ਨਵੀਂ ਦਿੱਲੀ : ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਕੇਂਦਰੀ ਬਜਟ 2026 ਵਿੱਚ ਦੱਸਿਆ ਕਿ ਕੰਟੈਂਟ ਕ੍ਰਿਏਸ਼ਨ ਨੂੰ ਉਤਸ਼ਾਹਿਤ ਕਰਨ ਲਈ 15,000 ਸਕੂਲਾਂ ਅਤੇ 500 ਕਾਲਜਾਂ ਵਿੱਚ ਕੰਟੈਂਟ ਕ੍ਰਿਏਟਰ ਲੈਬ ਖੋਲ੍ਹੇ ਜਾਣਗੇ। ਗੇਮਿੰਗ ਸੈਕਟਰ ਵਿੱਚ 10 ਲੱਖ ਤੋਂ ਵੱਧ ਪੇਸ਼ੇਵਰਾਂ ਨੂੰ ਨੌਕਰੀ ‘ਤੇ ਰੱਖਿਆ ਜਾਵੇਗਾ। ਨਿਰਮਲਾ ਸੀਤਾਰਮਨ ਨੇ ਟੈਕਨਾਲੋਜੀ ਅਤੇ ਇਨੋਵੇਸ਼ਨ ਨੂੰ ‘ਵਿਕਸਤ ਭਾਰਤ’ ਦਾ ਸਭ ਤੋਂ ਵੱਡਾ ਇੰਜਣ ਦੱਸਿਆ ਹੈ। ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਦੇ ਇਸ ਐਲਾਨ ਤੋਂ ਸਾਫ਼ ਹੈ ਕਿ, ਆਉਣ ਵਾਲੇ ਸਮੇਂ ਵਿੱਚ ਕੰਟੈਂਟ ਕ੍ਰਿਏਸ਼ਨ ਦੀ ਮੌਜ ਹੋਣ ਵਾਲੀ ਹੈ।
ਸਿਖਾਇਆ ਜਾਵੇਗਾ ਕੰਟੈਂਟ ਕ੍ਰਿਏਸ਼ਨ
ਗੇਮਿੰਗ ਸੈਕਟਰ ਵਿੱਚ 10 ਲੱਖ ਤੋਂ ਵੱਧ ਪੇਸ਼ੇਵਰਾਂ ਨੂੰ ਨੌਕਰੀ ‘ਤੇ ਰੱਖਿਆ ਜਾਵੇਗਾ, ਅਤੇ ਇਨ੍ਹਾਂ ਦੇ ਜਰੀਏ ਲੋਕਾਂ ਨੂੰ ਕੰਟੈਂਟ ਕ੍ਰਿਏਸ਼ਨ ਸਿਖਾਈਆ ਜਾਵੇਗਾ। ਅਜਿਹਾ ਕਰਨ ਨਾਲ ਕ੍ਰੀਏਟਰ ਅਰਥਵਿਵਸਥਾ ਨੂੰ ਬੂਸਟ ਮਿਲੇਗਾ। ਇਸ ਤੋਂ ਇਲਾਵਾ, ਐਨੀਮੇਸ਼ਨ, ਵਿਜ਼ੂਅਲ ਇਫੈਕਟਸ, ਗੇਮਿੰਗ ਅਤੇ ਕਾਮਿਕਸ ਖੇਤਰਾਂ ਨੂੰ ਵਾਧਾ ਦਿੱਤਾ ਜਾਵੇਗਾ। ਇਸ ਦੇ ਲਈ 15,000 ਸੈਕੰਡਰੀ ਸਕੂਲਾਂ ਅਤੇ 500 ਕਾਲਜਾਂ ਵਿੱਚ ਕ੍ਰੀਏਟਰ ਲੈਬਸ ਸਥਾਪਿਤ ਕਰਨ ਦੀ ਘੋਸ਼ਣਾ ਕੀਤੀ ਗਈ ਹੈ।
ਕੀ ਹੈ ABGC ਕੰਟੈਂਟ ਕ੍ਰਿਏਟਰ ਲੈਬਸ ?
ਸਰਕਾਰ ਨੇ ਕੰਟੈਂਟ ਕ੍ਰਿਏਟਰ ਲੈਬਸ ਸਥਾਪਿਤ ਕਰਨ ਦਾ ਐਲਾਨ ਕੀਤਾ ਹੈ। ਇਸ ABGC ਕੰਟੈਂਟ ਕ੍ਰਿਏਟਰ ਲੈਬਸ ਦੇ ਨਾਮ ਨਾਲ ਜਾਣਿਆ ਜਾਵੇਗਾ। ABGC ਦਾ ਅਰਥ ਹੈ A – ਐਨੀਮੇਸ਼ਨ, B – ਵਿਜ਼ੂਅਲ ਇਫੈਕਟਸ, G – ਗੇਮਿੰਗ, ਅਤੇ C – ਕਾਮਿਕਸ। ਇਨ੍ਹਾਂ ਲੈਬਸ ਦਾ ਦਾ ਮਕਸਦ ਕੰਟੈਂਟ ਕ੍ਰਿਏਟਰ ਨੂੰ ਵਾਧਾ ਦੇਣਾ ਅਤੇ ਸੁਵਿਧਾਵਾਂ ਦੇਣਾ ਹੋਵੇਗਾ।
ਅਰਥਵਿਵਸਥਾ ਦੀ ਪਾਵਰਹਾਊਸ ਹੈ AI ਵਰਗੀਆਂ ਨਵੀਆਂ ਤਕਨੀਕਾਂ
ਬਜਟ ਵਿੱਚ AI ਵਰਗੀਆਂ ਨਵੀਆਂ ਤਕਨੀਕਾਂ ਨੂੰ ਅਰਥਵਿਵਸਥਾ ਦੀ ਤਾਕਤ ਬਣਾਇਆ ਗਿਆ ਹੈ। ਇਸ ਬੁਨਿਆਦੀ ਢਾਂਚੇ ਲਈ ₹12.2 ਲੱਖ ਕਰੋੜ ਦਾ ਬਜਟ ਰੱਖਿਆ ਹੈ। ਇਹ ਇੰਟਰਨੈੱਟ ਕਨੈਕਟੀਵਿਟੀ ਅਤੇ ਡਿਜੀਟਲ ਨੈੱਟਵਰਕ ਨੂੰ ਮਜ਼ਬੂਤ ਕੀਤਾ ਜਾਵੇਗਾ। ਇਸਦੇ ਨਾਲ ਹੀ ਸਕਿਲ ਡਿਵੈਲਪਮੈਂਟ ‘ਤੇ ਕੰਮ ਕੀਤਾ ਜਾਵੇਗਾ। ਸਾਰੇ ਨੌਜਵਾਨਾਂ ਨੂੰ ਨਵੀਂ ਤਕਨਾਲੋਜੀ ਸਿਖਾਉਣ ‘ਤੇ ਧਿਆਨ ਦਿੱਤਾ ਜਾਵੇਗਾ। ਇਸਦੇ ਨਾਲ ਹੀ ਮੈਨੂਫੈਕਚਰਿੰਗ ਨੂੰ ਵਧਾਵਾ ਦਿੱਤਾ ਜਾਵੇਗਾ ਜਿਸ ਨਾਲ ਕ੍ਰੀਏਟਰਾਂ ਨੂੰ ਜਰੂਰੀ ਉਪਕਰਨ ਸਸਤੇ ਅਤੇ ਆਸਾਨੀ ਨਾਲ ਮਿਲ ਸਕਣਗੇ।
