵੇਗੀ ਐਂਟਰੀ

ਸਟੇਡੀਅਮ ਵਿੱਚ ਐਂਟਰੀ ਲਈ ਵੱਖਰੇ ਗੇਟ ਨਿਰਧਾਰਤ ਕੀਤੇ ਗਏ ਹਨ। ਗੇਟ 1 ਤੋਂ 8 ਦੱਖਣ ਦਿਸ਼ਾ ਤੋਂ ਬਹਾਦਰ ਸ਼ਾਹ ਜ਼ਫਰ ਮਾਰਗ ਦੇ ਜਰੀਏ ਪ੍ਰਵੇਸ਼ ਮਿਲੇਗਾ। ਗੇਟ 10 ਤੋਂ 15 ਪੂਰਬ ਦਿਸ਼ਾ ਤੋਂ ਜੇਐਲਐਨ ਮਾਰਗ (ਅੰਬੇਡਕਰ ਸਟੇਡੀਅਮ ਬੱਸ ਟਰਮੀਨਲ ਦੇ ਨੇੜੇ) ਤੋਂ ਪ੍ਰਵੇਸ਼ ਕੀਤਾ ਜਾ ਸਕੇਗਾ, ਜਦੋਂ ਕਿ ਗੇਟ 16 ਤੋਂ 18 ਪੱਛਮ ਤੋਂ ਬਹਾਦਰ ਸ਼ਾਹ ਜ਼ਫਰ ਮਾਰਗ (ਪੈਟਰੋਲ ਪੰਪ ਦੇ ਨੇੜੇ) ਤੋਂ ਐਟਰੀ ਹੋਵੇਗੀ।

ਕਿੱਥੇ ਹੋਵੇਗੀ ਪਾਰਕਿੰਗ ਦੀ ਵਿਵਸਥਾ?

ਪਾਰਕਿੰਗ ਪ੍ਰਬੰਧਾਂ ਦੇ ਤਹਿਤ ਮਾਤਾ ਸੁੰਦਰੀ ਰੋਡ, ਰਾਜਘਾਟ ਪਾਵਰ ਹਾਊਸ ਰੋਡ ਅਤੇ ਵੇਲੋਡਰੋਮ ਰੋਡ ‘ਤੇ ਆਮ ਦਰਸ਼ਕਾਂ ਲਈ ਮੁਫਤ ਪਾਰਕਿੰਗ ਉਪਲਬਧ ਕਰਵਾਈ ਗਈ ਹੈ, ਜਿਸ ਵਿੱਚ ਪਾਰਕ-ਐਂਡ-ਰਾਈਡ ਸਹੂਲਤਾਂ ਉਪਲਬਧ ਹਨ। ਇਹ ਸਹੂਲਤ ਨੇੜਲੀਆਂ ਸਰਵਿਸ ਲੇਨਾਂ ਤੋਂ ਵੀ ਉਪਲਬਧ ਹੋਵੇਗੀ, ਜਿਸ ਵਿੱਚ ਸ਼ਾਂਤੀ ਵੈਨ ਪਾਰਕਿੰਗ ਵੀ ਸ਼ਾਮਲ ਹੈ। ਬੱਸ ਸੇਵਾਵਾਂ ਮੈਚ ਸ਼ੁਰੂ ਹੋਣ ਤੋਂ ਦੋ ਘੰਟੇ ਪਹਿਲਾਂ ਸ਼ੁਰੂ ਹੋਣਗੀਆਂ ਅਤੇ ਮੈਚ ਖਤਮ ਹੋਣ ਤੋਂ ਇੱਕ ਘੰਟੇ ਬਾਅਦ ਤੱਕ ਜਾਰੀ ਰਹਿਣਗੀਆਂ।

