Sports News : ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (BCCI) ਨੇ ਫ਼ੈਸਲਾ ਕੀਤਾ ਹੈ ਕਿ 5 ਸਟੈਂਡਬਾਏ ਖਿਡਾਰੀ ਯਸ਼ਸਵੀ ਜੈਸਵਾਲ, ਪ੍ਰਸਿਧ ਕ੍ਰਿਸ਼ਨਾ, ਵਾਸ਼ਿੰਗਟਨ ਸੁੰਦਰ, ਰਿਆਨ ਪਰਾਗ ਅਤੇ ਧਰੁਵ ਜੁਰੇਲ ਏਸ਼ੀਆ ਕੱਪ 2025 ਲਈ ਮੁੱਖ ਟੀਮ ਨਾਲ ਦੁਬਈ ਨਹੀਂ ਜਾਏਗੀ।
ਸੂਰਿਆਕੁਮਾਰ ਯਾਦਵ ਦੀ ਅਗਵਾਈ ਵਾਲੀ ਟੀਮ 10 ਸਤੰਬਰ ਨੂੰ ਗਰੁੱਪ ਏ ਵਿੱਚ UAE ਵਿਰੁੱਧ ਆਪਣੀ ਏਸ਼ੀਆ ਕੱਪ ਮੁਹਿੰਮ ਦੀ ਸ਼ੁਰੂਆਤ ਕਰੇਗੀ। ਇਸ ਤੋਂ ਬਾਅਦ ਕ੍ਰਮਵਾਰ 14 ਅਤੇ 19 ਸਤੰਬਰ ਨੂੰ ਪਾਕਿਸਤਾਨ ਅਤੇ ਓਮਾਨ ਵਿਰੁੱਧ ਮੈਚ ਹੋਣਗੇ। BCCI ਨੇ ਇਸ ਮਹੀਨੇ ਦੇ ਸ਼ੁਰੂ ਵਿੱਚ ਸ਼ੁਭਮਨ ਗਿੱਲ ਨੂੰ ਉਪ-ਕਪਤਾਨ ਵਜੋਂ ਨਾਮਜ਼ਦ ਕਰਕੇ 15 ਮੈਂਬਰੀ ਮਜ਼ਬੂਤ ਟੀਮ ਦਾ ਐਲਾਨ ਕੀਤਾ ਸੀ।
ਪ੍ਰਾਪਤ ਜਾਣਕਾਰੀ ਅਨੁਸਾਰ, ਜੈਸਵਾਲ, ਪ੍ਰਸਿਧ, ਸੁੰਦਰ, ਪਰਾਗ ਅਤੇ ਜੁਰੇਲ 9 ਸਤੰਬਰ ਤੋਂ ਸ਼ੁਰੂ ਹੋਣ ਵਾਲੇ ਮਹਾਂਦੀਪੀ ਟੂਰਨਾਮੈਂਟ ਲਈ ਮੁੱਖ ਟੀਮ ਨਾਲ ਯਾਤਰਾ ਨਹੀਂ ਕਰਨਗੇ।” PTI ਨੇ BCCO ਦੇ ਇੱਕ ਸਰੋਤ ਦੇ ਹਵਾਲੇ ਨਾਲ ਕਿਹਾ, “ਨਹੀਂ, ਸਟੈਂਡਬਾਏ ਖਿਡਾਰੀ ਮੁੱਖ ਟੀਮ ਨਾਲ ਦੁਬਈ ਨਹੀਂ ਜਾਣਗੇ,
ਆਮ ਅਭਿਆਸ ਤੋਂ ਹਟ ਕੇ, ਖਿਡਾਰੀ ਵੱਖ-ਵੱਖ ਸਮੇਂ ‘ਤੇ ਆਪਣੇ-ਆਪਣੇ ਸਥਾਨਾਂ ਤੋਂ ਦੁਬਈ ਪਹੁੰਚਣਗੇ, ਜਦੋਂ ਕਿ ਹੋਰ ਮੌਕਿਆਂ ‘ਤੇ ਟੀਮ ਰਵਾਨਗੀ ਤੋਂ ਪਹਿਲਾਂ ਮੁੰਬਈ ਵਿੱਚ ਇਕੱਠੀ ਹੁੰਦੀ ਸੀ। ਇਹ ਫ਼ੈਸਲਾ ਖਿਡਾਰੀਆਂ ਦੀ ਯਾਤਰਾ ਦੀ ਸਹੂਲਤ ਅਤੇ ਪ੍ਰਬੰਧਾਂ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਲਿਆ ਗਿਆ ਹੈ।
