ਸਸਤਾ ਹੋਇਆ ਵਪਾਰਕ ਗੈਸ ਸਿਲੰਡਰ , ਜਾਣੋ ਤਾਜ਼ਾ ਕੀਮਤਾਂ

ਨਵੀਂ ਦਿੱਲੀ : ਵਪਾਰਕ ਗੈਸ ਸਿਲੰਡਰਾਂ ਦੀਆਂ ਕੀਮਤਾਂ ਵਿੱਚ ਲਗਾਤਾਰ ਚੌਥੇ ਮਹੀਨੇ ਗਿਰਾਵਟ ਦੇਖਣ ਨੂੰ ਮਿਲੀ ਹੈ। ਇਸਦਾ ਪ੍ਰਭਾਵ ਇਹ ਹੈ ਕਿ ਵਪਾਰਕ ਸਿਲੰਡਰਾਂ ਦੀਆਂ ਕੀਮਤਾਂ ਲਗਭਗ 1900 ਰੁਪਏ ਤੋਂ ਘੱਟ ਕੇ ਲਗਭਗ 1600 ਰੁਪਏ ਪ੍ਰਤੀ ਸਿਲੰਡਰ ਹੋ ਗਈਆਂ ਹਨ।

ਜੁਲਾਈ ਦੇ ਮਹੀਨੇ ਵਿੱਚ ਹੀ, ਵਪਾਰਕ ਗੈਸ ਸਿਲੰਡਰਾਂ ਦੀਆਂ ਕੀਮਤਾਂ ਵਿੱਚ 57 ਰੁਪਏ ਤੋਂ ਵੱਧ ਦੀ ਗਿਰਾਵਟ ਆਈ ਹੈ, ਜਿਸ ਵਿੱਚ ਦਿੱਲੀ ਵਿੱਚ ਸਭ ਤੋਂ ਵੱਡੀ ਕਮੀ ਦੇਖੀ ਗਈ ਹੈ। ਦੂਜੇ ਪਾਸੇ, 8 ਅਪ੍ਰੈਲ ਤੋਂ ਬਾਅਦ ਘਰੇਲੂ ਲ਼ਫਘ ਸਿਲੰਡਰਾਂ ਦੀਆਂ ਕੀਮਤਾਂ ਵਿੱਚ ਕੋਈ ਬਦਲਾਅ ਨਹੀਂ ਹੋਇਆ ਹੈ। ਉਸ ਦਿਨ, ਸਰਕਾਰ ਨੇ ਘਰੇਲੂ ਸਿਲੰਡਰਾਂ ਦੀਆਂ ਕੀਮਤਾਂ ਵਿੱਚ 50 ਰੁਪਏ ਪ੍ਰਤੀ ਸਿਲੰਡਰ ਦਾ ਵਾਧਾ ਕੀਤਾ ਸੀ। ਆਓ ਜਾਣਦੇ ਹਾਂ ਦੇਸ਼ ਦੇ ਪ੍ਰਮੁੱਖ ਸ਼ਹਿਰਾਂ ਵਿੱਚ ਵਪਾਰਕ ਅਤੇ ਘਰੇਲੂ LPG ਸਿਲੰਡਰਾਂ ਦੀਆਂ ਮੌਜੂਦਾ ਕੀਮਤਾਂ:-

ਲਗਾਤਾਰ ਚਾਰ ਮਹੀਨਿਆਂ ਤੋਂ ਸਸਤਾ ਹੋਇਆ ਵਪਾਰਕ LPG
IOCL ਦੇ ਅੰਕੜਿਆਂ ਅਨੁਸਾਰ, ਵਪਾਰਕ ਗੈਸ ਸਿਲੰਡਰਾਂ ਦੀਆਂ ਕੀਮਤਾਂ ਵਿੱਚ ਲਗਾਤਾਰ ਚੌਥੇ ਮਹੀਨੇ ਗਿਰਾਵਟ ਆਈ ਹੈ। ਜੁਲਾਈ ਦੇ ਪਹਿਲੇ ਦਿਨ, ਦਿੱਲੀ ਵਿੱਚ ਵਪਾਰਕ ਸਿਲੰਡਰਾਂ ਦੀ ਕੀਮਤ ਵਿੱਚ 58.5 ਰੁਪਏ ਦੀ ਗਿਰਾਵਟ ਆਈ ਹੈ। ਇਸ ਦੇ ਨਾਲ ਹੀ, ਕੋਲਕਾਤਾ, ਮੁੰਬਈ ਅਤੇ ਚੇਨਈ ਵਿੱਚ ਪ੍ਰਤੀ ਸਿਲੰਡਰ ਕ੍ਰਮਵਾਰ 57 ਰੁਪਏ, 58 ਰੁਪਏ ਅਤੇ 57.5 ਰੁਪਏ ਦੀ ਕਟੌਤੀ ਦੇਖੀ ਗਈ ਹੈ।

