Sports News : ਕ੍ਰਿਕਟ ਆਸਟ੍ਰੇਲੀਆ (CA) ਨੇ ਅੱਜ ਭਾਰਤ ਦੌਰੇ ਦੇ ਲਈ ਆਪਣੀ 16 ਮੈਂਬਰੀ ਅੰਡਰ-19 ਟੀਮ ਦਾ ਐਲਾਨ ਕਰ ਦਿੱਤਾ। ਆਸਟ੍ਰੇਲੀਆਈ ਅੰਡਰ-19 ਟੀਮ ਸਤੰਬਰ ਵਿੱਚ ਭਾਰਤ ਦਾ ਦੌਰਾ ਕਰੇਗੀ, ਜਿੱਥੇ ਉਹ ਮੇਜ਼ਬਾਨ ਟੀਮ ਦੇ ਨਾਲ ਤਿੰਨ ਵਨਡੇ ਅਤੇ ਦੋ ਅਣਅਧਿਕਾਰਤ (ਯੁਵਾ) ਟੈਸਟ ਮੈਚ ਖੇਡੇਗੀ। ਇਸ ਦੌਰੇ ਦੇ ਲਈ ਚੁਣੀ ਗਈ ਟੀਮ ਵਿੱਚ ਤੇਜ਼ ਗੇਂਦਬਾਜ਼ ਵਿਲ ਬਾਇਰਮ ਅਤੇ ਕੇਸੀ ਬਾਰਟਨ ਨੂੰ ਵੀ ਸ਼ਾਮਲ ਕੀਤਾ ਗਿਆ ਹੈ। ਇਹ ਦੋਵੇਂ ਖਿਡਾਰੀ ਇਸ ਸਾਲ ਅੰਡਰ-19 ਟੀ-20 ਵਿਸ਼ਵ ਕੱਪ ਵਿੱਚ ਵੀ ਆਸਟ੍ਰੇਲੀਆਈ ਟੀਮ ਦਾ ਹਿੱਸਾ ਸਨ।
ਕੋਚ ਟਿਮ ਨੀਲਸਨ ਦੀ ਅਗਵਾਈ ਵਿੱਚ ਆਸਟ੍ਰੇਲੀਆਈ ਟੀਮ 18 ਸਤੰਬਰ ਤੋਂ ਆਪਣੇ ਭਾਰਤ ਦੌਰੇ ਦੀ ਸ਼ੁਰੂਆਤ ਕਰੇਗੀ। ਇੰਡੀਆ ਅੰਡਰ-19 ਅਤੇ ਆਸਟਰੇਲੀਆ ਅੰਡਰ-19 ਵਿਚਕਾਰ ਵਨਡੇ ਸੀਰੀਜ਼ ਦੇ ਮੁਕਾਬਲੇ 18 ਤੋਂ 23 ਸਤੰਬਰ ਦੌਰਾਨ ਰਾਜਕੋਟ ਵਿੱਚ ਖੇਡੇ ਜਾਣਗੇ। ਉੱਥੇ ਹੀ ਦੋ ਅਣਅਧਿਕਾਰਤ ਯੂਥ ਟੈਸਟ ਮੈਚ 27 ਸਤੰਬਰ ਤੋਂ 8 ਅਕਤੂਬਰ ਦੌਰਾਨ ਅਹਿਮਦਾਬਾਦ ਵਿੱਚ ਹੋਣੇ ਹਨ। ਇਹ ਦੌਰਾ ਆਸਟਰੇਲੀਆਈ ਨੌਜਵਾਨ ਖਿਡਾਰੀਆਂ ਲਈ ਭਾਰਤੀ ਹਾਲਾਤਾਂ ਵਿੱਚ ਖੁਦ ਨੂੰ ਪਰਖਣ ਦਾ ਵੱਡਾ ਮੌਕਾ ਦੇਵੇਗਾ।
ਕ੍ਰਿਕਟ ਆਸਟ੍ਰੇਲੀਆ ਦੀ ਹੈੱਡ ਆਫ਼ ਨੈਸ਼ਨਲ ਡਿਵੈਲਪਮੈਂਟ ਸੋਨਿਆ ਥੌਂਪਸਨ ਨੇ ਕਿਹਾ, ‘ਸਾਨੂੰ ਖੁਸ਼ੀ ਹੈ ਕਿ ਆਸਟ੍ਰੇਲੀਆ ਦੇ ਸਰਵੋਤਮ ਨੌਜਵਾਨ ਖਿਡਾਰੀਆਂ ਨੂੰ ਸਾਡੇ ਡਿਵੈਲਪਮੈਂਟ ਪ੍ਰੋਗਰਾਮ ਤਹਿਤ ਅੱਗੇ ਵਧਣ ਦਾ ਮੌਕਾ ਮਿਲ ਰਿਹਾ ਹੈ। ਭਾਰਤ ਵਰਗੀਆਂ ਚੁਣੌਤੀਪੂਰਨ ਹਾਲਾਤਾਂ ਵਿੱਚ ਮਜ਼ਬੂਤ ਵਿਰੋਧੀ ਟੀਮ ਖਿਲਾਫ਼ ਖੇਡਣਾ ਖਿਡਾਰੀਆਂ ਦੇ ਤਕਨੀਕੀ ਅਤੇ ਮਾਨਸਿਕ ਵਿਕਾਸ ਲਈ ਬਹੁਤ ਅਹਿਮ ਹੋਵੇਗਾ।’