ਗਲਤ ਪਾਰਕਿੰਗ ਕਰਨ ’ਤੇ ਟੋਇੰਗ ਹੋਵੇਗੀ ਗੱਡੀ

ਦੱਸ ਦਈਏ ਕਿ ਸਟੇਡੀਅਮ ਦੇ ਨੇੜੇ ਬਿਨਾਂ ਅਧਿਕਾਰਤ ਪਾਰਕਿੰਗ ਲੇਬਲ ਵਾਲੇ ਵਾਹਨਾਂ ਦੀ ਇਜਾਜ਼ਤ ਨਹੀਂ ਹੋਵੇਗੀ। ਨਿਯਮਾਂ ਦੀ ਉਲੰਘਣਾ ਕਰਨ ਵਾਲੇ ਵਾਹਨਾਂ ਨੂੰ ਤੁਰੰਤ ਟੋ ਕੀਤਾ ਜਾਵੇਗਾ ਅਤੇ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ। ਐਪ-ਅਧਾਰਤ ਟੈਕਸੀ ਸੇਵਾਵਾਂ ਲਈ ਪਿਕ-ਅੱਪ ਅਤੇ ਡ੍ਰੌਪ-ਆਫ ਪੁਆਇੰਟ ਗੇਟ ਨੰਬਰ 2 (ਮੌਲਾਨਾ ਆਜ਼ਾਦ ਮੈਡੀਕਲ ਕਾਲਜ ਦੇ ਨੇੜੇ), ਰਾਜਘਾਟ ਚੌਕ ਅਤੇ ਰਿੰਗ ਰੋਡ ਦੀ ਸਰਵਿਸ ਲੇਨ ‘ਤੇ ਨਿਰਧਾਰਤ ਕੀਤੇ ਗਏ ਹਨ।

ਇਨ੍ਹਾਂ ਰੂਟਾਂ ‘ਤੇ ਯਾਤਰਾ ਕਰਨ ਤੋਂ ਬਚੋ

ਦਿੱਲੀ ਪੁਲਿਸ ਨੇ ਲੋਕਾਂ ਨੂੰ ਇਨ੍ਹਾਂ ਖੇਤਰਾਂ ਤੋਂ ਬਚਣ ਦੀ ਸਲਾਹ ਦਿੱਤੀ ਹੈ।

• ਜੇਐਲਐਨ ਮਾਰਗ (ਰਾਜਘਾਟ ਤੋਂ ਦਿੱਲੀ ਗੇਟ)
• ਆਸਫ਼ ਅਲੀ ਰੋਡ (ਤੁਰਕਮਾਨ ਗੇਟ ਤੋਂ ਦਿੱਲੀ ਗੇਟ)
• ਬਹਾਦੁਰ ਸ਼ਾਹ ਜ਼ਫਰ ਮਾਰਗ (ਦਿੱਲੀ ਗੇਟ ਤੋਂ ਆਈਟੀਓ)

ਇਨ੍ਹਾਂ ਰੂਟਾਂ ‘ਤੇ ਹੋ ਸਕਦੇ ਹਨ ਡਾਇਵਰਸ਼ਨ

ਟ੍ਰੈਫਿਕ ਸਥਿਤੀਆਂ ਦੇ ਅਧਾਰ ‘ਤੇ, ਬਹਾਦਰ ਸ਼ਾਹ ਜ਼ਫਰ ਮਾਰਗ ਅਤੇ ਜੇਐਲਐਨ ਮਾਰਗ ‘ਤੇ ਡਾਇਵਰਸ਼ਨ ਲਾਗੂ ਕੀਤੇ ਜਾ ਸਕਦੇ ਹਨ। ਇਸ ਤੋਂ ਇਲਾਵਾ, ਇਨ੍ਹਾਂ ਰੂਟਾਂ ‘ਤੇ ਭਾਰੀ ਵਪਾਰਕ ਵਾਹਨਾਂ ਦੇ ਦਾਖਲੇ ‘ਤੇ ਪਾਬੰਦੀ ਹੋਵੇਗੀ।

• ਦਰਿਆਗੰਜ ਤੋਂ ਦਿੱਲੀ ਗੇਟ ਚੌਕ (ਬੀਐਸਜ਼ੈਡ ਮਾਰਗ)
• ਦਿੱਲੀ ਗੇਟ ਚੌਕ ਤੋਂ ਗੁਰੂ ਨਾਨਕ ਚੌਕ (ਜੇਐਲਐਨ ਮਾਰਗ)
• ਆਈਟੀਓ ਤੋਂ ਦਿੱਲੀ ਗੇਟ ਚੌਕ (ਬੀਐਸਜ਼ੈਡ ਮਾਰਗ)