ਭਿਵਾਨੀ: ਮੁੱਖ ਮੰਤਰੀ ਨੇ ਭਿਵਾਨੀ ਦੇ ਚੌ. ਬੰਸੀਲਾਲ ਐਰੋਡਰੋਮ ਵਿਖੇ 31 ਕਰੋੜ ਰੁਪਏ ਦੀ ਲਾਗਤ ਨਾਲ ਹੈਂਗਰ, ਏ.ਟੀ.ਸੀ. ਦੀ ਇਮਾਰਤ, ਸੁਰੱਖਿਆ ਚੌਕੀ ਅਤੇ ਕੰਟੀਨ ਦਾ ਉਦਘਾਟਨ ਕੀਤਾ। ਮੁੱਖ ਮੰਤਰੀ ਨੇ ਕਿਹਾ ਕਿ ਸਾਲ 2027 ਦੇ ਅੰਤ ਤੱਕ ਹਿਸਾਰ ਹਵਾਈ ਅੱਡੇ ਸਮੇਤ ਇਸ ਦੇ ਯਾਤਰੀ ਟਰਮੀਨਲ ਅਤੇ ਕਾਰਗੋ ਟਰਮੀਨਲ ਨੂੰ ਐਮ.ਆਰ.ਓ. ਹੱਬ ਵਜੋਂ ਵਿਕਸਤ ਕੀਤਾ ਜਾਵੇਗਾ। ਐਮ.ਆਰ.ਓ. ਹੱਬ ਵਿੱਚ, ਜਹਾਜ਼ਾਂ ਦੀ ਸਾਂਭ-ਸੰਭਾਲ, ਮੁਰੰਮਤ ਅਤੇ ਕਾਰਜਸ਼ੀਲ ਬਣਾਉਣ ਲਈ ਕੰਮ ਕੀਤਾ ਜਾਂਦਾ ਹੈ।
ਚੰਡੀਗੜ੍ਹ, ਜੈਪੁਰ ਤੋਂ ਇਲਾਵਾ ਜੰਮੂ, ਅਹਿਮਦਾਬਾਦ ਅਤੇ ਦਿੱਲੀ ਲਈ ਹਿਸਾਰ ਹਵਾਈ ਅੱਡੇ ਤੋਂ ਵੀ ਜਲਦੀ ਹੀ ਸੇਵਾਵਾਂ ਸ਼ੁਰੂ ਹੋਣਗੀਆਂ। ਮੁੱਖ ਮੰਤਰੀ ਨੇ ਭਿਵਾਨੀ ਹਵਾਈ ਪੱਟੀ ‘ਤੇ 120 ਉਡਾਣਾਂ ਦੀ ਸਿਖਲਾਈ ਪੂਰੀ ਕਰਨ ਵਾਲੇ ਪਾਇਲਟਾਂ ਨੂੰ ਵਧਾਈ ਦਿੱਤੀ। ਮੁੱਖ ਮੰਤਰੀ ਨੇ ਕਿਹਾ ਕਿ ਭਿਵਾਨੀ ਦੇ ਪਾਇਲਟ ਦੇਸ਼ ਅਤੇ ਦੁਨੀਆ ਵਿੱਚ ਹਰਿਆਣਾ ਦਾ ਨਾਂ ਰੌਸ਼ਨ ਕਰਨਗੇ।