4 ਮਹਾਂਨਗਰਾਂ ਵਿੱਚ ਵਪਾਰਕ ਗੈਸ ਸਿਲੰਡਰਾਂ ਦੀਆਂ ਕੀਮਤਾਂ ਇਸ ਪ੍ਰਕਾਰ ਹਨ:

ਦਿੱਲੀ: 1665 ਰੁਪਏ

ਕੋਲਕਾਤਾ: 1769 ਰੁਪਏ

ਮੁੰਬਈ: 1616.50 ਰੁਪਏ

ਚੇਨਈ: 1823.50 ਰੁਪਏ

4 ਮਹੀਨਿਆਂ ਵਿੱਚ ਵਪਾਰਕ LPG ਵਿੱਚ ਕੁੱਲ ਗਿਰਾਵਟ
ਪਿਛਲੇ ਚਾਰ ਮਹੀਨਿਆਂ ਵਿੱਚ, ਵਪਾਰਕ LPG ਸਿਲੰਡਰਾਂ ਦੀਆਂ ਕੀਮਤਾਂ ਵਿੱਚ ਲਗਭਗ 140 ਰੁਪਏ ਦੀ ਗਿਰਾਵਟ ਆਈ ਹੈ। ਸ਼ਹਿਰਾਂ ਦੇ ਅਨੁਸਾਰ ਇਹ ਕਮੀ ਇਸ ਪ੍ਰਕਾਰ ਹੈ:

ਦਿੱਲੀ ਵਿੱਚ 138 ਰੁਪਏ

ਕੋਲਕਾਤਾ ਵਿੱਚ 144 ਰੁਪਏ

ਮੁੰਬਈ ਵਿੱਚ 139 ਰੁਪਏ

ਚੇਨਈ ਵਿੱਚ 141.5 ਰੁਪਏ

ਘਰੇਲੂ LPG ਦੀਆਂ ਕੀਮਤਾਂ ਵਿੱਚ ਸਥਿਰਤਾ
ਮੌਜੂਦਾ ਸਮੇਂ ਘਰੇਲੂ ਗੈਸ ਸਿਲੰਡਰਾਂ ਦੀਆਂ ਕੀਮਤਾਂ ਵਿੱਚ ਕੋਈ ਬਦਲਾਅ ਨਹੀਂ ਹੋਇਆ ਹੈ। 8 ਅਪ੍ਰੈਲ ਨੂੰ ਪ੍ਰਤੀ ਸਿਲੰਡਰ 50 ਰੁਪਏ ਦੇ ਵਾਧੇ ਤੋਂ ਬਾਅਦ ਕੀਮਤਾਂ ਉਹੀ ਰਹੀਆਂ ਹਨ। ਪ੍ਰਮੁੱਖ ਸ਼ਹਿਰਾਂ ਵਿੱਚ ਘਰੇਲੂ ਐਲ.ਪੀ.ਜੀ. ਸਿਲੰਡਰ ਦੀਆਂ ਕੀਮਤਾਂ ਇਸ ਪ੍ਰਕਾਰ ਹਨ:

ਦਿੱਲੀ: 853 ਰੁਪਏ

ਕੋਲਕਾਤਾ: 879 ਰੁਪਏ

ਮੁੰਬਈ: 852.50 ਰੁਪਏ

ਚੇਨਈ: 868.50 ਰੁਪਏ