ਆਸਟ੍ਰੇਲੀਆਈ ਅੰਡਰ-19 ਟੀਮ: ਕੇਸੀ ਬਾਰਟਨ, ਹੇਡਨ ਬਾਰਬੂਲੋਵਿਚ, ਏਲੀ ਬ੍ਰੇਨ, ਵਿਲ ਬਾਇਰਮ, ਬਲੇਕ ਕੈਟਲ, ਜੈਕ ਜ਼ੋਸਨੇਕ, ਸਪੈਂਸਰ ਗ੍ਰੀਨ, ਕੋਨਨ ਗ੍ਰੈਗਰੀ, ਚਾਰਲੀ ਹੈਂਡਰਸਨ, ਜੇਡ ਹੋਲਿਕ, ਮੈਥਿਊ ਲੌ, ਨੀਲ ਪਟੇਲ, ਜੈਕਬ ਪੀਟਜ਼, ਪੈਟ੍ਰਿਕ ਸੁਲੀਵਾਨ, ਥੀਓ ਸਿੰਗੋਸ ਅਤੇ ਥਾਮਸ ਵਾਸੀਓ।
ਇਸ ਵਿਚਕਾਰ, ਕ੍ਰਿਕਟ ਆਸਟ੍ਰੇਲੀਆ ਦੀ ਵਿਕਾਸ ਟੀਮ ਪਹਿਲਾਂ ਹੀ ਚੇਨਈ ਪਹੁੰਚ ਚੁੱਕੀ ਹੈ। ਟੀਮ MRF ਅਕੈਡਮੀ ਪ੍ਰੋਗਰਾਮ ਵਿੱਚ ਹਿੱਸਾ ਲੈ ਰਹੀ ਹੈ, ਜਿੱਥੇ ਸਪਿਨ-ਅਨੁਕੂਲ ਵਿਕਟਾਂ ‘ਤੇ ਦੋ ਮਲਟੀ-ਡੇ ਮੈਚ ਖੇਡੇ ਜਾਣਗੇ। ਪਹਿਲਾ ਮੈਚ 5-6 ਅਗਸਤ ਅਤੇ ਦੂਜਾ 10-11 ਅਗਸਤ ਨੂੰ ਖੇਡਿਆ ਜਾਵੇਗਾ। ਟੀਮ ਵਿੱਚ ਟੀ-20 ਅੰਤਰਰਾਸ਼ਟਰੀ ਖਿਡਾਰੀ ਜੋਏਲ ਡੇਵਿਸ ਦੇ ਨਾਲ-ਨਾਲ ਅੰਡਰ-19 ਵਿਸ਼ਵ ਕੱਪ 2024 ਜੇਤੂ ਕਪਤਾਨ ਹਿਊਗ ਵੇਬਗੇਨ, ਰਾਫੇਲ ਮੈਕਮਿਲਨ, ਜਿਸਨੇ 2024 ਅੰਡਰ-19 ਵਿਸ਼ਵ ਕੱਪ ਫਾਈਨਲ ਵਿੱਚ ਭਾਰਤ ਵਿਰੁੱਧ ਤਿੰਨ ਵਿਕਟਾਂ ਲਈਆਂ ਸਨ, ਸਾਬਕਾ ਅੰਡਰ-19 ਕਪਤਾਨ ਜੇਸਨ ਸੰਘਾ ਅਤੇ ਸਪਿਨਰ ਲੋਇਡ ਪੋਪ ਸ਼ਾਮਲ ਹਨ।
ਪੁਰਸ਼ ਵਿਕਾਸ ਟੀਮ: ਆਰੀਅਨ ਸ਼ਰਮਾ, ਡੱਗ ਵਾਰੇਨ, ਹਿਊਗ ਵੇਬਗੇਨ, ਜੈਕ ਸਿਨਫੀਲਡ, ਜੇਸਨ ਸੰਘਾ, ਜੈਡਨ ਗੁਡਵਿਨ, ਜੋਏਲ ਡੇਵਿਸ, ਲੋਇਡ ਪੋਪ, ਮੈਟ ਗਿਲਕਸ, ਰਾਫੇਲ ਮੈਕਮਿਲਨ, ਰਿਲੇ ਕਿੰਗਸਲੇ ਅਤੇ ਸਟੀਵਨ ਹੋਗਨ।
