ਮੁੱਖ ਮੰਤਰੀ ਰੇਖਾ ਗੁਪਤਾ ਨੇ ਪੂਰਬੀ ਦਿੱਲੀ ਦੇ ਲੋਕਾਂ ਨੂੰ ਦਿੱਤਾ ਵੱਡਾ ਤੋਹਫ਼ਾ

ਦਿੱਲੀ : ਪੂਰਬੀ ਦਿੱਲੀ ਵਿੱਚ ਰਹਿਣ ਵਾਲੇ ਲੋਕਾਂ ਦੇ ਲਈ ਵੱਡੀ ਰਾਹਤ ਦੀ ਖ਼ਬਰ ਸਾਹਮਣੇ ਆਈ ਹੈ। ਦਿੱਲੀ ਮੈਟਰੋ ਫੇਜ਼ V(B) ਦੇ ਤਹਿਤ, ਸ਼ਾਸਤਰੀ ਪਾਰਕ ਤੋਂ ਮਯੂਰ ਵਿਹਾਰ ਫੇਜ਼ 3 ਤੱਕ ਇੱਕ ਨਵਾਂ ਮੈਟਰੋ ਕੋਰੀਡੋਰ ਬਣਾਇਆ ਜਾਵੇਗਾ। ਇਸ ਨਵੀਂ ਲਾਈਨ ਦੇ ਸ਼ੁਰੂ ਹੋਣ ਦੇ ਬਾਅਦ ਲੱਖਾਂ ਲੋਕਾਂ ਦਾ ਰੋਜ਼ ਦਾ ਸਫ਼ਰ ਆਸਾਨ ਅਤੇ ਤੇਜ਼ ਹੋ ਜਾਵੇਗਾ। ਖ਼ਾਸ ਕਰਕੇ ਵਿਦਿਆਰਥੀਆਂ, ਕੰਮ ਕਰਨ ਵਾਲੇ ਪੇਸ਼ੇਵਰਾਂ ਅਤੇ ਰੋਜ਼ਾਨਾ ਲੰਬੀ ਦੂਰੀ ਤੈਅ ਕਰਨ ਵਾਲੇ ਯਾਤਰੀਆਂ ਨੂੰ ਇਸਦਾ ਸਭ ਤੋਂ ਜ਼ਿਆਦਾ ਫਾਇਦਾ ਮਿਲੇਗਾ।

ਦਿੱਲੀ ਦੀ ਮੁੱਖ ਮੰਤਰੀ ਰੇਖਾ ਗੁਪਤਾ ਪਹਿਲਾਂ ਹੀ ਇਸ ਪ੍ਰੋਜੈਕਟ ਦੀ ਜਾਣਕਾਰੀ ਆਪਣੇ ਅਧਿਕਾਰਤ ਸੋਸ਼ਲ ਮੀਡੀਆ ਪਲੇਟਫਾਰਮ ਐਕਸ ‘ਤੇ ਬਾਰੇ ਜਾਣਕਾਰੀ ਸਾਂਝੀ ਕਰ ਚੁੱਕੀ ਹੈ। ਉਨ੍ਹਾਂ ਨੇ ਦੱਸਿਆ ਸੀ ਕਿ ਇਹ ਨਵਾਂ ਕੋਰੀਡੋਰ ਪੂਰਬੀ ਦਿੱਲੀ ਦੀ ਕਨੈਕਟੀਵਿਟੀ ਨੂੰ ਮਜ਼ਬੂਤ ​​ਕਰੇਗਾ ਅਤੇ ਲੋਕਾਂ ਦੀ ਯਾਤਰਾ ਜਾ ਸਮਾਂ ਘੱਟ ਹੋਵੇਗਾ।

ਕਿੰਨਾ ਲੰਬਾ ਹੋਵੇਗਾ ਨਵਾਂ ਕੋਰੀਡੋਰ?

ਇਹ ਨਵਾਂ ਮੈਟਰੋ ਕੋਰੀਡੋਰ ਲਗਭਗ 13.2 ਕਿਲੋਮੀਟਰ ਲੰਬਾ ਹੋਵੇਗਾ। ਇਸ ਰੂਟ ‘ਤੇ ਕੁੱਲ ਅੱਠ ਸਟੇਸ਼ਨ ਬਣਾਏ ਜਾਣਗੇ। ਇਨ੍ਹਾਂ ਵਿੱਚੋਂ ਤਿੰਨ ਸਟੇਸ਼ਨ ਅੰਡਰ ਗਰਾਉਂਡ ਹੋਣਗੇ, ਜਦੋਂ ਕਿ 5 ਸਟੇਸ਼ਨ ਉੱਚੇ ਪੱਧਰ ‘ਤੇ ਯਾਨੀ ਕਿ ਉਚਾਈ ‘ਤੇ ਬਣਾਏ ਜਾਣਗੇ।