ਇੱਕ ਸੀਨੀਅਰ ਬੀ.ਸੀ.ਸੀ.ਆਈ. ਦੇ ਅਧਿਕਾਰੀ ਨੇ ਨਾਮ ਗੁਪਤ ਰੱਖਣ ਦੀ ਸ਼ਰਤ ‘ਤੇ ਪੀ.ਟੀ.ਆਈ ਨੂੰ ਦੱਸਿਆ, “ਸਾਰੇ ਖਿਡਾਰੀ 4 ਸਤੰਬਰ ਦੀ ਸ਼ਾਮ ਤੱਕ ਦੁਬਈ ਪਹੁੰਚ ਜਾਣਗੇ ਅਤੇ ਪਹਿਲਾ ਨੈੱਟ ਸੈਸ਼ਨ 5 ਸਤੰਬਰ ਨੂੰ ਆਈ.ਸੀ.ਸੀ ਅਕੈਡਮੀ ਵਿੱਚ ਹੋਵੇਗਾ। ਪ੍ਰਬੰਧਾਂ ਦੀ ਸਹੂਲਤ ਨੂੰ ਧਿਆਨ ਵਿੱਚ ਰੱਖਦੇ ਹੋਏ, ਖਿਡਾਰੀਆਂ ਨੂੰ ਉਨ੍ਹਾਂ ਦੇ ਆਪਣੇ ਸ਼ਹਿਰਾਂ ਤੋਂ ਦੁਬਈ ਆਉਣ ਦੀ ਇਜਾਜ਼ਤ ਦਿੱਤੀ ਜਾਵੇਗੀ।” ਉਨ੍ਹਾਂ ਅੱਗੇ ਕਿਹਾ, “ਜ਼ਾਹਿਰ ਹੈ ਕਿ ਕੁਝ ਲੋਕ ਮੁੰਬਈ ਤੋਂ ਯਾਤਰਾ ਕਰਨਗੇ, ਪਰ ਕੁਝ ਹੋਰਾਂ ਨੂੰ ਪਹਿਲਾਂ ਮੁੰਬਈ ਆਉਣ ਅਤੇ ਫਿਰ ਦੁਬਈ ਜਾਣ ਲਈ ਕਹਿਣਾ ਬੇਤੁਕਾ ਹੈ। ਵੈਸੇ ਵੀ, ਦੁਬਈ ਦੀ ਉਡਾਣ ਹੋਰ ਅੰਤਰਰਾਸ਼ਟਰੀ ਉਡਾਣਾਂ ਨਾਲੋਂ ਛੋਟੀ ਹੈ।”
ਏਸ਼ੀਆ ਕੱਪ ਲਈ ਭਾਰਤੀ ਟੀਮ:
ਸੂਰਯਕੁਮਾਰ ਯਾਦਵ (ਕਪਤਾਨ), ਸ਼ੁਭਮਨ ਗਿੱਲ (ਉਪ-ਕਪਤਾਨ), ਸੰਜੂ ਸੈਮਸਨ (ਵਿਕਟਕੀਪਰ), ਅਭਿਸ਼ੇਕ ਸ਼ਰਮਾ, ਤਿਲਕ ਵਰਮਾ, ਹਾਰਦਿਕ ਪੰਡਯਾ, ਅਕਸ਼ਰ ਪਟੇਲ, ਸ਼ਿਵਮ ਦੂਬੇ, ਜਿਤੇਸ਼ ਸ਼ਰਮਾ (ਵਿਕਟਕੀਪਰ), ਜਸਪ੍ਰੀਤ ਬੁਮਰਾਹ, ਅਰਸ਼ਦੀਪ ਸਿੰਘ, ਵਰੁਣ ਚੱਕਰਵਰਤੀ, ਰਿੰਕੂ ਸਿੰਘ, ਕੁਲਦੀਪ ਯਾਦਵ ਅਤੇ ਹਰਸ਼ਿਤ ਰਾਣਾ।
%20has%20decided%20that%205%20standby%20players%20Yashasvi%20Jaiswal,%20Prasidh%20Krishna...){kind=link}