ਇਹ ਲਾਈਨ ਸ਼ਾਸਤਰੀ ਪਾਰਕ ਤੋਂ ਸ਼ੁਰੂ ਹੋਵੇਗੀ ਅਤੇ ਨਿਰਮਾਣ ਵਿਹਾਰ ਅਤੇ ਤ੍ਰਿਲੋਕਪੁਰੀ ਵਰਗੇ ਪ੍ਰਮੁੱਖ ਖੇਤਰਾਂ ਵਿੱਚੋਂ ਲੰਘੇਗੀ, ਮਯੂਰ ਵਿਹਾਰ ਫੇਜ਼ 3 ਤੱਕ ਪਹੁੰਚੇਗੀ। ਇਹ ਰਸਤਾ ਬਹੁਤ ਸਾਰੇ ਭੀੜ-ਭੜੱਕੇ ਵਾਲੇ ਖੇਤਰਾਂ ਨੂੰ ਸਿੱਧਾ ਮੈਟਰੋ ਕਨੈਕਸ਼ਨ ਪ੍ਰਦਾਨ ਕਰੇਗਾ।

ਕਿੰਨਾ ਇਲਾਕਿਆਂ ਨੂੰ ਹੋਵੇਗਾ ਫਾਇਦਾ?

ਇਹ ਨਵਾਂ ਮੈਟਰੋ ਰੂਟ ਮਯੂਰ ਵਿਹਾਰ ਫੇਜ਼-3, ਨਿਊ ਕੋਂਡਲੀ, ਪਟਪੜਗੰਜ, ਗੀਤਾ ਕਲੋਨੀ, ਗਾਂਧੀ ਨਗਰ ਮਾਰਕੀਟ ਅਤੇ ਕੈਲਾਸ਼ ਨਗਰ ਵਰਗੇ ਖੇਤਰਾਂ ਦੇ ਲੋਕਾਂ ਨੂੰ ਵੱਡੀ ਰਾਹਤ ਪ੍ਰਦਾਨ ਕਰੇਗਾ। ਵਰਤਮਾਨ ਵਿੱਚ, ਇਹਨਾਂ ਖੇਤਰਾਂ ਦੇ ਵਸਨੀਕਾਂ ਨੂੰ ਟ੍ਰੈਫਿਕ ਜਾਮ ਅਤੇ ਲੰਬੇ ਸਫ਼ਰ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਹਾਲਾਂਕਿ, ਮੈਟਰੋ ਦੇ ਆਉਣ ਨਾਲ, ਯਾਤਰਾ ਦਾ ਸਮਾਂ ਕਾਫ਼ੀ ਘੱਟ ਜਾਵੇਗਾ।

ਇੰਟਰਚੇਂਜ ਦੀ ਵੀ ਮਿਲੇਗੀ ਸੁਵਿਧਾ

ਇਹ ਕੋਰੀਡੋਰ ਹੋਰ ਦਿੱਲੀ ਮੈਟਰੋ ਲਾਈਨਾਂ ਨਾਲ ਜੁੜ ਜਾਵੇਗਾ।

• ਸ਼ਾਸਤਰੀ ਪਾਰਕ ਸਟੇਸ਼ਨ ‘ਤੇ ਰੈੱਡ ਲਾਈਨ ਤੋਂ ਕਨੈਕਸ਼ਨ ਮਿਲੇਗਾ।
• ਨਿਰਮਾਣ ਵਿਹਾਰ ‘ਤੇ ਬਲੂ ਲਾਈਨ ਤੋਂ ਇੰਟਰਚੇਂਜ ਮਿਲੇਗਾ।
• ਤ੍ਰਿਲੋਕਪੁਰੀ ਸਟੇਸ਼ਨ ‘ਤੇ ਪਿੰਕ ਲਾਈਨ ਨਾਲ ਇੱਕ ਕਨੈਕਸ਼ਨ ਮਿਲੇਗਾ।
• ਇਹ ਯਾਤਰੀਆਂ ਨੂੰ ਦਿੱਲੀ ਦੇ ਵੱਖ-ਵੱਖ ਹਿੱਸਿਆਂ ਵਿਚਕਾਰ ਆਸਾਨੀ ਨਾਲ ਯਾਤਰਾ ਕਰਨ ਵਿੱਚ ਮਦਦ ਕਰੇਗਾ।

ਪਹਿਲਾਂ ਵੀ ਦਿੱਤੀ ਗਈ ਸੀ ਜਾਣਕਾਰੀ

ਮੁੱਖ ਮੰਤਰੀ ਰੇਖਾ ਗੁਪਤਾ ਪਹਿਲਾਂ ਹੀ ਦੱਸ ਚੁੱਕੇ ਹਨ ਕਿ ਦਿੱਲੀ ਮੈਟਰੋ ਫੇਜ਼ V(B) ਦੇ ਤਹਿਤ ਰਾਜਧਾਨੀ ਵਿੱਚ ਸੱਤ ਨਵੇਂ ਕੋਰੀਡੋਰ ਬਣਾਏ ਜਾਣਗੇ। ਇਨ੍ਹਾਂ ਵਿੱਚ ਸ਼ਾਸਤਰੀ ਪਾਰਕ ਤੋਂ ਮਯੂਰ ਵਿਹਾਰ ਫੇਜ਼-3 ਤੱਕ ਦਾ ਇਹ ਕੋਰੀਡੋਰ ਹੈ, ਜਿਸ ਨੂੰ ਪੂਰਬੀ ਦਿੱਲੀ ਲਈ ਬਹੁਤ ਮਹੱਤਵਪੂਰਨ ਮੰਨਿਆ ਜਾ ਰਿਹਾ ਹੈ।